സാറ ടെണ്ടുൽക്കറുമായല്ല, ശുഭ്മാൻ ഗിൽ ഈ ടിവി നടിയുമായാണ് ഡേറ്റിംഗ് നടത്തുന്നത്! ദുബായ് ഇന്റർനാഷണൽ സ്റ്റേഡിയത്തിൽ നിന്നുള്ള ചിത്രങ്ങൾ ഇൻസ്റ്റാഗ്രാമിൽ പങ്കുവെച്ചതിന് ശേഷം സോഷ്യൽ മീഡിയ താരവും ടിവി നടിയുമായ അവ്നീത് കൗറാണ് ഇപ്പോള്‍ ഓൺലൈനിലെ ട്രന്‍ഡിംഗ് ഗേള്‍.
ഇന്ത്യ vs ഓസ്ട്രേലിയ ചാമ്പ്യൻസ് ട്രോഫി സെമി ഫൈനൽ മത്സരം ആസ്വദിക്കുന്നതായി കാണിക്കുന്ന പോസ്റ്റ് സോഷ്യൽ മീഡിയയിൽ ട്രോളുകളുടെയും, ഊഹാപോഹങ്ങളുടെയും, വിമർശനങ്ങളുടെയും ഒരു തരംഗത്തിന് തിരികൊളുത്തി.
ഇന്ത്യൻ ക്രിക്കറ്റ് താരം ശുഭ്മാൻ ഗില്ലുമായുള്ള ബന്ധത്തെക്കുറിച്ചുള്ള അഭ്യൂഹങ്ങൾക്ക് ഈ പോസ്റ്റ് കൂടുതൽ ശക്തി പകര്‍ന്നു. സ്റ്റേഡിയം സന്ദർശനം നിലവിലുള്ള ഡേറ്റിംഗ് ഗോസിപ്പുകളുമായി ബന്ധമുള്ളതാണെന്ന സംശയത്തിലാണ് ആരാധകർ. ഇതിഹാസ ക്രിക്കറ്റ് താരം സച്ചിൻ ടെൻഡുലക്കറുടെ മകൾ സാറ ടെൻഡുലക്കറുമായി ഗിൽ ഡേറ്റിംഗിലാണെന്ന് നേരത്തെ റിപ്പോർട്ടുകൾ ഉണ്ടായിരുന്നു, കാരണം അവർ പല അവസരങ്ങളിലും ഒരുമിച്ച് കാണപ്പെട്ടിരുന്നു.
മത്സരദിനത്തിലെ ചിത്രങ്ങൾ ഇൻസ്റ്റാഗ്രാമിൽ പങ്കുവെച്ചുകൊണ്ട് അവ്നീത് എഴുതി, “ഇന്ത്യാ… ഇന്ത്യാ…. നിങ്ങൾ മത്സരം കാണുന്നുണ്ടോ?” ഇളം നീല നിറത്തിലുള്ള ഷർട്ടും ക്രീം ബാഗി പാന്റുമാണ് നടി ധരിച്ചിരുന്നത്. ലൂയി വിറ്റൺ ബാഗും കറുത്ത ഷേഡുകളുമായാണ് അവർ തന്റെ വസ്ത്രം ധരിച്ചത്.
ചില ആരാധകർ കൗറിന്റെ സ്റ്റൈലിഷ് വസ്ത്രത്തെ പ്രശംസിച്ചപ്പോൾ, മാസങ്ങളായി നടിയുമായുള്ള പ്രണയ ഗോസിപ്പുകളുടെ കേന്ദ്രബിന്ദുവായ ശുഭ്മാൻ ഗില്ലുമായി അവരുടെ സാന്നിധ്യത്തെ ബന്ധിപ്പിക്കുന്ന പരാമർശങ്ങളാണ് കമന്റ് വിഭാഗത്തിൽ നിറഞ്ഞുനിന്നത്.
അവ്നീത് കൗറോ ശുഭ്മാൻ ഗില്ലോ ഡേറ്റിംഗ് വാര്‍ത്തകള്‍ പരസ്യമായി അംഗീകരിച്ചിട്ടില്ല. ഈ നിശബ്ദത ഊഹാപോഹങ്ങൾ കൂടുതൽ ശക്തമാക്കിയിട്ടുണ്ട്.
