ലോകത്തിലെ ഏറ്റവും സമ്പന്നമായ കുടുംബങ്ങളിലൊന്നായ അംബാനി കുടുംബവും അവരുടെ ജീവിതവും സിനിമാ താരങ്ങളുടേത് പോലെ തന്നെ ലോകം മുഴുവന്‍ വീക്ഷിക്കുന്നു. ഇവരുടെ ആഡംബര ജീവിതവും വാര്‍ത്തകളാണ്. 2019-ല്‍, നിത അംബാനി തന്റെ മരുമകള്‍ ശ്ലോക മേത്തയ്ക്ക് ലോകത്തിലെ ഏറ്റവും വിലകൂടിയ നെക്ലേസുകളിലൊന്ന് സമ്മാനിച്ച് വാര്‍ത്തകളില്‍ ഇടംനേടിയത്.
451 കോടി രൂപ ചെലവ് വരുന്ന സമാനതകളില്ലാത്ത ‘മൗവാദ് എല്‍’ നെക്‌ലേസാണ് നിത മരുമകള്‍ക്ക് നല്‍കിയത്. 2019ല്‍ ശ്ലോക മേത്ത ആകാശ് അംബാനിയെ വിവാഹം കഴിച്ചപ്പോള്‍, നിത അംബാനി അവര്‍ക്ക് ലോകത്തിലെ ഏറ്റവും വിലയേറിയ നെക്ലേസുകളിലൊന്ന് സമ്മാനിച്ചു – മൗവാദ് എല്‍’ഇന്‍കംപാരബിള്‍, 91 വജ്രങ്ങളുള്ള 451 കോടി രൂപയുടെ നെക്ലേസ്. 18 കാരറ്റ് റോസ് ഗോള്‍ഡ് ശാഖകളാല്‍ കെട്ടിയിട്ട 229.52 കാരറ്റ് വെള്ള ഡയമണ്ട് നെക്ലേസില്‍ നിന്ന് സസ്‌പെന്‍ഡ് ചെയ്ത 407.48 കാരറ്റ് മഞ്ഞ വജ്രമാണ് നെക്ലേസിന്റെ സവിശേഷത. 2022-ല്‍, നെക്ലേസ് സോത്ത്‌ബൈസില്‍ പ്രദര്‍ശിപ്പിച്ചു, അതിനുശേഷം അത് വിപണിയില്‍ നിന്ന് പുറത്തുപോയി.
അതേസമയം മുകേഷ് അംബാനി നിത അംബാനിയുടെ 44-ാം ജന്മദിനത്തില്‍ അവര്‍ക്ക് 240 കോടി രൂപയുടെ എ319 ആഡംബര ജെറ്റായിരുന്നു സമ്മാനമായി നല്‍കിയത്. 2007-ലായിരുന്നു ഇത്. അടുത്തിടെ മുകേഷ് അംബാനി നിതയ്ക്ക് 10 കോടി രൂപയുടെ റോള്‍സ് റോയ്സ് കള്ളിനന്‍ ബ്ലാക്ക് ബാഡ്ജ് എസ്യുവി കാര്‍ സമ്മാനിച്ചിരുന്നു. ദീപാവലിക്ക് മുന്നോടിയായിട്ടായിരുന്നു കാര്‍ സമ്മാനിച്ചത്. നിത അംബാനിയുടെ പുതിയ റോള്‍സ് റോയ്സ് ഇപ്പോള്‍ ഇന്ത്യയിലെ ഏറ്റവും ചെലവേറിയ സമ്മാനമാണ്.
2023 ജനുവരി 19 ന്, മുകേഷ് അംബാനിയുടെയും നിത അംബാനിയുടെയും ഇളയ മകന് അനന്ത് അംബാനി, തന്റെ ദീര്‍ഘകാല കാമുകി രാധിക മര്‍ച്ചന്റുമായി അവരുടെ അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തില്‍ മുംബൈയിലെ അവരുടെ വസതിയായ ആന്റിലിയയില്‍ വച്ച് വിവാഹനിശ്ചയം നടത്തി. ഈ അവസരത്തില്‍ ആകാശ് അംബാനി അദ്ദേഹത്തിന് 13,218,876 രൂപ വിലമതിക്കുന്ന 18ഗ പാന്തേര്‍ ഡി കാര്‍ട്ടിയര്‍ ബ്രൂച്ച് സമ്മാനിച്ചു. മുകേഷ് അംബാനി തന്റെ ഇളയ മകന് ബെന്റ്ലി കോണ്ടിനെന്റല്‍ ജിടിസി സ്പീഡ് സമ്മാനിച്ചു. 4.5 കോടി രൂപയാണ് ആഡംബര കാറിന്റെ വിലയെന്ന് റിപ്പോര്‍ട്ടുകള്‍ പറയുന്നു.
