ഹോളിവുഡിലെ ചൂടന്‍ താരങ്ങളാണ് ജേസണ്‍ സ്റ്റാതവും നടി മേഗന്‍ ഫോക്‌സുമെന്നതില്‍ ആരാധകര്‍ക്ക് ഒരു തര്‍ക്കവും ഉണ്ടാകാന്‍ ഇടയില്ല. ഒരാള്‍ ആക്ഷന്‍ഹീറോയും മറ്റൊരാള്‍ ഗ്‌ളാമര്‍ നായികയും. രണ്ടുപേരും ഒന്നിക്കുന്ന എക്‌സ്പാന്‍ഡബിളിന്റെ നാലാമത്തെ സീക്വലാണ് ഇപ്പോള്‍ സംസാരവിഷയം.
നടി ആക്ഷന്‍ ഫ്രാഞ്ചൈസിയുടെ നാലാമത്തെ ചിത്രത്തിലൂടെയാണ് എക്‌സ്പാന്‍ഡബിളിലേക്ക് അരങ്ങേറ്റം കുറിക്കുന്നത്. ഓഗസ്റ്റ് 23 ന് പുറത്തിറങ്ങിയ സിനിമയുടെ ട്രെയിലര്‍ ആരാധകര്‍ക്ക് പ്രതീക്ഷ കൂട്ടുകയാണ്. മേഗന്റെയും ജെയ്സണിന്റെയും ഹോട്ട് സീനുകള്‍ തന്നെയാണ് ട്രെയിലറിന്റെ ഹൈലൈറ്റ്.
സെപ്തംബര്‍ 22-ന് പുറത്തിറങ്ങുന്ന എക്സ്പെന്‍ഡബിള്‍സ് 4-ല്‍ ജേസന്റെ കഥാപാത്രമായ ലീ ക്രിസ്മസിന്റെ സിഐഎ ഏജന്റും കാമുകിയുമായ ജിനയെയാണ് മേഗന്‍ അവതരിപ്പിക്കുന്നത്. ട്രെയിലര്‍ ഇരുവരുടേയും ആരാധകരെ വളരെ ആവേശഭരിതരാക്കുന്നതാണ്. ദി എക്സ്പെന്‍ഡബിള്‍സ് ഫ്രാഞ്ചൈസി അരങ്ങേറ്റം കുറിച്ചത് 2010-ലാണ്. സില്‍വസ്റ്റര്‍ സ്റ്റാലോണ്‍ ഡേവിഡ് കാലഹാമുമായി ചേര്‍ന്ന് എഴുതുകയും അതിലെ പ്രധാന വേഷത്തില്‍ അഭിനയിക്കുകയും അതുപോലെ തന്നെ സംവിധാനം ചെയ്യുകയും ചെയ്തു.
റോക്കി സ്റ്റാര്‍ രണ്ട് തുടര്‍ച്ചകളുടെ എഴുത്തുകാരനായും സേവനമനുഷ്ഠിച്ചു, സംഘത്തിലെ നാലാമന്‍ ബാര്‍ണി റോസ് ആയി താരവും ഈ സിനിമയില്‍ തന്റെ റോളില്‍ വീണ്ടും അഭിനയിക്കാനെത്തും. ഈസി ഡേ ആയി ഫിഫറ്റി സെന്റ്, ഗണ്ണര്‍ ജെന്‍സനായി ഡോള്‍ഫ് ലന്‍ഡ്ഗ്രെന്‍, ടോള്‍ റോഡായി റാണ്ടി കോച്ചര്‍, മാര്‍ഷായി ആന്‍ഡി ഗാര്‍ഷ്യ, സുവാര്‍ട്ടോ ആയി ഇക്കോ ഉവൈസ് എന്നിവരും അഭിനയിക്കുന്നു.
