സീതാരാമം എന്ന ഒറ്റ സിനിമകൊണ്ട് താരമായി ഉയര്‍ന്നയാളാണ് മൃണാള്‍ ഠാക്കൂര്‍. സൗന്ദര്യവും അഭിനയമികവും ആകര്‍ഷകത്വമുള്ള താരമായിട്ടും തനിക്കും റിലേഷന്‍ഷിപ്പ് ദുരന്തം നേരിടേണ്ടി വന്നിട്ടുണ്ടെന്ന് താരം. ബിയര്‍ ബൈസെപ്സ് എന്ന് വിളിക്കപ്പെടുന്ന രണ്‍വീര്‍ അള്ളാബാദിയയ്ക്കൊപ്പമുള്ള ഒരു പോഡ്കാസ്റ്റില്‍ താരം താന്‍ നേരിട്ട ദുരന്തത്തെക്കുറിച്ച് പറഞ്ഞു.
ഏഴ് മാസം മുമ്പാണ് കാമുകനുായി വേര്‍പിരിഞ്ഞതെന്ന് അലഹബാദിയയോട് സംസാരിക്കവെ അവര്‍ പറഞ്ഞു. ”ശരിയായ രീതിയില്‍ പ്രവര്‍ത്തിക്കുന്നതിന് തെറ്റായ രീതി എന്താണ് എന്ന് നിങ്ങള്‍ അറിഞ്ഞിരിക്കണം. പ്രതിബദ്ധതയില്ലാത്ത ഒരു വ്യക്തിയുമായി പൊരുത്തപ്പെടുന്നില്ലെന്ന് കണ്ടാല്‍ പിന്നെ അത് തടരാന്‍ താന്‍ ആഗ്രഹിക്കുന്നില്ല. അവന്‍ വളരെ ഓര്‍ത്തഡോക്‌സ് പശ്ചാത്തലത്തില്‍ നിന്നുള്ളവനായിരുന്നു. ഒരു തരത്തില്‍ പറഞ്ഞാല്‍, ആ അദ്ധ്യായം അവസാനിച്ചതില്‍ എനിക്ക് സന്തോഷമുണ്ട്. തങ്ങള്‍ക്ക് കുട്ടികളെ ഒരുമിച്ച് വളര്‍ത്തുന്നത് ബുദ്ധിമുട്ടായിരിക്കും” അവര്‍ പറഞ്ഞു.
ഭാവിയില്‍ എങ്ങിനെയുള്ളയാളെ തെരഞ്ഞെടുക്കുമെന്ന് ചോദിച്ചപ്പോള്‍ പ്രണയജീവിതത്തിന്റെ ഭാവിയെക്കുറിച്ച് തനിക്ക് പ്രത്യേകിച്ച് ആശങ്കയില്ലെന്ന് നടി പറഞ്ഞു. ഭാവിയിലെ കാമുകന്റെ രൂപമോ കരിയറോ പോലുള്ള കാര്യങ്ങളെക്കുറിച്ച് തനിക്ക് ആശങ്കയില്ലെന്നും നടി പറഞ്ഞു. ”ഞാന്‍ രൂപസൗന്ദര്യം അധികം ശ്രദ്ധിക്കുന്നില്ല. എന്റെ ബോയ്ഫ്രണ്ട്മാരൊന്നും വലിയ ലുക്കര്‍ ആയിരുന്നില്ല. അവര്‍ നല്ല മനുഷ്യരായിരുന്നു,” അവള്‍ പറഞ്ഞു.
കഠിനമായ വികാരങ്ങളൊന്നുമില്ലാതെ വേര്‍പിരിയാനുള്ള പരസ്പര തീരുമാനത്തെ തുടര്‍ന്നാണ് അവളുടെ എല്ലാ പ്രണയങ്ങളും അവസാനിച്ചതെന്നും അവര്‍ വെളിപ്പെടുത്തി. വര്‍ക്ക് ഫ്രണ്ടില്‍, മൃണാളിന് രസകരമായ ഒരു ലൈനപ്പുണ്ട്. ‘പൂജാ മേരി ജാന്‍,’ ‘ഹായ് ജവാനി തോ ഇഷ്‌ക് ഹോനാ ഹേ’, ‘സണ്‍ ഓഫ് സര്‍ദാര്‍ 2’ എന്നീ മൂന്ന് സിനിമകളിലാണ് അവര്‍ അഭിനയിക്കുന്നത്.
