മധ്യ ചൈനയിലെ സോംഗ് പര്വതത്തിന്റെ ചുവട്ടില് സ്ഥിതി ചെയ്യുന്ന എഡി 495-ല് സ്ഥാപിക്കപ്പെട്ടതെന്ന് കരുതുന്ന ഷാവോലിന് ക്ഷേത്രങ്ങള് കുങ്ഫു, സെന് ബുദ്ധമതം എന്നിവയുടെ കെട്ടുകഥകളുടെ ജന്മസ്ഥലമാണ്. അവരുടെ ഐതിഹാസികമായ ആയോധന കലകളുടെ പാരമ്പര്യം ലോകമെമ്പാടുമുള്ള അനേകരെ ആകര്ഷിക്കുന്നത് തുടരുകയാണ്.
എന്നാല് യൂറോപ്പിലുള്ളവര് ഷാവോലിന് ചിന്താധാരയില് മുഴുകാന് പോകുന്നത് ജര്മ്മനിയിലെ ഒട്ടര്ബര്ഗിലേക്കാണ്. ഷാവോലിന് ക്ഷേത്രത്തിന്റെ നിലവില്െ തലവനും ലോകത്തെ ഏറ്റവും ‘കാഠിന്യമുള്ള ബുദ്ധഭിക്ഷു’ എന്നറിയപ്പെടുന്നയാളുമായ 42 കാരന് ഷി ഹെങ് യിയുടെ മാര്ഗനിര്ദേശപ്രകാരമാണ് യൂറോപ്പിലുള്ളവര് ഇവിടേയ്ക്ക് പോകുന്നത്. ഷാവോലിന് മാസ്റ്റേഴ്സിന്റെ 35-ാം തലമുറയിലെ സന്യാസിയായ അദ്ദേഹം യൂറോപ്പിലെ ഷാവോലിന് ടെമ്പിള് ഹെഡ്മാസ്റ്ററാണ്.
ഷി ഹെങ് യിയെ പലപ്പോഴും ‘ഹാര്ഡ്കോര് സന്യാസി’ എന്നാണ് വിശേഷിപ്പിക്കാറ്. അദ്ദേഹത്തിന്റെ നിരന്തരമായ ആയോധനകല പരിശീലനം, ദൈനംദിന ധ്യാനം, ഷാവോലിന് പാതയോടുള്ള അചഞ്ചലമായ പ്രതിബദ്ധത എന്നിവ ശ്രദ്ധേയമാണ്. ഇന്സ്റ്റാഗ്രാമില് ഏകദേശം ഒരു ദശലക്ഷത്തോളം ഫോളോവേഴ്സും ഏറ്റവും കൂടുതല് വിറ്റഴിക്കപ്പെടുന്ന പുസ്തകമായ ‘ഷാവോലിന് സ്പിരിറ്റ്: ദി വേ ടു സെല്ഫ് മാസ്റ്ററിയും’ ഉള്ള അദ്ദേഹം പുരാതന ജ്ഞാനവും കാലാതീതമായ തത്ത്വചിന്തയും ആധുനികവും ആഗോള പ്രേക്ഷകരുമായി പങ്കിടുന്നു. അഞ്ച് വര്ഷം മുമ്പ് പോസ്റ്റ് ചെയ്ത അദ്ദേഹത്തിന്റെ ഒരു പ്രഭാഷണം യുട്യൂബില് 17 ദശലക്ഷത്തിലധികം കാഴ്ചകളും ഏകദേശം 18,000 അഭിപ്രായങ്ങളും നേടിയിരുന്നു.
ജര്മ്മനിയിലെ റൈന്ലാന്ഡ്-പാലറ്റിനേറ്റ് മേഖലയില് സ്ഥിതി ചെയ്യുന്ന യൂറോപ്യന് ക്ഷേത്രം അദ്ദേഹത്തിന്റെ ഭക്തരായ ശിഷ്യന്മാരുടെ ഭവനമാണ്. അവരുടെ ദിവസ ങ്ങള് രാവിലെ 6 മണിക്ക് ആരംഭിച്ച് രാത്രി 9 മണിക്ക് അവസാനിക്കുന്നു, ധ്യാനം, ആയോധന കലകള്, കഠിനമായ ശാരീരികവും മാനസികവുമായ പരിശീലനങ്ങള് എന്നിവ നിറഞ്ഞതാണ്. ആധുനിക രീതിയിലുള്ള ചിന്താഗതികളും പ്രവര്ത്തന ങ്ങളുമാണ് ഷി ഹെങ് യി പിന്തുടരുന്നത്. പാരമ്പര്യത്തില് വേരൂന്നിയെങ്കിലും അതില് ഒതുങ്ങുന്നില്ല. ഷാവോലിന് സന്യാസിമാര് പരമ്പരാഗതമായി ബ്രഹ്മചര്യം അനുഷ്ഠി ക്കുമ്പോള്, ഷി ഹെങ് യി അടുത്തിടെ പിതാവായി.
