ഒരുകാലത്ത് ലോകത്തിലെ ഏറ്റവും ധനികനായിരുന്ന ബില്‍ ഗേറ്റ്സ് ഇപ്പോള്‍ ബില്യണെയര്‍മാരുടെ പട്ടികയില്‍ ഒമ്പതാം സ്ഥാനത്താണ്. വന്‍ സ്വത്തിനുടമയായ അദ്ദേഹത്തിന് ഒരു പണിയും ചെയ്യാതെ തന്നെ ദിവസവും 10 കോടി രൂപ സമ്പാദിക്കാനാകുന്നു.
132.2 ബില്യണ്‍ ഡോളര്‍ (13219.9 കോടി രൂപ) ആസ്തിയുള്ള അ ബില്‍ ആന്റ് മെലിന്‍ഡ ഗേറ്റ്സ് ഫൗണ്ടേഷന്‍ ട്രസ്റ്റിനായുള്ള ഏറ്റവും പുതിയ 13 എഫ് ഫയലിംഗ് അനുസരിച്ച്, അദ്ദേഹത്തിന്റെ നിക്ഷേപ പോര്‍ട്ട്ഫോളിയോ വാര്‍ഷിക ലാഭവിഹിതത്തില്‍ 476,619,848.15 ഡോളര്‍ ഉണ്ടാക്കുന്നു, ഇത് പ്രതിദിനം കണക്കാക്കിയാല്‍ ശരാശരി 1,305,807.80 ഡോളര്‍(ഏകദേശം 10.90 കോടി രൂപ) ആണ്.
ഓഹരി വിപണിയിലെ ഏറ്റക്കുറച്ചിലുകള്‍ പരിഗണിക്കാതെ തന്നെ, അടുത്ത വര്‍ഷം ലാഭവിഹിതമായി ഏകദേശം അര ബില്യണ്‍ ഡോളര്‍ സമ്പാദിക്കാന്‍ അദ്ദേഹം ഒരുങ്ങുകയാണ്. ശ്രദ്ധേയമായി, ഗേറ്റ്സിന്റെ പോര്‍ട്ട്ഫോളിയോയിലെ 70%-ലധികം ഓഹരികളും (24ല്‍ 17) ലാഭവിഹിതം നല്‍കുന്നു.
കനേഡിയന്‍ നാഷണല്‍ റെയില്‍വേ, മൈക്രോസോഫ്റ്റ്, വേസ്റ്റ് മാനേജ്‌മെന്റ് എന്നിവയാണ് ഗേറ്റ്സിന്റെ ഡിവിഡന്റ് വരുമാനത്തില്‍ ഏറ്റവും കൂടുതല്‍ സംഭാവന നല്‍കുന്ന മൂന്ന് കമ്പനികള്‍. ക്രൗണ്‍ കാസില്‍, ക്രാഫ്റ്റ് ഹെയ്ന്‍സ്, യുണൈറ്റഡ് പാഴ്‌സല്‍ സര്‍വീസ് എന്നിവയും ഗേറ്റ്സിന്റെ ഉയര്‍ന്ന വരുമാനം നല്‍കുന്ന മറ്റ് ഹോള്‍ഡിംഗുകളില്‍ ഉള്‍പ്പെടുന്നു.
കനേഡിയന്‍ നാഷണല്‍ റെയില്‍വേ കമ്പനിയുടെ 6,655,423,552.54 ഡോളര്‍ മൂല്യമുള്ള 54,826,786 ഓഹരികള്‍ ഗേറ്റ്സിന്റെ കൈവശമുണ്ട്. കമ്പനി ഒരു ത്രൈമാസ ലാഭവിഹിതം നല്‍കുന്നു, ഏറ്റവും പുതിയ പേയ്മെന്റ് ഒരു ഷെയറിന് 0.6271 ഡോളറാണ്്. മൈക്രോസോഫ്റ്റ് കോര്‍പ്പറേഷന്റെ 16,137,931,817.58 ഡോളര്‍ മൂല്യമുള്ള 36,499,597 ഓഹരികള്‍ ഗേറ്റ്സിന്റെ കൈവശമുണ്ട്.
