ഉയര്‍ന്ന ശമ്പളമുള്ള കോര്‍പ്പറേറ്റ് ജോലികള്‍ ഉപേക്ഷിച്ച് വ്യത്യസ്തമായ തൊഴില്‍ പാത പിന്തുടരുന്ന ധാരാളം ആളുകള്‍ ഉണ്ട്. ഹൈദരാബാദില്‍ മൈക്രോസോഫ്റ്റില്‍ നിന്നും രുചിത് ഗാര്‍ഗ് ഉപേക്ഷിച്ച് കൃഷിയിലേക്ക് ഇറങ്ങിയത് ഒരു കോടി രൂപ ശമ്പളം കിട്ടുന്ന ജോലിയാണ്. തന്റെ ഉയര്‍ന്ന ശമ്പളമുള്ള കോര്‍പ്പറേറ്റ് ജോലി ഉപേക്ഷിക്കുന്നതിന് അദ്ദേഹം പറഞ്ഞ ന്യായം തനിക്ക് ജോലി ബോറഡിച്ചു എന്നായിരുന്നു.
2011-ല്‍ ജോലിയില്‍ നിന്ന് വിരമിക്കുന്നതിന് മുമ്പ് മൂന്ന് വര്‍ഷം കൂടി ടെക്‌നിക്കല്‍ പ്രോഗ്രാം മാനേജരായി ജോലി ചെയ്തു. തുടര്‍ന്ന് രുചിത് ഗാര്‍ഗ് കര്‍ഷകര്‍ക്കായി ഒരു സ്റ്റാര്‍ട്ടപ്പ് ആരംഭിക്കുന്നതിനായി ഇന്ത്യയിലേക്ക് മടങ്ങുകയായിരുന്നു. ജോലി ഉപേക്ഷിക്കുമ്പോള്‍ പ്രതിവര്‍ഷം ഒരു കോടി രൂപയായിരുന്നു സമ്പാദിച്ചിരുന്നത്. തന്റെ ഉയര്‍ന്ന ശമ്പളമുള്ള കോര്‍പ്പറേറ്റ് ജോലി ഉപേക്ഷിക്കുന്നതിന് പിന്നിലെ കാരണങ്ങളെക്കുറിച്ച് സംസാരിക്കുമ്പോള്‍ രുചിത് ഗാര്‍ഗ് പറഞ്ഞു.
”എനിക്ക് ബോറടിച്ചു, അവിടെ തുടരുന്നത് ശരിയല്ലെന്ന് തോന്നി. എനിക്ക് എപ്പോഴും ഒരു ബിസിനസ്സ് നടത്താന്‍ ആഗ്രഹമുണ്ടായിരുന്നു, 2004 ല്‍ സ്റ്റാര്‍ട്ടപ്പ് ആരംഭിക്കുമ്പോള്‍ ഞാന്‍ സംരംഭകത്വത്തില്‍ അല്‍പ്പം മുഴുകിയിരുന്നു. ക്രേസ് തുടങ്ങിയിരുന്നില്ല. 2011-ല്‍ അവര്‍ യുഎസില്‍ കൂണുപോലെ മുളച്ചുപൊന്തുന്നത് കണ്ടപ്പോള്‍ ഞാന്‍ അതിലേക്ക് എത്താന്‍ തീരുമാനിച്ചു.” അദ്ദേഹം പറഞ്ഞു.
ജോലി ഉപേക്ഷിച്ച്, രുചിത് ഗാര്‍ഗ് ഹാര്‍വെസ്റ്റിംഗ് ആരംഭിച്ചു – പുതിയ കാര്‍ഷിക ഉല്‍പ്പന്നങ്ങള്‍ വില്‍ക്കാനും ഇടനിലക്കാരെ വെട്ടിച്ച് കര്‍ഷകര്‍ക്ക് മികച്ച ഡീലുകള്‍ നേടാനും ശ്രമിക്കുന്ന ഒരു കമ്പനി. ഇന്ത്യയിലെ 37 ലക്ഷത്തിലധികം കര്‍ഷകര്‍ക്ക് കമ്പനിയുടെ പ്രയോജനം ലഭിച്ചതായി കമ്പനി അവകാശപ്പെടുന്നു.
തന്റെ ബിസിനസ്സ് ആരംഭിക്കാന്‍ കാര്‍ഷിക മേഖല തിരഞ്ഞെടുത്തതിന് പിന്നിലെ കാരണങ്ങള്‍ വെളിപ്പെടുത്തിക്കൊണ്ട് രുചിത് ഗാര്‍ഗ് പറഞ്ഞു, ‘എന്റെ മുത്തച്ഛന്‍ ഉത്തര്‍പ്രദേശിലെ മൊറാദാബാദിന് സമീപമുള്ള ഒരു ഗ്രാമത്തില്‍ ഒരു കര്‍ഷകനായിരുന്നു. അദ്ദേഹത്തിന് ഒരു മാമ്പഴ ഫാം ഉണ്ടായിരുന്നു. അതിനാല്‍, കൃഷിക്ക് ചുറ്റും അര്‍ത്ഥവത്തായ എന്തെങ്കിലും ചെയ്യാന്‍ ഞാനും ആഗ്രഹിച്ചിരുന്നു.
ഇപ്പോള്‍ ചെറുകിട കര്‍ഷകര്‍ക്ക് കൂടുതല്‍ പണം സമ്പാദിക്കാന്‍ സഹായിക്കുന്നു. അടുത്ത തലമുറയിലെ അമുല്‍ പോലെ നിങ്ങള്‍ക്ക് ഇതിനെ കുറിച്ച് ചിന്തിക്കാം. കര്‍ഷകര്‍ക്ക് ഓണ്‍ലൈനിലും ഓഫ്ലൈനിലും അവരുടെ വിളകള്‍ സംബന്ധിച്ച ഉപദേശം, വിത്തുകള്‍, കീടനാശിനികള്‍ മുതലായവ വളര്‍ത്താനും അവരുടെ ഉല്‍പ്പന്നങ്ങള്‍ വില്‍ക്കാനും ഞങ്ങള്‍ അവരെ സഹായിക്കുന്നു.
