കാറിന്റെ പവർ വിൻഡോ പ്രവർത്തിപ്പിക്കാൻ ഒരു ഇലക്ട്രിക്ക് സ്വിച്ച്ബോർഡ്‌ ഉപയോഗിക്കുന്ന ഒരു മെക്കാനിക്കിന്റെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൻ ചർച്ചയാകുന്നത്. വീഡിയോ വൈറലായതോടെ ഇത്രക്ക് ക്രിയേറ്റിവായ മറ്റൊരു സൊല്യൂഷൻ കണ്ടിട്ടില്ലെന്നാണ് വീഡിയോ കണ്ട നെറ്റിസൺസ് അഭിപ്രായപ്പെട്ടത്.
@rareindianclips എന്ന എക്സ് അക്കൗണ്ടാണ് വീഡിയോ പങ്കുവെച്ചിരിക്കുന്നത്. വീഡിയോ ഇതിനകം എഴുപതിനായിരത്തിലധികം ആളുകളാണ് കണ്ടിരിക്കുന്നത്. വീഡിയോയിൽ പരമ്പരാഗത കാർ വിൻഡോ സ്വിച്ച് ഉപയോഗിക്കുന്നതിന് പകരം ഒരു ഇലക്ട്രിക് പ്ലഗ് കണക്ട് ചെയ്ത് വിൻഡോ പ്രവർത്തിപ്പിക്കുന്ന ഒരു മെക്കാനിക്കിനെയാണ് കാണുന്നത്. ഈ അസാധാരണ ട്രിക്ക് വിചിത്രവും പുതുമയുള്ളതുമാണെന്നുമാണ് പലരും അഭിപ്രായപെടുന്നത്.
വീഡിയോ പലരേയും അമ്പരപ്പിച്ചിരിക്കുകയാണ്. നിരവധിപേർ ഈ ഐഡിയയ്ക്ക് പിന്നിലെ ബുദ്ധിയെ പ്രശംസിച്ചു. ഒരു ഉപയോക്താവ് എഴുതിയത് , “അവർ പറയുന്നത് പോലെ, “ഈ സാങ്കേതികവിദ്യ ഇന്ത്യക്ക് പുറത്തേക്ക് പോകരുത്” എന്നാണ്. “നാശം, ഇത്രയും നൂതനമായ സാങ്കേതികവിദ്യ,” മറ്റൊരാൾ കുറിച്ചു. ഒരു ഉപയോക്താവ് എഴുതി, “ഞങ്ങൾ ഇന്ത്യക്കാർക്ക് എല്ലാത്തിനും ഒരു പരിഹാരം ഉണ്ട്,” എന്നാണ്.
ജുഗാദ് ഒരു ഹിന്ദി പദമാണ്, പെട്ടെന്നുള്ള പരിഹാരങ്ങൾ കൊണ്ടുവരാൻ ഉപയോഗിക്കുന്ന പദമാണിത്. ഏത് പ്രശ്‌നത്തിനും വേഗത്തിലും എളുപ്പത്തിലും പരിഹാരങ്ങൾ കണ്ടെത്തുന്നതിൽ ഞങ്ങൾ ഇന്ത്യക്കാർ മുൻപന്തിയിലാണെന്ന് തെളിയിക്കുകയാണ് ഈ വീഡിയോ.
ബൈക്കിന്റെ എഞ്ചിൻ മാറ്റി ട്രാക്ടറിന്റെ എഞ്ചിൻ വച്ച ഒരു യുവാവിന്റെ വീഡിയോ അടുത്തിടെ സോഷ്യൽ മീഡിയയിൽ വൈറലായിരുന്നു. ഈ അത്ഭുതകരമായ “ദേശി ജുഗാദ്” നെ പ്രശംസിച്ചുകൊണ്ട് നിരവധി പേർ വീഡിയോ ലൈക്ക് ചെയ്തു.
