ബെര്ലിന്: സഹതാരങ്ങള് ഡ്രസിങ് റൂമില് വസ്ത്രം മാറുന്നതിനിടെ യുവതാരം ലമീന് യമാല് ഇന്സ്റ്റഗ്രാമില് ലൈവ് പോയി. സംഭവച്ചത് വന് അബദ്ധം. ലൈവിനിടെ ക്യാമറയില് പതിഞ്ഞതാവട്ടെ സമ്പൂര്ണ നഗ്നരായി വസ്ത്രം മാറുന്ന സ്പാനീഷ് താരങ്ങള്. എന്നാല് അബദ്ധം മനസ്സിലാക്കിയ ഉടന് തന്നെ താരം ക്യാമറ ഓഫ് ചെയ്തു.
എന്നാല് സംഭവത്തിന്റെ വീഡിയോ സമൂഹമാധ്യമങ്ങളില് വ്യാപകമായി തന്നെ പ്രചരിച്ചു. ദൃശ്യങ്ങള് തത്സമയം കണ്ടുകൊണ്ടിരുന്നത് ഏതാണ്ട് 5 ലക്ഷം പേരാണ്.
യൂറോ കപ്പിന്റെ ഫൈനലിൽ കരുത്തരായ ഇംഗ്ലണ്ടിനെയാണ് ഒന്നിനെതിരെ രണ്ടു ഗോളുകൾക്ക് തോൽപ്പിച്ച് സ്പെയിൻ കിരീടം നേടിയത്. കപ്പടിച്ച സന്തോഷത്തില് വന്ആഘോഷ മൂഡിലായിരുന്നു സ്പാനിഷ് താരങ്ങൾ. ഇതിനിടെ ലമീൻ യമാലിന്റെ ഫോണില്നിന്ന് ഇൻസ്റ്റഗ്രാമിൽ ലൈവ് പോവുകയായിരുന്നു. യൂറോകപ്പില് മിന്നുന്ന ഫോമിലായിരുന്നു പതിനേഴുകാരൻ ലമാൽ. മികച്ച യുവതാരത്തിനുള്ള പുരസ്കാരവും ലമാല് സ്വന്തമാക്കിയിരുന്നു.