റയല്‍മാഡ്രിഡില്‍ എത്താനുള്ള സാധ്യത മങ്ങിയതിനെ തുടര്‍ന്ന് ഫ്രഞ്ച്താരം കിലിയന്‍ എംബാപ്പേ ഇംഗ്‌ളീഷ് പ്രീമിയര്‍ലീഗില്‍ എത്തിയേക്കുമെന്ന് സൂചന. ഈ ജനുവരി വിന്‍ഡോയില്‍ ഫ്രീ ട്രാന്‍സ്ഫറില്‍ റയലില്‍ എത്താനായിരുന്നു എംബാപ്പേയുടെ ശ്രമം. എന്നാല്‍ താരവുമായി കരാറിലെത്താന്‍ റയല്‍ സമയപരിധി വെച്ചതോടെ റയലിലേക്കുള്ള താരത്തിന്റെ ട്രാന്‍സ്ഫര്‍ വൈകുകയാണ്.
ഈ ജനുവരിയില്‍ പിഎസ്ജി വിടുന്ന എംബാപ്പേയ്ക്ക് റയല്‍മാഡ്രിഡിലായിരുന്നു കണ്ണ്. എന്നാല്‍ താരം ഇപ്പോള്‍ റയല്‍മാഡ്രിഡില്‍ എത്തിയേക്കുമെന്നാണ് കേള്‍ക്കുന്നത്. അതേസമയം, ഈ അപ്രതീക്ഷിത സംഭവവികാസം, എംബാപ്പെയുടെ ശ്രദ്ധ പിടിച്ചുപറ്റിയ മാഞ്ചസ്റ്റര്‍ യുണൈറ്റഡ്, ലിവര്‍പൂള്‍, ചെല്‍സി തുടങ്ങിയ പ്രീമിയര്‍ ലീഗ് ക്ലബ്ബുകള്‍ക്ക് ഒരു സാധ്യതയായി മാറുന്നുണ്ട്.
ലോകഫുട്‌ബോളിലെ ഏറ്റവും കഴിവുള്ള കളിക്കാരില്‍ ഒരാളെ സൈന്‍ ചെയ്യാനുള്ള സാധ്യത ഇംഗ്‌ളീഷ് ക്ലബ്ബുകള്‍ക്ക് സ്വപ്‌നസമാന സാഹചര്യം തുറന്നിരിക്കുകയാണ്. പ്രീമിയര്‍ലീഗില്‍ ഏറെ പിന്നില്‍ നില്‍ക്കുന്ന മാഞ്ചസ്റ്റര്‍ യുണൈറ്റഡ്, ചെല്‍സി ക്ലബ്ബുകള്‍ നേരത്തേ തന്നെ എംബാപ്പേയില്‍ കണ്ണുവെച്ചിരുന്നു.
എംബാപ്പെയുടെ വരവ് ഇംഗ്ലീഷ് പ്രീമിയര്‍ ലീഗിന് വലിയ ആവേശം കൂടി വാഗ്ദാനം ചെയ്യുന്നുണ്ട്. അദ്ദേഹത്തിന്റെ ഇലക്ട്രിഫൈയിംഗ് പേസ്, മിന്നുന്ന ഫുട്വര്‍ക്ക്, നിര്‍ദയമായ ഫിനിഷിംഗ് എന്നിവ ഏതൊരു ആക്രമണത്തിനും ഒരു പുതിയ മാനം നല്‍കും.
