ഉള്ളി വിവിധ വിഭവങ്ങളിൽ ഉപയോഗിച്ചു വരുന്നു. ഇവ പലപ്പോഴും സലാഡുകളിൽ ഒഴിച്ചു കൂടാനവാത്ത ഒരു ഘടകമാണ്. ആ അർത്ഥത്തിൽ, ഉള്ളി ഇല്ലാതെ കറികൾ രുചികരമല്ല എന്നും പറയാം.
വേനൽക്കാലത്ത് പച്ച ഉള്ളി കഴിക്കുന്നത് ആരോഗ്യത്തിന് ഗുണകരമാണ്. ഉള്ളി പാചകത്തിന്റെ രുചി വർദ്ധിപ്പിക്കുക മാത്രമല്ല, പോഷകങ്ങൾ നിറഞ്ഞതാണ്. വേനൽക്കാലത്ത് ഉച്ചയ്ക്ക് ഉള്ളി ഭക്ഷണത്തിൽ ചേർക്കുന്നത് ശരീരത്തിന് ഏറെ ഗുണം ചെയ്യും.
ഉള്ളിയിൽ സോഡിയം, പൊട്ടാസ്യം, വിറ്റാമിൻ സി, വിറ്റാമിൻ ഇ, ഫോളേറ്റ് തുടങ്ങിയ മൂലകങ്ങൾ അടങ്ങിയിട്ടുണ്ടെന്ന് പോഷകാഹാര വിദഗ്ധയായ പ്രിയ പാലിവാൾ പറയുന്നു. അതുകൊണ്ട് തന്നെ ഉള്ളി സാലഡായി കഴിക്കുന്നത് ശരീരത്തിന് പല വിധത്തിലുള്ള ഗുണങ്ങളാണ് നൽകുന്നത്. അവ ചുവടെ കൊടുക്കുന്നു
ദഹനം മെച്ചപ്പെടുത്തുന്നു
ഗ്യാസ്, മലബന്ധം തുടങ്ങിയ ഡിജിറ്റീവ് പ്രശ്നങ്ങൾ വേനൽക്കാലത്ത് പലപ്പോഴും ഉണ്ടാകാം. പച്ച ഉള്ളി ദഹനം മെച്ചപ്പെടുത്തുന്നു. അവയിൽ ധാരാളം ഡയറ്ററി ഫൈബർ അടങ്ങിയിട്ടുണ്ട്, ഇത് ആമാശയത്തെ ശുദ്ധീകരിക്കുന്നു.
ഇതുകൂടാതെ, ഇത് ഏത് തരത്തിലുള്ള ബാക്ടീരിയ അണുബാധയിൽ നിന്നും ആമാശയത്തെ സംരക്ഷിക്കുകയും ദഹനവ്യവസ്ഥയെ ശക്തിപ്പെടുത്തുകയും ചെയ്യുന്നു.
രോഗപ്രതിരോധ സംവിധാനത്തെ ശക്തിപ്പെടുത്തുന്നു
പച്ച ഉള്ളിയിൽ വൈറ്റമിൻ സി ധാരാളം അടങ്ങിയിട്ടുണ്ട്.ഇത് ശരീരത്തിൻ്റെ പ്രതിരോധശേഷി ശക്തിപ്പെടുത്താൻ സഹായിക്കുന്നു. കൂടാതെ, ഇത് വൈറൽ, ബാക്ടീരിയ തുടങ്ങിയ അണുബാധകളിൽ നിന്ന് ശരീരത്തെ സംരക്ഷിക്കുന്നു. അതുകൊണ്ട് സാലഡുകളിൽ അസംസ്കൃത ഉള്ളി എപ്പോഴും കഴിക്കുന്നത് നല്ലതാണ്.
ചർമ്മത്തിന് നല്ലതാണ്
ഉള്ളിയിൽ സൾഫറും വൈറ്റമിൻ സിയും അടങ്ങിയിരിക്കുന്നതിനാൽ അവ ചർമ്മത്തിന് ഏറെ ഗുണം ചെയ്യും. ഇത് ചർമ്മത്തിലെ പ്രകോപനം കുറയ്ക്കാനും മുഖക്കുരു തടയാനും സഹായിക്കുന്നു. വേനൽക്കാലത്ത് അമിതമായ വിയർപ്പും മലിനീകരണവും ചർമ്മത്തിന് ദോഷം ചെയ്യും. പച്ച ഉള്ളി കഴിക്കുന്നത് ചർമ്മത്തെ നന്നാക്കുന്നു.
പ്രമേഹ രോഗികൾക്ക് നല്ലതാണ്
അസംസ്കൃത ഉള്ളിയിൽ ക്രോമിയം ഉൾപ്പെടെയുള്ള മറ്റ് ഘടകങ്ങൾ അടങ്ങിയിട്ടുണ്ട്, ഇത് ശരീരത്തിലെ പഞ്ചസാരയുടെ അളവ് നിയന്ത്രിക്കുന്നു. ടൈപ്പ് 2 പ്രമേഹ രോഗികൾക്ക് ഇത് പ്രത്യേകിച്ചും ഉപയോഗപ്രദമാണ്. കാരണം ഇത് ഇൻസുലിൻ സംവേദനക്ഷമത വർദ്ധിപ്പിക്കുന്നു.
