ഹോളിവുഡ് സൂപ്പര്‍താരങ്ങളില്‍ ഒരാളായ ജോണി ഡെപ്പ് ക്യാപ്റ്റന്‍ ജാക്ക് സ്പാരോ ആയി തിരിച്ചെത്തിയേക്കുമെന്ന് റിപ്പോര്‍ട്ട്. ‘ഡെഡ് മെന്‍ ടെല്‍ നോ ടെയില്‍സ്’ ന് എട്ട് വര്‍ഷത്തിന് ശേഷം, പുതിയ പൈറേറ്റ്‌സ് ചിത്രത്തെക്കുറിച്ചുള്ള അഭ്യൂഹങ്ങള്‍ പരക്കുകയാണ്. വാള്‍ട്ട് ഡിസ്നി സ്റ്റുഡിയോ, ഹോളിവുഡ് സൗണ്ട് സ്റ്റേജില്‍ നിര്‍മ്മാണം ആരംഭിക്കാന്‍ നിശബ്ദമായി തയ്യാറെടുക്കുന്നു എന്നാണ് വിവരം.
ഔദ്യോഗിക ടൈംലൈനൊന്നും നിശ്ചയിച്ചിട്ടില്ലെങ്കിലും, ക്യാപ്റ്റന്‍ ജാക്ക് സ്പാരോയുടെ പ്രിയപ്പെട്ട വേഷത്തിലേക്കുള്ള ഡെപ്പിന്റെ മടങ്ങിവരവ് ഈ ചിത്രം അടയാളപ്പെടുത്തുമെന്ന് റിപ്പോര്‍ട്ട് സൂചിപ്പിക്കുന്നു. ആറാമത്തെ സിനിമയ്ക്ക് വേണ്ടി ഫ്രാഞൈ്‌സി തയ്യാറെടുത്തിരുന്നെങ്കിലും കാലതാമസങ്ങളും കാസ്റ്റിംഗ് പ്രശ്നങ്ങളും ചിത്രത്തെ പിന്നോട്ട് നീക്കിയിരുന്നു. ദി ഇന്‍സൈഡര്‍ പുറത്തുവിടുന്ന പുതിയ വിവരം അനുസരിച്ച് ആറാമത്തെ ചിത്രം ഉടന്‍ വന്നേക്കുമെന്നാണ് സൂചനകള്‍.
പുതിയ സിനിമയ്ക്കായി ഫ്രാഞ്ചൈസി തയ്യാറെടുക്കുമ്പോഴായിരുന്നു മുന്‍ഭാര്യ ആംബര്‍ ഹേര്‍ഡുമായുള്ള ഡെപ്പിന്റെ നിയമപോരാട്ടം ഉണ്ടായത്. ഡിസ്‌നിയുമായുള്ള അദ്ദേഹത്തിന്റെ പ്രശ്‌നവും സിനിമയില്‍ നടന്റെ പങ്കാളിത്തം അനിശ്ചിതത്വത്തിലായിരുന്നു. ഡെപ്പിനെ കൂടാതെ മുന്നോട്ട് പോകാന്‍ നിര്‍മ്മാതാക്കള്‍ക്ക് കഴിയുമായിരുന്നെങ്കിലും, ഏറ്റവും പുതിയ റിപ്പോര്‍ട്ട് സൂചിപ്പിക്കുന്നത്, പ്രശസ്ത കഥാപാത്രമായി നടന്റെ തിരിച്ചുവരവിനായുള്ള ആരാധകരുടെ മുറവിളി ഫ്രാഞ്ചൈസി സ്വീകരിക്കുമെന്നാണ്.
യുവ പ്രേക്ഷകര്‍ക്ക് ഫ്രാഞ്ചൈസിയെ പരിചയപ്പെടുത്താന്‍ ‘ദ ബിയര്‍’ നടി അയോ എഡെബിരിയെയും ടാപ്പ് ചെയ്യുന്നതായി റിപ്പോര്‍ട്ടുകള്‍ സൂചിപ്പിച്ചു. എന്നിരുന്നാലും, ഡെപ്പിന്റെ മടങ്ങിവരവോടെ, പരമ്പരയുടെ ദിശ 2003-ല്‍ ‘പൈറേറ്റ്‌സ് ഓഫ് ദി കരീബിയന്‍: കഴ്‌സ് ഓഫ് ദി ബ്ലാക്ക് പേള്‍’ ഉപയോഗിച്ച് ആരംഭിച്ച യഥാര്‍ത്ഥ ടൈംലൈനുമായി കൂടുതല്‍ യോജിപ്പിച്ചേക്കാം.
