വെറ്ററന് ഓള്റൗണ്ടര് രവീന്ദ്ര ജഡേജയും സാധാരണയായി ദുര്ബലമായ വാലറ്റക്കാരനും ചേര്ന്ന് ഇന്ത്യയെ പ്രതിസന്ധിയില് നിന്ന് കരകയറ്റാന് നടത്തിയശ്രമം അപ്പാടെ പാഴായി. ഇംഗ്ലണ്ട് ക്യാപ്റ്റന് ബെന് സ്റ്റോക്സിന്റെ നിശ്ചയദാര്ഢ്യത്തിന് മുന്നില് തകര്ന്ന ഇന്ത്യ ഇന്ത്യാ – ഇംഗ്ളണ്ട് ക്രിക്കറ്റ് ടെസ്റ്റ് പരമ്പരയിലെ മൂന്നാം മത്സരം 22 റണ്സിന് പരാജയമറിഞ്ഞു.
ആദ്യ ടെസ്റ്റില് കൂറ്റന്സ്കോര് ഉയര്ത്തിയിട്ടും പ്രതിരോധിക്കാന് കഴിയാതെ ബൗളര്മാര്ക്ക് സംഭവിച്ചത് മൂന്നാം ടെസ്റ്റില് ഇംഗ്ളീഷ് ബൗളിംഗിന് മുന്നില് ബാറ്റ്സ്മാന്മാര്ക്ക് സംഭവിച്ചു. ഇംഗ്ളണ്ടിനെ രണ്ടാം ഇന്നിംഗ്സില് ചെറിയ സ്കോറിന് എറിഞ്ഞിട്ടിട്ടും അത് മറികടക്കാനാകാതെ ഇന്ത്യയുടെ ബാറ്റ്സ്മാന്മാര് അമ്പേ പാളിയപ്പോള് മത്സരം കൈവിട്ടു പോയി.
ജഡേജ 181 പന്തില് 61 റണ്സുമായി പുറത്താകാതെ നിന്നെങ്കിലും ഒപ്പം സപ്പോര്ട്ട് നല്കാന് ആരുമില്ലാതായത് ഇന്ത്യയ്ക്ക് തിരിച്ചടിയായി. എട്ട് വിക്കറ്റിന് 112 എന്ന നിലയിലായിരുന്നു ജഡേജ ബാറ്റിംഗിന് എത്തിയത്. ജസ്പ്രീത് ബുംറ (54 പന്തില് 5), മുഹമ്മദ് സിറാജ് (30 പന്തില് 4) എന്നിവരുടെ പ്രകടനത്തിലൂടെ കളിയുടെ ഗതി മാറ്റിമറിക്കാനായില്ല. ഈ തോല്വിയോടെ അടുത്ത രണ്ടു മത്സരവും ജയിക്കണമെന്ന ഘട്ടത്തിലായി ഇന്ത്യയുടെ അവസ്ഥ. അഞ്ച് മത്സരങ്ങളുള്ള പരമ്പരയില് സന്ദര്ശകര് ഇപ്പോള് 1-2 ന് പിന്നിലാണ്.
193 റണ്സ് വിജയലക്ഷ്യം പിന്തുടര്ന്ന ഇന്ത്യ, ജോഫ്ര ആര്ച്ചര് (3/55), ബെന് സ്റ്റോക്സ് (3/48), ബ്രൈഡണ് കാര്സ് (2/30) എന്നീ പേസ് ത്രയങ്ങളുടെ കൂട്ടായ പരിശ്രമത്തില് 170 റണ്സിന് പുറത്തായി. ഉച്ചകഴിഞ്ഞുള്ള നീണ്ട സെഷനില്, ബുംറയ്ക്കും സിറാജിനും ഒപ്പം ജഡേജ കാര്യക്ഷമമായി ബാറ്റ് ചെയ്തു, 193 എന്ന വിജയ ലക്ഷ്യത്തില് നിന്ന് 30 റണ്സ് അകലെ സന്ദര്ശകരെ എത്തിച്ചു.
ടെയില്-എന്ഡര്മാരുമായി രണ്ടര മണിക്കൂര് നീണ്ട സെഷനില് മികച്ച പ്രകടനം കാഴ്ചവെച്ചാണ് സൗത്ത്പാവ് മികച്ച പ്രകടനം കാഴ്ചവെച്ചത്. ചായയ്ക്ക് പിരിയുമ്പോള് ഇന്ത്യ ഒമ്പത് വിക്കറ്റിന് 163 റണ്സ് എന്ന നിലയിലായിരുന്നു. ബുംറയുടെ (54 പന്തില് 5) നഷ്ടമായതോടെ കളി അവസാനിക്കുമ്പോള് 41 റണ്സ് മാത്രമായിരുന്നു ഇന്ത്യയ്ക്ക് നേടാനായത്.
ഇരു ടീമുകളുടെയും മികച്ച പ്രകടനത്തിന്റെ ഫലമായി തിങ്ങിനിറഞ്ഞ കാണികള് ആവേശഭരിതരായി. ജഡേജയുടെ തുടര്ച്ചയായ നാലാമത്തെ അര്ദ്ധസെഞ്ച്വറിയും ഏറ്റവും ദുഷ്കരമായ സാഹചര്യങ്ങളിലൂടെയായിരുന്നു. ആദ്യ രണ്ട് ടെസ്റ്റുകളില് ബാറ്റിംഗില് മികച്ച പ്രകടനം കാഴ്ചവെച്ച ഇന്ത്യ മൂന്നാം ടെസ്റ്റിന്റെ അഞ്ചാം ദിവസത്തെ ആര്ച്ചറുടെയും കൂട്ടരുടെയും മുന്നില് തകര്ന്നു.
