ഇന്തോനേഷ്യയിലെ ബങ്ക ദ്വീപിൽ നിന്നുള്ള 24 കാരിയായ റെനാറ്റ ഫാദിയ തന്റെ ഭർത്താവിന്റെ മുന്‍വിവാഹത്തിന്റെ ആല്‍ബം മറിച്ചുനോക്കുകയായിരുന്നു. ഒരു ഫോട്ടോയില്‍ അവളുടെ കണ്ണുടക്കി. ആ ഫോട്ടോയില്‍ വധൂവരന്മാര്‍ക്കൊപ്പം ഒന്‍പതു വയസ്സുള്ള കുട്ടിയായ താനും. വിവാഹം കഴിച്ച പുരുഷൻ താൻ കുട്ടിയായിരുന്നപ്പോൾ ഒരു വിവാഹത്തിൽ കണ്ടുമുട്ടിയ വരനാണെന്ന് അവള്‍ക്ക് മനസിലായി. ഇതെങ്ങെനെ സംഭവിച്ചു?
2009ലായിരുന്നു അവളുടെ ഭർത്താവിന്റെ മുൻ വിവാഹം. ആ വിവാഹത്തിൽ നിന്നുള്ള ഒരു ഗ്രൂപ്പ് ഫോട്ടോയിലാണ് അന്ന് 9വയസ്സുകാരിയായിരുന്ന തന്നെ യുവതി കണ്ടെത്തിയത്. ആ വിവാഹത്തിൽ അദ്ദേഹത്തിന് കുട്ടികളില്ലായിരുന്നു. 2011ൽ ആദ്യവിവാഹത്തിലെ ഭാര്യയുമായി വേർപിരിഞ്ഞു. ആ വേർപിരിയലിന് കാരണം താനല്ലെന്നും ഫാദിയ പറഞ്ഞു. അന്നത്തെ ആ പെൺകുട്ടി ഫാദിയയ്ക്ക് ഇന്ന് പ്രായം 24 വയസ്സും, ഇന്നത്തെ ഭര്‍ത്താവിന്റെ പ്രായം 62 വയസ്സുമാണ്.
ഭർത്താവ് അവളുടെ അമ്മായിയുടെ അനന്തരവനാണ്, അത്രയടുത്ത ബന്ധത്തില്‍ലുള്ളയാളുമായായിരുന്നു വിവാഹം. ഭര്‍ത്താവിന് അവളേക്കാള്‍ 38 വയസ്സ് കൂടുതലുണ്ട്. ഇയാളെ വിവാഹം കഴിച്ചതിന് ശേഷമാണ് 15 വർഷം മുമ്പ് താൻ അവനെ കണ്ടുമുട്ടിയതെന്ന് സത്യം അവള്‍ തിരിച്ചറിഞ്ഞത്. വിധിയുടെ വിചിത്രമായ ഈസംഭവത്തെപ്പറ്റി യുവതി TikTok-ൽ പങ്കിട്ട സ്റ്റോറി 7 ദശലക്ഷം കാഴ്ചക്കാരെ ആകർഷിച്ചു. അടുത്ത വീഡിയോയിൽ, താൻ ആ വിവാഹത്തിൽ അതിഥിയായാണ് പങ്കെടുത്തതെന്നും ഈ ദമ്പതികൾ അകന്ന ബന്ധുക്കളാണെന്നും അവള്‍ വിശദീകരിച്ചു. 2020ലായിരുന്നു ഇവരുടെ വിവാഹം, ഒരു വർഷത്തിനുശേഷം ഒരു കുട്ടിയുണ്ടായി. പ്രായവ്യത്യാസമുണ്ടെങ്കിലും താനും ഭർത്താവും ഇണങ്ങിച്ചേർന്ന് സന്തോഷകരമായ ജീവിതം നയിക്കുന്നുണ്ടെന്ന് ഫാദിയ പറഞ്ഞു.
ഇന്തോനേഷ്യയിൽ, നേരത്തെയുള്ള വിവാഹം സാധാരണമാണ്. യുണിസെഫ് റിപ്പോർട്ട് പ്രകാരം നാലിലൊന്ന് സ്ത്രീകളും 18 വയസ്സിന് മുമ്പ് വിവാഹം കഴിക്കുന്നു. 2019 ന് മുമ്പ്, ഇന്തോനേഷ്യൻ നിയമപ്രകാരം വിവാഹത്തിന് കുറഞ്ഞ പ്രായപരിധി ഇല്ലായിരുന്നു, അതിനാൽ 16 വയസ്സിന് താഴെയുള്ള നിരവധി പെൺകുട്ടികൾക്ക് വിവാഹം ചെയ്യാൻ അനുവാദമുണ്ടായിരുന്നു.
ദാരിദ്ര്യം, പരിമിതമായ വിദ്യാഭ്യാസം, മതപരമായ കാരണങ്ങള്‍ എന്നിവയാല്‍ പല ഇന്തോനേഷ്യൻ പെൺകുട്ടികളെയും നിയമപരമായ പ്രായത്തിന് മുമ്പേ അവരുടെ മാതാപിതാക്കൾ വിവാഹം കഴിപ്പിക്കും. ഇത് നേരത്തെയുള്ള പ്രസവത്തിലേക്കും നയിക്കുന്നു.
നിരവധി ഓൺലൈൻ നിരീക്ഷകർ ഫാദിയയും ഭർത്താവും തമ്മിലുള്ള പ്രായവ്യത്യാസത്തെ ചോദ്യം ചെയ്തു.
“കണ്ടോ? നിങ്ങളുടെ പക്കൽ പണമുള്ളിടത്തോളം കാലം, 38 വയസ്സ് വ്യത്യാസമുണ്ടെങ്കിലും അത് പ്രശ്നമല്ല, ”ഒരാൾ പറഞ്ഞു.
“എനിക്ക് മനസ്സിലാകുന്നില്ല, പക്ഷേ അവൻ ഇത്തവണ വിവാഹമോചനം നേടില്ലെന്ന് ഞാൻ പ്രതീക്ഷിക്കുന്നു,” മറ്റൊരാൾ പറഞ്ഞു.
