കേരളത്തിലെ വരന്തരപ്പിള്ളിയിലുള്ള ഹാരിസണ്‍സ് മലയാളം പ്ലാന്റേഷന്‍, ഇന്ത്യയിലെ ഏറ്റവും മനോഹരമായ ക്രിക്കറ്റ് ഗ്രൗണ്ടാണെന്ന് പറഞ്ഞാല്‍ തെറ്റാകില്ല. പച്ച മേലാപ്പിന്റെ കടലില്‍ മറഞ്ഞിരിക്കുന്ന ഈ മരുപ്പച്ച വലിയ രീതിയില്‍ ഇന്റര്‍നെറ്റില്‍ ശ്രദ്ധ ആകര്‍ഷിക്കുകയാണ്.
തന്റെ ജന്മനാട്ടിലെ മറഞ്ഞിരിക്കുന്ന രത്‌നങ്ങള്‍ പര്യവേക്ഷണം ചെയ്യുന്നതില്‍ പ്രശസ്തനായ വ്‌ലോഗര്‍ ശ്രീജിത്ത് എസ് ഇന്‍സ്റ്റാഗ്രാമില്‍ പോസ്റ്റ് ചെയ്ത മൈതാനത്തിന്റെ ഒരു ഡ്രോണ്‍-ഷോട്ട് ദിവസങ്ങള്‍ക്കുള്ളില്‍ 38 ദശലക്ഷത്തിലധികം കാഴ്ചകളും 4.5 ദശലക്ഷം ലൈക്കുകളും ആയിരക്കണക്കിന് കമന്റുകളും നേടി. ഇത് അദ്ദേഹത്തിന്റെ ഇതുവരെയുള്ള ഏറ്റവും ജനപ്രിയമായ പോസ്റ്റാക്കി മാറ്റി.
മനോഹര കാഴ്ചയില്‍ ഒന്നായ ഇത് എഐ ഉപയോഗിച്ച് നിര്‍മ്മിച്ചതാണെന്ന് പോലും പലര്‍ക്കും തോന്നി. ”അവര്‍ എത്ര ഭാഗ്യവാന്മാര്‍. ഒരിക്കല്‍ ഇവിടെ കളിച്ച് വിരമിക്കാന്‍ ആഗ്രഹിക്കുന്നു.” മറ്റൊരാള്‍ എഴുതി. അതേസമയം ഈ മനോഹരമായ ലൊക്കേഷനില്‍ കളിക്കുന്നതിനുള്ള ഒരു അപകടസാധ്യത, ചുറ്റുമുള്ള വനത്തില്‍ പന്ത് നഷ്ടപ്പെടുക എന്നതാണ്, പക്ഷേ അത് അനുഭവത്തിനായി മാത്രം എടുക്കേണ്ട അപകടമാണ്.
സമൃദ്ധമായ വൃക്ഷത്തോട്ടത്തിന്റെ മധ്യഭാഗത്ത് ഒതുങ്ങിനില്‍ക്കുന്ന മൈതാനത്തിന്റെ അതുല്യമായ സ്ഥാനം മികച്ച ലാന്റ്‌സ്‌കേപ്പ് ചിത്രം പോലെയാണ്. മുകളില്‍ നിന്നുള്ള കാഴ്ചയില്‍ തെക്കേ അമേരിക്കയിലെ ആമസോണ്‍ മഴക്കാടുകളിലെ ഒരു ക്ലിയറിംഗ് പോലെ തോന്നുമെന്നും കമന്റുകളില്‍ പറയുന്നു. പതിറ്റാണ്ടുകള്‍ക്ക് മുമ്പ് ഹാരിസണ്‍ മലയാളം കമ്പനി അതിന്റെ തോട്ടം തൊഴിലാളികള്‍ക്ക് വിശ്രമിക്കാനുള്ള ഒരു സ്ഥലമായി സ്ഥാപിച്ചതാണ്. മരങ്ങള്‍ നിറഞ്ഞ റോഡിലൂടെ എത്തിച്ചേരാവുന്ന വിദൂര ക്രിക്കറ്റ് ഗ്രൗണ്ട് പുറത്ത്് നിന്നും അത്ര ശ്രദ്ധ കിട്ടില്ല.
