ചുമയും പനിയുമൊക്കെ വരുന്ന സാഹചര്യത്തില്‍ സാധാരണയായി നമ്മള്‍ ഐസ്‌ക്രീം കഴിക്കാറില്ല. എന്നാല്‍ വേനല്‍കാലമാകുമ്പോഴെക്കും ഫിന്‍ലാന്‍ഡുകാര്‍ കഴിക്കുന്ന ഒരു ഐസ്‌ക്രീമുണ്ട്. വെറും ഐസ്‌ക്രീമല്ല ഇത് ചുമയ്ക്കും കഫത്തിനുമൊക്കെ ബെസ്റ്റാണ്.ഐസ്‌ക്രീമിന് വെള്ളനിറമാണെന്ന് കരുതിയെങ്കില്‍ തെറ്റി കറുത്തനിറമാണ്. ഇത് ഉണ്ടാകുന്നതാവട്ടെ ബ്ലാക്ക് ലിക്കറിഷും അമോണിയം ക്ലോറൈഡും ചേര്‍ത്താണ്. ഇത് കഴിക്കുമ്പോള്‍ ഉപ്പു രുചിയും നാവില്‍ ചെറിയ തരിപ്പുമെല്ലാമാണ് .
ഇതിന്റെ പല വെറൈറ്റി ഫേസര്‍ എന്ന പ്രമുഖ കാന്‍ഡി കമ്പനി വിപണിയില്‍ ഇറക്കുന്നുണ്ട്. ബേക്കറി ഉല്‍പ്പന്നങ്ങളുടെ നിര്‍മാണത്തില്‍ പഴയകാലങ്ങളില്‍ അമോണിയം ക്ലോറൈഡ് അടങ്ങിയ സാല്‍ അമോണിയാക്ക് എന്ന ധാതു ഉപയോഗിച്ചിരുന്നു. ഇതിന് പുറമെ കഫ് സിറപ്പ് നിര്‍മാണത്തില്‍ അമോണിയം ക്ലോറൈഡ് ഒരു എക്‌സ്പെക്ടറന്റായി ഉപയോഗിക്കുന്നു. കഫം ഒട്ടിപ്പിടിക്കുന്നത് കുറച്ച് ശ്വാസനാളം ക്ലിയര്‍ ആക്കാന്‍ ഇതിന് കഴിവുണ്ടത്രേ. അതിനാലാണ് ഒരു ഒറ്റമൂലി പോലെ ഫിന്‍ലന്‍ഡുകാര്‍ ഈ ഐസ്‌ക്രീം വാങ്ങി കഴിക്കുന്നത്.
