സോള്‍: ദക്ഷിണകൊറിയയില്‍ പെണ്‍കുട്ടിയെ ബലാല്‍സംഗം ചെയ്യുന്ന ദൃശ്യങ്ങള്‍ വാഷിങ് മെഷീന്റെ മിനുസമുള്ള പ്രതലത്തില്‍ പ്രതിഫലിച്ച് സി.സി.ടിവിയില്‍ പതിഞ്ഞതോടെ പ്രതി അറസ്റ്റില്‍.
ഇര സമര്‍പ്പിച്ച സി.സി.ടിവി ദൃശ്യങ്ങളില്‍ ആദ്യം ബലാല്‍സംഗം ചെയ്യുന്ന ദൃശ്യങ്ങള്‍ കണ്ടെത്താന്‍ കഴിഞ്ഞിരുന്നില്ല. എന്നാല്‍ പിന്നീട് അന്വേഷണ ഉദ്യോഗസ്ഥര്‍ സൂഷ്മമായി പരിശോധിച്ചപ്പോള്‍ വാഷിങ് മെഷീനിലെ മിനുസമുള്ള ഡോറിന്റെ പ്രതലത്തില്‍ രംഗങ്ങള്‍ വ്യക്തമാകുകയും ഇതിനു ശേഷം ബലാത്സംഗം ഉള്‍പ്പെടെയുള്ള നിരവധി ലൈംഗിക കുറ്റകൃത്യങ്ങള്‍ക്ക് പ്രതിയായ 24 കാരന്റെ ശിക്ഷ ദക്ഷിണ കൊറിയയിലെ ഒരു ഹൈക്കോടതി ശരിവച്ചു.
മുന്‍ കാമുകിയെ ബലാത്സംഗം ചെയ്തുവെന്നും പ്രായപൂര്‍ത്തിയാകാത്ത കുട്ടിയുമായി ലൈംഗിക ബന്ധത്തില്‍ ഏര്‍പ്പെട്ടുവെന്നും സംശയിക്കുന്നതുള്‍പ്പെടെ മറ്റ് കുറ്റങ്ങള്‍ക്ക് ഇയാള്‍ക്കെതിരേ ഇതിനകം കുറ്റം ചുമത്തിയിട്ടുണ്ടെന്നു റിപ്പോര്‍ട്ടുകള്‍ പറയുന്നു. ആദ്യം ശിക്ഷിക്കപ്പെടുകയും നവംബറില്‍ 8 വര്‍ഷം തടവിനു ശിക്ഷിക്കപ്പെടുകയും ചെയ്‌തെങ്കിലും പ്രതി ഈ തീരുമാനത്തിനെതിരേ അപ്പീല്‍ നല്‍കി. ഇരകളില്‍ ഒരാളുമായി ഇയാള്‍ ഉണ്ടാക്കിയ ഒത്തുതീര്‍പ്പ് കണക്കിലെടുത്താണു ഹൈക്കോടതി പ്രതിക്ക് 7 വര്‍ഷമായി ശിക്ഷ ഇളവ് നല്‍കിയത്.
