ഇനി ഗോള്ഡന് ഗ്ളോബിന്റെ സമയമാണ്. തിങ്കളാഴ്ച രാവിലെ, സെഡ്രിക് ദി എന്റര്ടെയ്നറും വില്മര് വാല്ഡെര്മയും 81-ാമത് ഗോള്ഡന് ഗ്ലോബ് അവാര്ഡിനുള്ള നോമിനികളെ പ്രഖ്യാപിച്ചു. ഈ വര്ഷത്തെ ഏറ്റവും വമ്പന് ഹിറ്റായ ബാര്ബി തന്നെയാണ് നോമിനേഷനിലും മുന്നിലുള്ളത്. ഒമ്പത് നോമിനേഷനുകളാണ് സിനിമ നേടിയത്. ക്രിസ്റ്റഫര് നോളന്റെ ഓപ്പണ്ഹൈമര് എട്ട് നോമിനേഷനുകള് നേടി.
ലിയനാര്ഡോ ഡികാപ്രിയോയുടെ കില്ലേഴ്സ് ഓഫ് ദി ഫ്ലവര് മൂണും പുവര് തിംഗ്സും ഏഴ് നോമിനേഷനുകള് നേടി. ടെലിവിഷനില് സക്സഷന്സ് ഫൈനല് സീസണ് ആകെ ഒമ്പത് നോമിനേഷനുകള് നേടി, ദി ബിയറും ഒണ്ലി മര്ഡേഴ്സ് ഇന് ദി ബില്ഡിംഗും അഞ്ച് നോഡുകളാണ് നേടിയിട്ടുള്ളത്. ഈ വര്ഷം രണ്ട് പുതിയ വിഭാഗങ്ങള് ചേര്ത്തു: സിനിമാറ്റിക്, ബോക്സ് ഓഫീസ് നേട്ടങ്ങള്, ടെലിവിഷനിലെ മികച്ച സ്റ്റാന്ഡ്-അപ്പ് ഹാസ്യനടന്. ഡ്രാമാ വിഭാഗത്തില് മികച്ച നടന് വേണ്ടി മത്സരിക്കുന്നത് ബ്രാഡ്ലി കൂപ്പര്, ലിയോനാര്ഡോ ഡികാപ്രിയോ, കോള്മാന് ഡൊമിംഗോ, ബാരി കിയോഗന്, സിലിയന് മര്ഫി, ആന്ഡ്രൂ സ്കോട്ട് എന്നിവരാണ്.
മ്യൂസിക് ആന്റ് കോമഡി വിഭാഗത്തില് നിക്കോളാസ് കേജ്, തിമോത്തി ചാലമെറ്റ്, മാറ്റ് ഡാമണ്, പോള് ജിയാമാറ്റി, ജോക്വിന് ഫീനിക്സ്, ജെഫ്രി റൈറ്റ് എന്നിവരും മത്സരിക്കുന്നു.ഡ്രാമാ വിഭാഗത്തില് മികച്ച നടിയാകാന് മത്സരിക്കുന്നത് ആനെറ്റ് ബെനിംഗ്, ലില്ലി ഗ്ലാഡ്സ്റ്റോണ്, സാന്ദ്ര ഹുല്ലര്, ഗ്രെറ്റ ലീ, കാരി മുള്ളിഗന്, കെയ്ലി സ്പെനി എന്നിവരും മ്യൂസിക്ക് ആന്റ് കോമഡി വിഭാഗത്തില് ഫാന്റസിയ ബാരിനോ, ജെന്നിഫര് ലോറന്സ്, നതാലി പോര്ട്ട്മാന്, അല്മ പോസ്റ്റി, മാര്ഗോട്ട് റോബി, എമ്മ സ്റ്റോണ് എന്നിവരും മത്സരിക്കുന്നു.