സംവിധായകനും നടനുമായ ബേസിലിന്റെ ഗോദയില്‍ നമ്മുടെ ടൊവീനോയെ വീഴ്ത്തികളഞ്ഞ സുന്ദരിപ്പെണ്ണ് ഇപ്പോള്‍ ഇന്ത്യയെ മുഴുവന്‍ വീഴ്ത്തിക്ക ളഞ്ഞി രിക്കുകയാണ്. ബോളിവുഡില്‍ സൂപ്പര്‍നായികമാരുടെ പട്ടികയിലേക്ക് പതിയെ ചുവടുവെച്ചുകൊണ്ടിരിക്കുകയാണ്. ബോളിവുഡിലെ വന്‍ താരമായ രാജ്കുമാര്‍ റാവുവിനൊപ്പം ‘ഭൂല്‍ ചുക്ക് മാഫി’ ല്‍ മികച്ച പ്രകടനമാണ് നടി നടത്തിയിരിക്കുന്നത്.
വാമിക ഗബ്ബിയുടെ ബോളിവുഡ് യാത്ര, ചെറിയ അതിഥി താരങ്ങള്‍ പോലും എങ്ങനെ ഒരു കരിയര്‍ ഉണ്ടാക്കുകയും മായാത്ത മുദ്ര പതിപ്പിക്കുകയും ചെയ്യുന്നു എന്നതിന്റെ ഒരു കേസ് സ്റ്റഡിയാണ്. ഷാഹിദ്കപൂറും കരീനകപൂറും പ്രധാനവേഷത്തില്‍ വന്‍ഹിറ്റായി മാറിയ ‘ജബ് വി മെറ്റ്’ എന്ന സിനിമയില്‍ ചെറിയ വേഷം ചെയ്തുകൊണ്ടാണ് വാമിക സിനിമയില്‍ പ്രവേശിച്ചത്. ഈ സിനിമയില്‍ കരീനയുടെ ഗീതിന്റെ കസിന്‍മാരില്‍ ഒരാളായി എത്തിയത് വാമിക ആയിരുന്നു. ബേസില്‍ ടൊവീനോ കൂട്ടുകെട്ടിലെ ഗോദയില്‍ ഗുസ്തി പിടിക്കാന്‍ എത്തിയതോടെയാണ് വാമിക മലയാളികള്‍ക്കും പ്രിയങ്കരിയായി മാറി. മലയാളത്തില്‍ രണ്ടുമൂന്ന് സിനിമകളില്‍ അഭിനയിച്ചെങ്കിലും ശ്രദ്ധിക്കപ്പെട്ടില്ല.
മാതാപിതാക്കളുടെ നിരന്തര പ്രോത്സാഹനം കൊണ്ടാണ് താന്‍ സിനിമയില്‍ എത്തിയതെന്നാണ് മുമ്പൊരിക്കല്‍ അവര്‍ അഭിമുഖത്തില്‍ പറഞ്ഞത്. ”അവര്‍ എപ്പോഴും എന്നെ നിലത്തിറക്കിയും അതേസമയം സുരക്ഷിതമായും നിലനിര്‍ത്തി. എനിക്കൊപ്പം അവിശ്വസനീയമായ സുഹൃത്തുക്കളും ഉണ്ടായിരുന്നു. അതുകൊണ്ടാണ് എനിക്ക് ഹൃദയം നഷ്ടപ്പെടാതെ പോയത്. നിങ്ങളുടെ വികാരങ്ങള്‍ ശുദ്ധമാകുമ്പോള്‍, നിങ്ങള്‍ക്ക് നല്ല ആളുകളും അവസരങ്ങളും ലഭിക്കുമെന്ന് എനിക്ക് തോന്നുന്നു.” നടി പറഞ്ഞു. ബോളിവുഡില്‍ ‘ലവ് ആജ് കല്‍’, ‘മൗസം’, ‘1983’ തുടങ്ങിയ സിനിമകളിലെ ചെറുതും എന്നാല്‍ ശ്രദ്ധേയവുമായ വേഷങ്ങള്‍ നാവിഗേറ്റ് ചെയ്യാന്‍ ഈ തത്ത്വചിന്ത വാമികയെ സഹായിച്ചിട്ടുണ്ട്.
സഹതാരങ്ങളുമായുള്ള ഗാബിയുടെ സൗഹൃദം അവളുടെ സമീപകാല പ്രോജക്റ്റു കളില്‍ കാണാന്‍ കഴിയും. രാജ്കുമാര്‍ റാവുവിനൊപ്പം ചേര്‍ന്ന് നല്‍കിയ അഭിമുഖത്തില്‍ ‘ഭൂല്‍ ചുക്ക് മാഫി’ന് വേണ്ടി കടുത്ത താപനിലയില്‍ ഷൂട്ട് ചെയ്ത കാര്യം നടി പങ്കുവെച്ചു. ”ദിവസേന 50 ഡിഗ്രി സെല്‍ഷ്യസില്‍ വരെ ഷൂട്ടിംഗ് ചെയ്തു. എന്റെ ശരീരം മുഴുവന്‍ ഇരുണ്ടുപോയി, എന്റെ തലമുടിയും ഒട്ടിപ്പിടിക്കുന്ന നിലയിലായി. മുടിയിലും സണ്‍സ്‌ക്രീന്‍ പുരട്ടണമെന്ന കാര്യം തനിക്കറിയില്ലായിരുന്നു.” അവര്‍ പറഞ്ഞു.
