രണ്ട് വർഷം മുൻപ്, 18 വയസ്സിൽ, 155 കിലോ ഭാരമുണ്ടായിരുന്ന രാജി ഘൻഗാസ്, വേദനകൾ ഒരു പുഞ്ചിരിക്ക് പിന്നിൽ ഒളിപ്പിച്ചു വെക്കുകയായിരുന്നു. എന്നാൽ ഇന്ന്, 20-ാം വയസ്സിൽ, 67 കിലോ കുറച്ച് 88 കിലോ ഭാരവുമായി നിൽക്കുന്ന അവൾ, ഈ മാറ്റത്തെ തൻ്റെ ‘പുനർജനി’ എന്നാണ് വിശേഷിപ്പിക്കുന്നത്.
ഇന്ഫ്ലുവന്സറായ രാജി തൻ്റെ ഈ മാറ്റത്തിൻ്റെ കഥ ഇൻസ്റ്റാഗ്രാമിലൂടെ പങ്കുവെക്കാറുണ്ട്. ലളിതമായ വ്യായാമമുറകളും, വീട്ടിലുണ്ടാക്കുന്ന ഭക്ഷണങ്ങളും, ഉൾപ്പെടെയുള്ള അവളുടെ പോസ്റ്റുകൾ, യഥാർത്ഥ മാറ്റം ഒരു ദിവസം കൊണ്ട് സംഭവിക്കുന്നതല്ലെന്നും, മറിച്ച് ഓരോ ദിവസത്തെയും സ്ഥിരമായ തിരഞ്ഞെടുപ്പുകളുടെ ഫലമാണെന്നും ആളുകളെ ഓർമ്മിപ്പിക്കുന്നു.
രാജിയുടെ ജീവിതത്തിലെ വഴിത്തിരിവും വ്യായാമരീതിയും
18 വയസ്സിൽ ആത്മവിശ്വാസം നഷ്ടപ്പെട്ട രാജിയുടെ ജീവിതം ശരീരഭാരം കാരണം ഒരു കെണിയിലകപ്പെട്ടത് പോലെയായിരുന്നു. 2023-ൻ്റെ അവസാനത്തോടെ, ചിട്ടയായ ജീവിതശൈലിയിലൂടെ തൻ്റെ ജീവിതം മാറ്റാൻ അവൾ തീരുമാനിച്ചു. അതിനായി അവൾ കഠിനമായ ഭക്ഷണക്രമങ്ങളെയോ അതിതീവ്രമായ വ്യായാമമുറകളെയോ ആശ്രയിച്ചില്ല. പകരം, സ്ഥിരമായ വ്യായാമങ്ങളും, സമീകൃതാഹാരവും ഉൾക്കൊള്ളുന്ന ഒരു ലളിതമായ രീതി അവൾ പിന്തുടർന്നു.
അവളുടെ വൈകുന്നേരങ്ങളിലെ വ്യായാമം ദിനചര്യയുടെ ഭാഗമായി. ഡെഡ്ലിഫ്റ്റ്, ഗ്രൗണ്ട്-ടു-ഓവർഹെഡ് ലിഫ്റ്റുകൾ, കെറ്റിൽബെൽ സ്വിംഗ്സ്, സിറ്റ്-അപ്സ്, ഒരു കിലോമീറ്റർ ഓട്ടം എന്നിവയടങ്ങുന്ന നാല് സെറ്റ് വ്യായാമങ്ങൾ അവളുടെ കരുത്തും സ്റ്റാമിനയും വർദ്ധിപ്പിച്ചു. ഓരോ വ്യായാമ സെഷനും ശേഷം അവൾ സാലഡ് കഴിച്ചു. ഇടയ്ക്കുള്ള ‘ചീറ്റ് ഡേയ്സ്’ കുടുംബത്തോടൊപ്പം പുറത്ത് പോകുന്ന അവസരങ്ങളിലായിരുന്നു, ഇത് അവളുടെ സന്തോഷം നഷ്ടപ്പെടുത്താതെ മുന്നോട്ട് പോകാൻ സഹായിച്ചു.
