കാലവും സമയവും സാഹചര്യങ്ങളും ഏതു വലിയ സൗഹൃദങ്ങളെയും മുറിച്ചേക്കാം. എന്നിരുന്നാലും ഒരിക്കലും പിരിയരുതെന്ന് ആഗ്രഹിക്കുന്ന സൗഹൃദങ്ങളെ എത്ര പണിപ്പെട്ടും നിങ്ങള്‍ സംരക്ഷിച്ചേക്കാം. എന്തായാലും 17 വര്‍ഷമായി ഉറ്റ സുഹൃത്തുക്കളായിരുന്ന 40 വയസ്സുള്ള നാല് സ്ത്രീകള്‍ എല്ലാവരും ഒരേ തെരുവിലേക്ക് താമസം മാറി ഇപ്പോള്‍ ഒരു കമ്മ്യൂണിറ്റി തന്നെ കെട്ടിപ്പടുത്തിരിക്കുകയാണ്.
10 വര്‍ഷം മുമ്പാണ് എല്ലാം തുടങ്ങിയത്. ജോര്‍ജിയയിലെ അറ്റ്‌ലാന്റയില്‍ തന്റെ സുഹൃത്ത് കെല്ലി ഹോള്‍ബിന്‍ തന്റെ അതേ തെരുവില്‍ ഒരു വീട് കണ്ടെത്തിയപ്പോള്‍ സരബെത്ത് സ്‌റ്റൈന്‍ സന്തോഷിച്ചു. എന്നാല്‍ ആകസ്മികമായി മൂന്ന് വര്‍ഷം മുമ്പ്, അവരുടെ രണ്ടുപേരുടേയും സുഹൃത്ത് എറിന്‍ കോട്ട്മാന് ഒരു പുതിയ വീട് ആവശ്യമായി വന്നു. അന്ന് സരബെത്തിന് എതിര്‍വശത്തുള്ള തെരുവിലെ വീട് ലഭ്യമായപ്പോള്‍ കൂട്ടുകാരികള്‍ക്ക് അവരുടെ ഭാഗ്യം വിശ്വസിക്കാന്‍ കഴിഞ്ഞില്ല.
ഒരു വര്‍ഷത്തിനുശേഷം അവരുടെ നാലാമത്തെ സുഹൃത്ത് ക്രിസ്റ്റി ഡബ്ല്യുവും സ്ട്രീറ്റില്‍ തന്നെ വീട് വാങ്ങി തന്റെ സുഹൃത്തുക്കളെ അത്ഭുതപ്പെടുത്തി. ഇപ്പോള്‍ ഈ നാല് പേരും വിളിച്ചാല്‍ കേള്‍ക്കുന്ന ദൂരെ സെക്കന്റുകള്‍ മാത്രം അകലെയാണ് താമസിക്കുന്നത്. ഈ സാഹചര്യം ആവശ്യമുള്ളപ്പോഴെല്ലാം സമയം ചെലവഴിക്കാന്‍ അവര്‍ക്ക് അവസരം നല്‍കുന്നു.
കോളേജില്‍ വെച്ച് കണ്ടുമുട്ടിയ നാള്‍മുതല്‍ 25 വര്‍ഷമായി ക്രിസ്റ്റിയും കെല്ലിയും ബെസ്റ്റികളാണ്. 2008-ല്‍ കെല്ലി അറ്റ്‌ലാന്റയിലേക്ക് താമസം മാറിയപ്പോഴാണ് അവിടെ സരബെത്തിനെയും എറിന്നിനെയും കണ്ടുമുട്ടിയത്. ഇപ്പോള്‍ ഈ ഗ്രൂപ്പിന് 17 വര്‍ഷത്തെ ശക്തമായ ബന്ധമുണ്ട്.
സരബെ ത്തും കുടുംബവുമാണ് ആദ്യം അയല്‍പക്കത്ത് എത്തിയത്, എന്നാല്‍ കെല്ലി ഒരു വീട് വില്‍പ്പനയ്ക്ക് വച്ചിരിക്കുന്നത് കണ്ടപ്പോള്‍ അവള്‍ പെട്ടെന്ന് അത്ഭുതപ്പെട്ടു. അവിടെ താമസിക്കുന്നത് വിചിത്രമായിരിക്കുമോ എന്ന് അവള്‍ ചോദിച്ചു. സരബെത്താണ് ആദ്യം എത്തിയത്, എന്നാല്‍ കെല്ലി വീട് അന്വേഷിച്ചിരുന്നകാലത്ത് തന്റെ സമീപത്ത് ഒരു വീട് വില്‍പ്പനയ്ക്ക് വച്ചിരിക്കുന്നത് കണ്ടപ്പോള്‍ സരബെത്ത് പെട്ടെന്ന് അത്ഭുതപ്പെട്ടു.
അവിടെ താമസിക്കുന്നത് വിചിത്രമായിരിക്കുമോ എന്ന് കെല്ലിയോട് ചോദിച്ചു. 2014 ല്‍ കെല്ലി ഇവിടേയ്ക്ക് താമസം മാറി. സുഹൃത്തിന്റെ അടുത്ത് താമസിക്കുന്നത് അവള്‍ക്ക് വളരെ ഇഷ്ടമായിരുന്നു. ഇരുവരും രാവിലെ വ്യായാമത്തിനും ഒരുമിച്ച് നടക്കുന്നതിനും പോകുന്നു.
