മലയാള ടെലിവിഷന്‍ രംഗത്ത് വില്ലത്തിയായി എത്തിയ നടിയാണ് അര്‍ച്ചന സുശീലന്‍. എന്നാല്‍ ബിഗ് ബോസില്‍ എത്തിയതോടെ അര്‍ച്ചന കുടുംബ പ്രേക്ഷകരുടെ ഇഷ്ടക്കാരിയായി. സോഷ്യല്‍ മീഡിയയില്‍ സജീവമായ താരം തന്റെ വിശേഷങ്ങളൊക്കെ സോഷ്യല്‍ മീഡിയയിലൂടെ പങ്കുവെയ്ക്കാറുണ്ട്.
ഒരു വര്‍ഷം മുന്‍പാണ് താരം വീണ്ടും വിവാഹിതയായത്.അമേരിക്കയില്‍ സെറ്റില്‍ഡായ പ്രവീണുമായി ആയിരുന്നു അര്‍ച്ചനയുടെ വിവാഹം നടന്നത്. മാട്രിമോണിയല്‍ സൈറ്റ് വഴിയാണ് പ്രവീണും അര്‍ച്ചനയും പരിചയപ്പെടുന്നതും പ്രണയത്തിലാകുന്നതും. ഇരുവര്‍ക്കും ഒരു ആണ്‍കുഞ്ഞ് പിറന്ന സന്തോഷം അര്‍ച്ചന പങ്കുവെച്ചിരുന്നു. കുഞ്ഞ് പിറന്ന് ദിവസങ്ങള്‍ക്കുള്ളില്‍ തന്നെ മകന്റെ ചിത്രം അര്‍ച്ചന പുറത്ത് വിട്ടിരുന്നു. ഇപ്പോഴിതാ കുഞ്ഞിന്റെ നൂലുകെട്ട് ചടങ്ങിന്റെ വിശേഷങ്ങള്‍ പങ്കുവെച്ചിരിയ്ക്കുകയാണ് അര്‍ച്ചന.
അയാന്‍ എന്നാണ് കുഞ്ഞിന് പേരിട്ടിരിയ്ക്കുന്നത്.അയാനെ കസവ് മുണ്ട് ഉടുപ്പിച്ച് ചന്ദനക്കുറിയൊക്കെ തൊടുവിച്ചാണ് ഒരുക്കിയത്. കസവ് മുണ്ടും കറുത്ത കുര്‍ത്തയും ചന്ദനകുറിയുമായിരുന്നു പ്രവീണിന്റെ വേഷം. സെറ്റുസാരി ഉടുത്താണ് അര്‍ച്ചന എത്തിയത്. കമന്റുകളെല്ലാം തന്നെ അര്‍ച്ചനയുടെ സൗന്ദര്യത്തെ പ്രശംസിച്ചുള്ളതാണ്. പ്രസവശേഷം അര്‍ച്ചന കൂടുതല്‍ സുന്ദരിയായി എന്നാണ് പലരും കമന്റ് ചെയ്തിരിക്കുന്നത്.
