സബ്സ്ക്രൈബര്മാര്ക്ക് ലൈംഗിക ഉത്തേജനം പോലും അനുഭവിക്കാന് അവസരം നല്കുന്ന വിധത്തില് കുട്ടികളുടെ പ്രിയപ്പെട്ട കാര്ട്ടൂണ് കഥാപാത്രം ‘ആനി’ യെ രൂപപ്പെടുത്തി എലോണ് മസ്ക്ക് വന് വിവാദം നേരിടുന്നു. തിങ്കളാഴ്ച മസ്ക്ക് ഓണ് എക്സില് തന്റെ സൂപ്പര്ഗ്രോക്ക് ആപ്പിന്റെ സബ്സ്ക്രൈബര്മാര്ക്ക് വേണ്ടി പുറത്തിറക്കിയ പുതിയ ഫീച്ചറാണ് വലിയ ചര്ച്ചയായി മാറിയിരിക്കുന്നത്.
ആപ്പിന്റെ ഉപയോക്താക്കള്ക്ക് ഇപ്പോള് രണ്ട് എഐ ‘കൂട്ടാളികളെ’ ആക്സസ് ചെയ്യാന് കഴിയും. അതിലൊരാള് ബാഡ് റൂഡി എന്ന രോമമുള്ള ചുവന്ന പാണ്ടയാണ്, അതിന് മോശം സ്വഭാവവും പരിഹാസ സ്വഭാവവും അശ്ലീല സ്വഭാവവുമുണ്ട്. മറ്റൊരാള് ആനി, സുന്ദരിയായ ഒരു ആനിമേഷന് സ്ത്രീയാണ്, അടിവസ്ത്രം വെളിപ്പെടുത്താന് വസ്ത്രങ്ങള് അഴിക്കാന് അവളെ പ്രേരിപ്പിക്കാം.
വസ്ത്രം ധരിക്കാനും ഫ്ലര്ട്ട് ചെയ്യാനും സാധിക്കുന്ന വിധത്തിലാണ് ആനിയുടെ വിഭാവന. ആപ്പിലെ ‘സെറ്റിംഗ്സില് കമ്പനിയന്സ് ഓണാക്കുക” എന്ന സംവിധാനം പുതിയതായി ചേര്ത്തിട്ടുണ്ട്. അതില് കഥാപാത്രത്തിന്റെ ചിത്രവും കൊടുത്തിട്ടുണ്ട്. എന്നാല് ആളുകള് ഇപ്പോള് ഈ സംവിധാനം അശ്ളീലതയ്ക്കായി ഉപയോഗിക്കാന് തുടങ്ങിയിരിക്കുകയാണ്. മാത്രമല്ല എന്എസ്എഫ്ഡബ്ള്യൂ ഉള്പ്പെടെയുള്ള എല്ലാ ‘സവിശേഷതകളോടും’ കൂടിയ കഥാപാത്രം ‘കിഡ് മോഡില്’ പോലും ലഭ്യമാണ്.
ലൈംഗിക ചുവയോടെ ആനിയെ പ്രേരിപ്പിച്ച ഒരു ഉപയോക്താവ് മസ്കിന്റെ പോസ്റ്റിന് മറുപടിയായി വസ്ത്രം ധരിക്കാത്ത, അടിവസ്ത്രം ധരിച്ച ആനിയുടെ ചിത്രങ്ങള് പോലും പോസ്റ്റ് ചെയ്തിട്ടുണ്ട്. ഉപയോക്താക്കള് ആനിയുമായി എത്രത്തോളം നന്നായി ഇടപഴകുന്നുവെന്ന് പറയുന്ന ഒരു പ്രോഗ്രസ് ബാര് ഉണ്ട്, ബാര് പുരോഗമിക്കുമ്പോള്, അവളുടെ അടിവസ്ത്രങ്ങള് അഴിച്ചുമാറ്റാന് മാത്രമല്ല, അടുപ്പമുള്ള ശാരീരിക അനുഭവങ്ങള് വിവരിക്കാനും അവളെ പ്രേരിപ്പിക്കാന് കഴിയും. പുതിയ ഗ്രോക്ക് അപ്ഡേറ്റിന് ഒരു സ്വയംഭോഗ സഹായി എന്ന പരിഹാസം കൂടി കിട്ടിയിട്ടുണ്ട്. എഐ കമ്പാനിയനോ? സെക്സ്ടോയിയോ? എന്നാണ് ആള്ക്കാരുടെ ചോദ്യം.
