ഒടുവില്‍ ദീപിക പദുക്കോണും രണ്‍വീര്‍ സിങ്ങും തങ്ങളുടെ മകള്‍ ദുവയുടെ മുഖം ലോകത്തിന് മുന്നില്‍ വെളിപ്പെടുത്തിയോ? നവജാത ശിശുവിനൊപ്പമുള്ള രണ്‍വീറിന്റെയും ദീപികയുടെയും ചിത്രങ്ങള്‍ സോഷ്യല്‍ മീഡിയ പ്ലാറ്റ്ഫോമുകളില്‍ വൈറലാകുകയാണ്. ഫോട്ടോയിലെ കുഞ്ഞ് തങ്ങളുടെ മകളായ ദുവയാണെന്ന് പല ആരാധകരും വിശ്വസിക്കുന്നത്.
അതേസമയം ചിത്രങ്ങളുടെ ആധികാരികത പരിശോധിക്കപ്പെട്ടിട്ടില്ല. ഒരു ഫോട്ടോയില്‍, ദീപികയും രണ്‍വീറും ക്യാമറയിലേക്ക് നോക്കി പുഞ്ചിരിക്കുന്നത് കാണാം. ദീപിക ഒരു കുഞ്ഞിനെ കൈകളില്‍ പിടിച്ചിരിക്കുന്ന നിലയിലാണ് ഒരു ചിത്രം. മറ്റൊരു ചിത്രത്തില്‍ തൊട്ടിലില്‍ കിടക്കുന്ന കുഞ്ഞിന് സമീപം ദീപികയും രണ്‍വീറും ആലിംഗനം ചെയ്തിരിക്കുന്നതാണ്. അതേസമയം വൈറലായ ചിത്രങ്ങള്‍ ദീപികയോ രണ്‍വീറോ ഷെയര്‍ ചെയ്തിട്ടില്ല. വാസ്തവത്തില്‍, ഒരാള്‍ ചിത്രങ്ങള്‍ താരതമ്യം ചെയ്താല്‍, രണ്ട് ഫോട്ടോകളില്‍ രണ്‍വീറിന്റെ താടി വ്യത്യസ്തമായി കാണപ്പെടുന്നതിനാല്‍ അവ വ്യാജമാണെന്ന തരത്തിലും വാദമുണ്ട്.
ദീപികയും രണ്‍വീറും ദുവയുടെ മുഖം ഇതുവരെ ലോകത്തിന് മുന്നില്‍ വെളിപ്പെടുത്തിയിട്ടില്ല. മുംബൈയില്‍ അവര്‍ പലപ്പോഴും പെണ്‍കുഞ്ഞിനൊപ്പം കാണപ്പെടുമ്പോള്‍, അവര്‍ അവളുടെ മുഖം ക്യാമറകളില്‍ നിന്ന് സംരക്ഷിക്കുന്നു. ഈ വര്‍ഷം സെപ്റ്റംബറില്‍ ദീപികയ്ക്കും രണ്‍വീറിനും കുഞ്ഞ് ജനിച്ചത്. ഒരു സംയുക്ത ഇന്‍സ്റ്റാഗ്രാം പോസ്റ്റിലാണ് അവര്‍ വാര്‍ത്ത പ്രഖ്യാപിച്ചത്, ”സ്വാഗതം പെണ്‍കുട്ടി! 8.9.2024.” ദീപികയും രണ്‍വീറും ദീപാവലി ദിനത്തില്‍ മകളുടെ ആദ്യ കാഴ്ച പങ്കിട്ടു. പക്ഷേ ദുവയുടെ ചെറിയ പാദങ്ങള്‍ മാത്രമായിരുന്നു ചിത്രത്തില്‍ ഉണ്ടായിരുന്നത്. കുഞ്ഞിനെ സ്വാഗതം ചെയ്തത് മുതല്‍ ദീപിക പ്രസവാവധിയിലാണ്.
അവള്‍ 2025 മാര്‍ച്ച് വരെ വിശ്രമത്തിലായിരിക്കുമെന്നാണ് വിവരം. പ്രസവാവധിക്ക് ശേഷം അമിതാഭ് ബച്ചന്‍, കമല്‍ ഹാസന്‍, പ്രഭാസ് എന്നിവര്‍ക്കൊപ്പം കല്‍ക്കിയുടെ രണ്ടാം ഭാഗത്തിന്റെ ചിത്രീകരണവുമായി തിരക്കിലാകും. നാഗ് അശ്വിന്റെ കല്‍ക്കി 2 2025 ജനുവരി-ഫെബ്രുവരി മാസങ്ങളില്‍ ആരംഭിക്കുമെന്നാണ് റിപ്പോര്‍ട്ടുകള്‍. അടുത്ത വര്‍ഷം, അമിതാഭ് ബച്ചനൊപ്പം അഭിനയിക്കുന്ന ദി ഇന്റേണിന്റെ ജോലികള്‍ ആരംഭിക്കാനും ദീപിക പദ്ധതിയിടുന്നു. അതേസമയം, രണ്‍വീര്‍ സിംഗ് ഇപ്പോള്‍ ആദിത്യ ധറിന്റെ അടുത്ത ചിത്രത്തിന്റെ ഷൂട്ടിംഗിലാണ്. ഫര്‍ഹാന്‍ അക്തറിന്റെ ഡോണ്‍ 3 എന്ന ചിത്രവും അദ്ദേഹത്തിനുണ്ട്.
