ബോളിവുഡിലെ ഏറ്റവും ശ്രദ്ധേയരായ ദമ്പതിമാരാണ് ദീപികാപദുക്കോണും രണ്വീര്സിംഗും. സിനിമയും ജീവിതവും ഒരുപോലെ കൊണ്ടുപോകുന്ന ഇരുവരും ആദ്യ കുട്ടിക്കായുള്ള കാത്തിരിപ്പിലാണ്. എന്നാല് അടുത്തിടെ ഇരുവരും ഒരു കുഞ്ഞിനെയും എടുത്തു നില്ക്കുന്ന ചിത്രം സാമൂഹ്യമാധ്യമങ്ങളില് വൈറലായി മാറിയിരുന്നു. ദീപിക ഒരു ആണ്കുഞ്ഞിന് ജന്മം നല്കി എന്ന വാര്ത്തയ്ക്കൊപ്പം രണ്വീര് ഒരു ആണ്കുഞ്ഞിനെ എടുത്തുകൊണ്ട് നില്ക്കുന്നതായിരുന്നു ചിത്രത്തില് ഉണ്ടായിരുന്നത്.
ചിത്രം പെട്ടെന്ന് തന്നെ വൈറലാകുകയും സ്റ്റാര്കപ്പിള്സിന്റെ കുടുംബത്തിലേക്ക് മറ്റൊരു അതിഥി കൂടി വന്നു എന്ന തരത്തില് ആരാധകര്ക്കും ഫോളോവേഴ്സിനും ഇടയില് വാര്ത്ത പ്രചരിക്കുകയും ചെയ്തു. എന്നാല് ഈ ചിത്രം മോര്ഫിംഗിലൂടെ സൃഷ്ടിച്ചെടുത്തതാണെന്നതാണ് ഏറ്റവും പുതിയ വിവരം. ദീപിക ആശുപത്രിയിലെ കിടക്കയില് കിടക്കുന്നതും രണ്വീര് പിഞ്ചു കുഞ്ഞിനെയെടുത്ത് ബെഡിനരികില് നില്ക്കുന്നതുമായ ചിത്രം വ്യാജമാണെന്നും ദീപിക നേരത്തേ പ്രസവിച്ചു എന്ന തരത്തിലുള്ളത് വ്യാജ വാര്ത്തയുമാണ്. ദീപിക ഇതുവരെ പ്രസവിച്ചിട്ടില്ലെന്ന് മാത്രമല്ല സെപ്തംബറിലാണ് താരത്തിന്റെ പ്രസവത്തിനായുള്ള മാസം. ദീപികയും രണ്വീറും കുഞ്ഞിനായി കാത്തിരിക്കുകയാണ്. അവസാന തീയതി അടുത്തുവരുമ്പോള്, കുഞ്ഞിന്റെ വരവിനെക്കുറിച്ചുള്ള വാര്ത്തകള് തികച്ചും അടിസ്ഥാനരഹിതമാണ്.
‘കല്ക്കി 2898 എഡി’ കൂടാതെ, രോഹിത് ഷെട്ടിയുടെ വരാനിരിക്കുന്ന ‘സിംഹം എഗെയ്ന്’ എന്ന ചിത്രത്തിലും ഗര്ഭകാലത്ത് ദീപിക പദുക്കോണ് പ്രവര്ത്തിച്ചിട്ടുണ്ട്. ഷെട്ടിയുടെ കോപ്പ് യൂണിവേഴ്സിലെ ആദ്യത്തെ വനിതാ പോലീസ് ഓഫീസറായ ശക്തി ഷെട്ടിയുടെ വേഷമാണ് അവര് ചെയ്യുന്നത്. അജയ് ദേവ്ഗണ് നായകനാകുന്ന ചിത്രം 2024 ദീപാവലി റിലീസിന് ഒരുങ്ങുകയാണ്. ഗര്ഭകാലത്തും തന്റെ വേഷങ്ങളോടുള്ള ദീപികയുടെ പ്രതിബദ്ധത, അവളുടെ പ്രൊഫഷണലിസത്തെയും അര്പ്പണബോധത്തെയും അടിവരയിടുന്നു.