ഫിഫ്റ്റി ഷേഡ്‌സ് ഓഫ് ഗ്രേ എന്ന ഇറോട്ടിക് ഫിലിം ഫ്രാഞ്ചൈസിയിലെ അനസ്താസിയ സ്റ്റീല്‍ എന്ന കഥാപാത്രം നടി ഡക്കോട്ട ജോണ്സണ് നല്‍കിയ പ്രശസ്തി ചെറുതല്ല. ഫ്രാഞ്ചൈസിയിലെ ആദ്യ ചിത്രം 2015 ല്‍ പുറത്തിറങ്ങിയതോടെ ജോണ്‍സണും അവളുടെ സഹനടന്‍ ജാമി ഡോര്‍നനും വന്‍ പ്രശസ്തിയിലേക്കാണ് ഉയര്‍ന്നത്. സിനിമയുടെ സെറ്റില്‍ നിന്നും താന്‍ നേരിട്ട പ്രതിസന്ധികളെക്കുറിച്ചാണ് താരം പറയുന്നത്.
സിനിമയില്‍ താരത്തിന്റെ അനേകം ചൂടന്‍ രംഗങ്ങള്‍ ഉണ്ടായിരുന്നു. ഏറെ പ്രയാസപ്പെട്ടാണ് ഈ രംഗങ്ങള്‍ ചെയ്തതെന്നും എന്നാല്‍ അതിന്റെ ഗുണം തനിക്ക് കിട്ടിയതായും താരം പറഞ്ഞു. ഫിഫ്റ്റി ഷേഡുകള്‍ ചെയ്യുന്നത് വലിയ ത്യാഗമായിരുന്നു. ലോകം മുഴുവന്‍ തന്റെ നഗ്നത കണ്ടു. പക്ഷേ അത് അവള്‍ക്ക് സങ്കല്‍പ്പിക്കാന്‍ കഴിയുന്നതിനേക്കാര്‍ കൂടുതല്‍ പ്രശസ്തിയും നല്‍കിയതായി താരം പറഞ്ഞു.
സിനിമയില്‍ ധാരാളം അടിവസ്ത്രങ്ങളാണ് ധരിക്കേണ്ടി വന്നത്. ഷൂട്ടിംഗ് പൂര്‍ത്തിയായി കഴിഞ്ഞപ്പോള്‍ സിനിമയില്‍ ഉപയോഗിച്ച ചിലതെല്ലാം താന്‍ വീട്ടിലേക്ക് കൊണ്ടുപോയെന്നും താരം പറഞ്ഞു. സിനിമയില്‍ ഉപയോഗിച്ച ഒരു ഫ്‌ളഗ്ഗര്‍ താന്‍ മോഷ്ടിച്ചതായും അവര്‍ വെളിപ്പെടുത്തി. സിനിമയുടെ സെറ്റില്‍ നിന്നും ധാരാളം അടിവസ്ത്രങ്ങളും താന്‍ വീട്ടിലേക്ക് കൊണ്ടുപോയതായി താരം പറഞ്ഞു. അടുത്തതായി ഡക്കോട്ട ജോണ്സണ് ഡാഡിയോയില്‍ ബഹുമുഖ നടന്‍ സീന്‍ പെന്നിനൊപ്പം പ്രത്യക്ഷപ്പെടും.
