ജോലി മേഖലയിലെ പല ദുരനുഭവങ്ങളും ആളുകൾ സോഷ്യൽ മീഡിയ വഴി പങ്കുവെക്കാറുണ്ട്. ഇപ്പോഴിതാ ഇത്തരത്തിലൊരു അനുഭവമാണ് ഇപ്പോൾ റെഡ്‌ഡിറ്റിലൂടെ ശ്രദ്ധ നേടുന്നത്. ഈയിടെ ഒരു കമ്പനി തങ്ങളുടെ ജീവനക്കാരോട് തങ്ങളുടെ ഫോണുകൾ സൈലന്റ് അല്ലെങ്കിൽ ഫോക്കസ് മോഡിൽ ആണെങ്കിൽ പോലും അവരുടെ മാനേജർമാരിൽ നിന്നുള്ള കോളുകളോ സന്ദേശങ്ങളോ ഒരിക്കലും നഷ്ടപ്പെടുത്തരുതെന്ന് നിർദ്ദേശിച്ചു,
പോസ്റ്റ് അനുസരിച്ച്, ഐഫോണുകളിലെ ‘എമർജൻസി ബൈപാസ്’ ഫീച്ചറിലേക്ക് അവരുടെ മാനേജർമാരെ ചേർക്കാൻ കമ്പനി ആദ്യം ജീവനക്കാരോട് ആവശ്യപ്പെട്ടു, ഇത് ഉപകരണം നിശബ്ദമായിരിക്കുമ്പോൾ പോലും കോളുകളും സന്ദേശങ്ങളും വരാൻ അനുവദിക്കുന്ന ഒന്നാണ്. രണ്ടാമത്തെ നിർദ്ദേശത്തിൽ ആപ്പിൾ വാച്ചിൽ വിഐപി അലേർട്ടുകൾ എങ്ങനെ പ്രവർത്തനക്ഷമമാക്കാം, എന്നുള്ളതായിരുന്നു. മൂന്നാമത്തേത്
ഫോക്കസ് മോഡിന് കീഴിലുള്ള ‘അനുവദനീയമായ കോളർ’ ലിസ്റ്റിലേക്ക് എങ്ങനെ മാനേജർമാരെയും സൂപ്പർവൈസർമാരെയും ചേർക്കാം എന്നുള്ളതായിരുന്നു.
മേലധികാരകളിൽ നിന്നുള്ള അടിയന്തര സന്ദേശങ്ങൾ എല്ലായ്‌പ്പോഴും ലഭിക്കുന്നുണ്ടെന്ന് ഉറപ്പാക്കാൻ ഇത്തരം ഫീച്ചറുകൾ ആവശ്യമാണെന്ന് പ്രസ്താവിച്ചുകൊണ്ട് കമ്പനി ഈ നടപടികളെ ന്യായീകരിച്ചു. എന്നിരുന്നാലും, ഇമെയിലിൽ ലിസ്റ്റുചെയ്‌തിരിക്കുന്ന രണ്ടാമത്തെ ന്യായീകരണമാണ് കൂടുതൽ നിരാശ ജനിപ്പിച്ചത്: “നിങ്ങളുടെ ഫോൺ സേവനത്തിനായി കമ്പനി പണം നൽകുന്നതിനാൽ, ഫോക്കസ് മോഡിൽ പോലും മേലധികാരികളുടെ കോൾ എടുക്കണം” എന്നായിരുന്നു.
നിരവധി റെഡ്ഡിറ്റ് ഉപയോക്താക്കളാണ് കമ്പനിക്കെതിരെ പരിഹാസ്യമായ പ്രതികരണങ്ങളുമായി രംഗത്തെത്തിയത്. പുലർച്ചെ 3:00 മണിക്ക് മാനേജർമാരെ വിളിക്കാൻ ഒരാൾ നിർദ്ദേശിച്ചു, “ഞാൻ ഒരു പുഴുവാണെങ്കിൽ നിങ്ങൾ എന്നെ ജോലിക്ക് എടുക്കുമോ?” മറ്റൊരാൾ എഴുതി, “24 മണിക്കൂറും കോളിൽ ആണെങ്കിൽ, കമ്പനി അധിക നഷ്ടപരിഹാരം നൽകണമെന്ന് മറ്റുള്ളവർ ചൂണ്ടിക്കാട്ടി.
