ബാത്ത്റൂമില് പോകുന്നവരെ നിരീക്ഷിക്കാനും അവര്‍ എത്രസമയം പ്രാഥമിക കാര്യങ്ങള്‍ക്കായി എടുക്കുന്നുണ്ടെന്നും കണക്കാക്കാന്‍ ക്യാമറ വെച്ച് ചൈനയിലെ ഒരു കമ്പനി. ബാത്തറൂമില്‍ ഏറ്റവും കൂടുതല്‍ സമയം ചെലവഴിക്കുന്നവരുടെ പേരു വിവരങ്ങള്‍ കമ്പനി ചുവരില്‍ എഴുതിപ്പറ്റിക്കുകയും ചെയ്താലോ? റെസ്റ്റ് റൂമിന്റെ മുകള്‍ത്തട്ടില്‍ ക്യാമറ വെച്ചാണ് കമ്പനി ഇക്കാര്യങ്ങളെല്ലാം അളക്കുന്നത്.
ബാത്ത്റൂം ബ്രേക്ക് പോലും നിരീക്ഷിക്കപ്പെടുകയും ‘നാണക്കേട് ചുമര്‍’ ഉണ്ടാക്കുകയും ചെയ്ത കമ്പനി ഇപ്പോള്‍ വിവാദം നേരിടുകയാണ്. ബാത്ത്റൂം സ്റ്റാളുകളില്‍ കൗണ്ട്ഡൗണ്‍ ടൈമറുകള്‍ സ്ഥാപിക്കുകയോ ബാത്ത്റൂമുകളുടെ ഇടവേളകള്‍ പ്രതിദിനം ഒന്നായി പരിമിതപ്പെടുത്തുകയോ ചെയ്യുന്നതു പോലെ പല മാര്‍ഗങ്ങളിലൂടെ തൊഴിലാളികളെ വിശ്രമമുറിയില്‍ കൂടുതല്‍ സമയം ചെലവഴിക്കുന്നതില്‍ നിന്ന് നിരുത്സാഹപ്പെടുത്തുക തുടങ്ങിയ പ്രവണത പണ്ടുമുതല്‍ക്കേ ചൈനീസ് കമ്പനികളിലുണ്ട്.
ഷെന്‍സെന്‍ ആസ്ഥാനമായുള്ള ഒരു ടെക് കമ്പനിയാണ് ജീവിനക്കാരുടെ ശുചിമുറിയിലെ സമയം അളന്നത്. ശുചിമുറികളില്‍ മറഞ്ഞിരിക്കുന്ന നിരീക്ഷണ ക്യാമറകള്‍ സ്ഥാപിക്കുകയും പിന്നീട് അവിടെ കൂടുതല്‍ സമയം പാഴാക്കുന്നവരുടെ ദൃശ്യങ്ങളുടെ സ്‌ക്രീന്‍ഷോട്ടുകള്‍ കമ്പനിയിലെ എല്ലാവര്‍ക്കും കാണാനായി പോസ്റ്റ് ചെയ്യുന്നതുമാണ് ഇവരുടെ രീതി.
വിശ്രമമുറിയില്‍ ജീവനക്കാരെ നിരീക്ഷിച്ചതായി ലിക്സണ്‍ ഇലക്ട്രോ-അക്കോസ്റ്റിക് ടെക്നോളജി കമ്പനിയുടെ വക്താവ് സമ്മതിച്ചു, എന്നാല്‍ ജോലി സമയങ്ങളില്‍ സമയം പാഴാക്കുന്നത് നിരുത്സാഹപ്പെടുത്താനാണ് ഈ നടപടിയെന്ന് അവകാശപ്പെട്ടു. ബാത്ത്റൂം ബ്രേക്കുകള്‍ കൈകാര്യം ചെയ്യുന്ന ലിക്സണ്‍ ഇലക്ട്രോ-അക്കൗസ്റ്റിക്കിന്റെ വിവാദ രീതി ആദ്യമായി റിപ്പോര്‍ട്ട് ചെയ്തത് ചൈനീസ് ന്യൂസ് ഔട്ട്ലെറ്റാണ്, കമ്പനി ജീവനക്കാരുടെ വിശ്രമമുറി പ്രവര്‍ത്തനങ്ങള്‍ നിരീക്ഷിക്കുക മാത്രമല്ല, പുകവലിക്കുകയോ വീഡിയോ ഗെയിമുകള്‍ കളിക്കുകയോ ബാത്ത്റൂമില് കൂടുതല്‍ സമയം പാഴാക്കുകയോ ചെയ്യുന്ന ജീവനക്കാരെ അപമാനിക്കുകയും ചെയ്തു.
കമ്പനിയുടെ പെരുമാറ്റം ചൈനീസ് സോഷ്യല്‍ മീഡിയയില്‍ പ്രകോപനം സൃഷ്ടിച്ചു, ജീവനക്കാരുടെ സ്വകാര്യത ലംഘിക്കുന്നുവെന്നും നിയമം ലംഘിക്കുന്നുവെന്നും നിരവധി ഉപയോക്താക്കള്‍ ആരോപിച്ചു. അതേസമയം ‘സ്റ്റാഫ് ബാത്ത്റൂമില് പുകവലിക്കുകയോ ഗെയിമുകള്‍ കളിക്കുകയോ ചെയ്തു, ഇത് മറ്റ് ജീവനക്കാരെ അസ്വസ്ഥരാക്കുന്നു.’ ചൈനീസ് കമ്പനി വിശദീകരിച്ചു.
