ലോകത്ത് ഏറ്റവും കൂടുതൽ ആളുകൾ ഉപയോഗിക്കുന്ന പാനീയങ്ങളിൽ ഒന്നാണ് കാപ്പിയെങ്കിലും, ഇപ്പോള് പലരും കാപ്പി ഉപേക്ഷിക്കാൻ ശ്രമിക്കുന്നത് നിങ്ങൾ കണ്ടിട്ടുണ്ടാകാം. അമിതമായി കഫീൻ ഉപയോഗിക്കുന്നത് ചില പാർശ്വഫലങ്ങളുണ്ടാക്കാം എന്നതാണ് ഇതിനു കാരണം. എങ്കിലും, മിതമായ അളവിൽ കാപ്പി കുടിക്കുന്നത് ശ്രദ്ധേയമായ ആരോഗ്യ ഗുണങ്ങൾ നൽകും.
ഊർജ്ജം നൽകുന്നതിനോടൊപ്പം, കാപ്പി കുടിക്കുന്നത് ശാരീരികവും മാനസികവുമായ ആരോഗ്യം മെച്ചപ്പെടുത്താൻ സഹായിക്കും. കാപ്പിയിൽ ധാരാളം ആന്റിഓക്സിഡന്റുകൾ, പ്രത്യേകിച്ച് പോളിഫെനോളുകൾ (ആന്റിഓക്സിഡന്റ്, ആന്റി-ഇൻഫ്ലമേറ്ററി ഗുണങ്ങളുള്ള സസ്യങ്ങളിൽ നിന്നുള്ള സംയുക്തങ്ങൾ) അടങ്ങിയിട്ടുണ്ട്, ഇത് ഹൃദ്രോഗം, കാൻസർ തുടങ്ങിയ വിട്ടുമാറാത്ത രോഗങ്ങൾ വരാനുള്ള സാധ്യത കുറയ്ക്കും. ഇത് നിങ്ങളുടെ മാനസികാവസ്ഥ മെച്ചപ്പെടുത്താനും സഹായിക്കും.
കാപ്പി നിങ്ങളുടെ കരളിനും അതീവ പ്രയോജനകരമാണ്. സ്ഥിരമായി കാപ്പി കുടിക്കുന്നത് സിറോസിസ്, ഫാറ്റി ലിവർ രോഗം ഉൾപ്പെടെയുള്ള കരൾ രോഗങ്ങൾ വരാനുള്ള സാധ്യത കുറയ്ക്കുന്നതായി പഠനങ്ങൾ സൂചിപ്പിക്കുന്നു. ഇതിലെ ആന്റിഓക്സിഡന്റ് ഘടകങ്ങളും ആന്റി-ഇൻഫ്ലമേറ്ററി ഗുണങ്ങളും കരളിനെ സംരക്ഷിക്കാനും മൊത്തത്തിലുള്ള കരളിന്റെ പ്രവർത്തനം മെച്ചപ്പെടുത്താനും സഹായിക്കുന്നു.
എന്നാല്, പരമാവധി പ്രയോജനം ലഭിക്കുന്നതിന്, കാപ്പി ശരിയായ രീതിയിൽ കഴിക്കേണ്ടത് പ്രധാനമാണ്. AIIMS, ഹാർവാർഡ്, സ്റ്റാൻഫോർഡ് യൂണിവേഴ്സിറ്റികളിൽ പരിശീലനം നേടിയ പ്രശസ്ത ഗ്യാസ്ട്രോഎൻട്രോളജിസ്റ്റ് ഡോ. സൗരഭ് സേഥി, പരമാവധി പ്രയോജനത്തിനായി കാപ്പി കുടിക്കുമ്പോൾ ഒഴിവാക്കേണ്ട ചില തെറ്റുകൾ പങ്കുവെച്ചു.
കാപ്പി കുടിക്കുമ്പോൾ ഒഴിവാക്കേണ്ട തെറ്റുകൾ
“കാപ്പി നിങ്ങളുടെ കുടലിനും തലച്ചോറിനും കരളിനും അതിശയകരമായ ഗുണങ്ങൾ നൽകുന്നു. കാപ്പിയിലെ പോളിഫെനോളുകൾ നല്ല കുടൽ ബാക്ടീരിയകളെ വർദ്ധിപ്പിക്കുന്നു. കാപ്പി ശ്രദ്ധയും ഓർമ്മശക്തിയും വർദ്ധിപ്പിക്കുകയും അതുവഴി അൽഷിമേഴ്സ് രോഗത്തിനുള്ള സാധ്യത കുറയ്ക്കുകയും ചെയ്യുന്നു. ഇത് ഫാറ്റി ലിവറിനും നല്ലതാണ്, എന്നാൽ മിക്ക ആളുകളും കാപ്പി കുടിക്കുന്നത് തെറ്റായ രീതിയിലാണ്,” ഡോ. സേഥി വീഡിയോയിൽ പറഞ്ഞു.
- കാപ്പിയിൽ പഞ്ചസാര ചേർക്കുന്നത് ഒഴിവാക്കുക: പലർക്കും പഞ്ചസാര ചേർത്ത കാപ്പിയാണ് ഇഷ്ടമെങ്കിലും, ഇത് രക്തത്തിലെ പഞ്ചസാരയുടെ അളവ് വർദ്ധിപ്പിക്കാനും വീക്കം (inflammation) കൂട്ടാനും സാധ്യതയുണ്ടെന്ന് ഡോ. സേഥി മുന്നറിയിപ്പ് നൽകുന്നു. ഇതിന് പകരമായി, എറിത്രൈറ്റോൾ (Erythritol) ഇല്ലാത്ത മോങ്ക് ഫ്രൂട്ട് (Monk Fruit) അല്ലെങ്കിൽ സ്റ്റീവിയ (Stevia) ഉപയോഗിക്കാൻ അദ്ദേഹം ശുപാർശ ചെയ്യുന്നു.
- ഓർഗാനിക് കാപ്പി : കാപ്പി ഏറ്റവും കൂടുതൽ കീടനാശിനി ഉപയോഗിക്കുന്ന വിളകളിൽ ഒന്നാണ്, ഇത്തരം കാപ്പി നിങ്ങൾ ഉപയോഗിക്കാതിരിക്കുന്നതാണ് നല്ലത് . കീടനാശിനികളുടെ സമ്പർക്കം കുറച്ച്, മെച്ചപ്പെട്ട രുചിക്കും ആരോഗ്യ ഗുണങ്ങൾക്കുമായി ഉയർന്ന ഗുണമേന്മയുള്ള ഓർഗാനിക് കാപ്പി ഉപയോഗിക്കുക.
- കാപ്പി കുടി നിർത്തുന്നത് : നിങ്ങൾക്ക് ആസിഡ് റിഫ്ലക്സ് (നെഞ്ചെരിച്ചിൽ) ഉണ്ടെങ്കിൽ, ഡാർക്കർ റോസ്റ്റിലേക്ക് (Darker Roast) മാറുക. ഡാർക്കർ റോസ്റ്റിന് കഫീൻ കുറവാണ്, അതിനാൽ അത് വയറിന് നല്ലതായിരിക്കും. എന്നാൽ നിങ്ങൾക്ക് നെഞ്ചെരിച്ചിൽ പ്രശ്നങ്ങളില്ലെങ്കിൽ, ലൈറ്റ് റോസ്റ്റ് (Light Roast) തിരഞ്ഞെടുക്കുക, കാരണം അതിലാണ് ഏറ്റവും കൂടുതൽ പോളിഫെനോളുകൾ അടങ്ങിയിരിക്കുന്നത്,” അദ്ദേഹം വിശദീകരിച്ചു.
സുരക്ഷിതമായ ഉപയോഗത്തിനുള്ള നുറുങ്ങുകൾ
കാപ്പി ആരോഗ്യത്തിന് ഗുണകരമാണെങ്കിലും, അതിൽ കഫീൻ അടങ്ങിയിട്ടുണ്ട്, അത് അമിതമായി ഉപയോഗിക്കരുത്. അമിതമായ കഫീൻ ഉത്കണ്ഠ, വിറയൽ, ഉറക്ക പ്രശ്നങ്ങൾ, വേഗത്തിലുള്ള ഹൃദയമിടിപ്പ്, ഉയർന്ന രക്തസമ്മർദ്ദം, ദഹന പ്രശ്നങ്ങൾ എന്നിവയിലേക്ക് നയിച്ചേക്കാം. ഈ പാർശ്വഫലങ്ങൾ ഒഴിവാക്കാൻ ഈ നുറുങ്ങുകൾ പാലിക്കുക:
നിങ്ങളുടെ കഫീൻ ഉപഭോഗം ദിവസവും 400 മില്ലിഗ്രാമിൽ താഴെയായി പരിമിതപ്പെടുത്തുക.
ഉറക്കത്തെ തടസ്സപ്പെടുത്താൻ സാധ്യതയുള്ളതിനാൽ, രാത്രി വൈകി കാപ്പി കുടിക്കുന്നത് ഒഴിവാക്കുക.
കാപ്പി ഒരു മൂത്രവർദ്ധക (Diuretic) പാനീയമാണ്; അതിനാൽ, നിർജ്ജലീകരണം തടയാൻ ആവശ്യത്തിന് വെള്ളം കുടിക്കുക.
