ചിയാന്‍ വിക്രമും അദ്ദേഹത്തിന്റെ ആരാധകരും ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് തങ്കലാന്‍. പാ രഞ്ജിത്ത് സംവിധാനം ചെയ്യുന്ന ചിത്രം ഇന്ത്യയിലെ ബ്രിട്ടീഷ് ഭരണകാലത്തെ കോലാര്‍ ഗോള്‍ഡ് ഫീല്‍ഡില്‍ നിന്നുള്ള ഒരു യഥാര്‍ത്ഥ കഥയെ അടിസ്ഥാനമാക്കിയുള്ള ഒരു പീരിയോഡിക് ചിത്രമാണ്.
കഴിഞ്ഞയാഴ്ചയായിരുന്നു സിനിമയുടെ ടീസര്‍ പുറത്തിറങ്ങിയത്. ഹൈദരാബാദില്‍ നടന്ന ടീസര്‍ ലോഞ്ച് ചടങ്ങില്‍ തെലുങ്ക് സിനിമകള്‍ക്ക് തമിഴ്‌നാട്ടില്‍ കിട്ടുന്ന സ്വീകരണത്തെക്കുറിച്ച് ചോദ്യമുയര്‍ന്നു. വലിയ ഭാഷാ സ്‌നേഹികളായ തമിഴ്‌നാട്ടുകാര്‍ തെലുങ്ക് ഉള്‍പ്പെടെയുള്ള മറ്റു ഭാഷകളിലെ ചിത്രങ്ങളെ സ്വീകരിക്കാറില്ലെന്ന വാദമാണ് ഉയര്‍ന്നത്. ഇക്കാര്യം ചിയാന്‍ വിക്രമിനോട് ഒരു മാധ്യമപ്രവര്‍ത്തകര്‍ ചോദിക്കുകയും ചെയ്തു.
എന്നാല്‍ തെലുങ്ക് സിനിമകള്‍ തമിഴില്‍ ഹിറ്റാകാറില്ലെന്ന വാദം വിക്രം തള്ളിക്കളഞ്ഞു. ”അത് ശരിയല്ല, ഒരു തമിഴ് ചലച്ചിത്ര ജൂറി അംഗം ദേശീയ ചലച്ചിത്ര അവാര്‍ഡിന് നാമനിര്‍ദ്ദേശം ചെയ്യാന്‍ തന്റെ ഭാഷയിലുള്ള സിനിമകളെക്കാള്‍ ബാഹുബലിയെ തിരഞ്ഞെടുത്ത വിവരം ചൂണ്ടിക്കാട്ടി. ‘കാന്താര’, ‘ആര്‍ആര്‍ആര്‍’, ‘ബാഹുബലി’, ‘കെജിഎഫ്’ എന്നിവയെല്ലാം തമിഴ്‌നാട്ടില്‍ മികച്ച പ്രകടനം കാഴ്ചവച്ചിട്ടുണ്ടെന്നും അതിനാല്‍ ആരോപണത്തില്‍ കഴമ്പുണ്ടെന്ന് കരുതുന്നില്ലെന്നും പറഞ്ഞു.
തമിഴില്‍ ഏറ്റവും കൂടുതല്‍ കളക്ഷന്‍ നേടിയ ചിത്രങ്ങളിലൊന്നായി ‘ബാഹുബലി’ വളരെക്കാലമായി തുടരുന്നുവെന്നും ചടങ്ങില്‍ പങ്കെടുത്ത ‘തങ്കലാന്‍’ നിര്‍മ്മാതാവ് പറഞ്ഞു. ” ‘ആര്‍ആര്‍ആര്‍’, ‘ബാഹുബലി’ തുടങ്ങിയ സിനിമകള്‍ നിര്‍മ്മിച്ചതിന് അദ്ദേഹം എസ് എസ് രാജമൗലിക്ക് നന്ദി പറഞ്ഞു. ‘ഞങ്ങള്‍ക്കും ഓസ്‌കാര്‍ സ്വപ്നം കാണാന്‍ കഴിയുമെന്ന് ഞങ്ങള്‍ക്ക് പ്രതീക്ഷ നല്‍കിയതിന് എസ് എസ് രാജമൗലിയോട് നന്ദി പറയാന്‍ ഞാന്‍ ആഗ്രഹിക്കുന്നു. വഴിയൊരുക്കിയതിന് നന്ദി.”, അദ്ദേഹം കൂട്ടിച്ചേര്‍ത്തു.
