സെക്സിയെസ്റ്റ് എന്നത് മനുഷ്യരുടെ കാഴ്ചപ്പാടുമായി ബന്ധപ്പെട്ടിരിക്കുന്നതാണ്. എന്നാല്‍ ലോകത്തെ ഏറ്റവും ‘തുറന്ന സമൂഹ’മെന്നാണ് ചൈനയിലെ ഏറ്റവും പഴയ ന്യൂനപക്ഷങ്ങളില്‍പ്പെടുന്ന ഒന്നായ ‘യിചെ പീപ്പിള്‍’. ഇവരെ ലോകത്തെ ഏറ്റവും ‘സെക്സിയെസ്റ്റ്’ എന്നും ‘തുറന്ന സമീപനമുള്ള സമൂഹ’മെന്നും അറിയപ്പെടുന്നു. ചൈനയില്‍ ആദ്യകാലത്ത് മിനി-ഷോര്‍ട്ട്സ് ധരിച്ചിരുന്ന സമൂഹം കൂടിയാണ്.
‘സെക്‌സിസ്റ്റ് മൈനോറിറ്റി’ എന്ന് വിളിക്കപ്പെടുന്ന അവര്‍ വിവാഹശേഷവും തുറന്ന ബന്ധങ്ങള്‍ നിലനിര്‍ത്തുന്നു, കൂടാതെ സ്ത്രീകളുടെ സ്തനങ്ങളില്‍ പുരുഷന്മാര്‍ക്ക് സ്വതന്ത്രമായി സ്പര്‍ശിക്കാന്‍ അനുവാദമുള്ള ഒരു അവധിക്കാലം പോലും ഇവര്‍ക്കുണ്ട്. 20,000-ത്തില്‍ താഴെ ആളുകളുള്ള ഹാനി വംശീയ ന്യൂനപക്ഷത്തിന്റെ ഏറ്റവും പഴയ ശാഖകളിലൊന്നായ യിചെ ഗ്രൂപ്പ്. തെക്കുപടിഞ്ഞാറന്‍ ചൈനയിലെ യുനാന്‍ പ്രവിശ്യയിലാണ്
ഇവര്‍ താമസിക്കുന്നത്.
ചൈനയിലെ ആദ്യകാല മിനി-ഷോര്‍ട്ട്സ് ധരിച്ചിരുന്നത് യിചെ സ്ത്രീകളാണെന്ന് വിശ്വസിക്കപ്പെടുന്നു. അവര്‍ പരമ്പരാഗതമായി വെളുത്ത തുണികൊണ്ടുള്ള തൊപ്പികളും ഇന്‍ഡിഗോ നിറത്തിലുള്ള വസ്ത്രങ്ങളും ധരിക്കുന്നു. മറ്റു സമൂഹത്തിലുള്ളവര്‍ വസ്ത്രധാരണത്തില്‍ ശരീരഭാഗങ്ങള്‍ മൂടിവെയ്ക്കാന്‍ ശ്രമിച്ചപ്പോള്‍ ഇവര്‍ വര്‍ഷം മുഴുവനും കാലുകള്‍ തുറന്നുകാട്ടിയാണ് ജീവിച്ചിരുന്നത്.
വസ്ത്രങ്ങള് കുടുംബ സമ്പത്തിനെ പ്രതിഫലിപ്പിക്കുമെന്ന് വിശ്വസിക്കുന്ന യിചെ സ്ത്രീകള്‍ ധരിച്ചിരുന്നത് ശരീരരൂപഭംഗി പുറത്തു കാണുന്ന രീതിയിലുള്ള വസ്ത്രങ്ങള് ആണ്. ഷോര്‍ട്ട്സിന്റെ മുന്‍ഭാഗം ഏഴ് പ്ലീറ്റുകളാക്കി ഒരേസമയം ഏഴ് ജോഡികള്‍ ധരിക്കുന്നു എന്ന മിഥ്യാധാരണ സൃഷ്ടിക്കുന്നു. അതേസമയം ഗ്ളാമറിന്റെ പേരിലല്ല കാര്‍ഷിക മേഖലയിലെ ജോലികള്‍, മലയടിവാരത്തുള്ള താമസം, തുടങ്ങിയ കാരണങ്ങള്‍ കൊണ്ടാണ് ഇവര്‍ മിനി ഷോര്‍ട്ടുകള്‍ പതിവാക്കിയിരുന്നത്.
പരമ്പരാഗതമായി മൃദുലവും മിനുസമാര്‍ന്നതുമായ ശരീരം എന്ന സങ്കല്‍പ്പത്തിന് അപ്പുറത്താണ് ശരീരത്തെക്കുറിച്ചുള്ള അവരുടെ കാഴ്ചപ്പാടുകള്‍. കട്ടിയുള്ളതും പേശികളുള്ളതുമായ കാലുകളുള്ള സ്ത്രീകള്‍ ആകര്‍ഷകരാണെന്ന് അവര്‍ പരമ്പരാഗതമായി വിശ്വസിക്കുന്നു. നല്ല ആകൃതിയിലുള്ള കാലുകള്‍ ഫീല്‍ഡ് വര്‍ക്കിലെ ഒരു സ്ത്രീയുടെ കഴിവിനെയും കാര്യക്ഷമതയെയും സൂചിപ്പിക്കുന്നു, അതുവഴി അവളുടെ സൗന്ദര്യവും നല്ല ആരോഗ്യവും അടയാളപ്പെടുത്തുന്നു എന്ന ആശയത്തില്‍ നിന്നാണ് ഇത് ഉരുത്തിരിഞ്ഞത്.
ജനിച്ച് ഏതാനും ആഴ്ചകള്‍ കഴിയുമ്പോള്‍ തന്നെ പെണ്‍കുട്ടികളെ വിവാഹം കഴിപ്പിക്കുന്നത് ഉള്‍പ്പെടെയുള്ള സവിശേഷവും പ്രാകൃതവുമായ ആചാരങ്ങള്‍ യിചെ ആളുകള്‍ക്ക് ഇടയിലുണ്ട്. വിവാഹനിശ്ചയത്തിന് ശേഷം അവര്‍ക്ക് പ്രണയബന്ധങ്ങള്‍ തുടരാനും സ്വതന്ത്രമായി ഡേറ്റ് ചെയ്യാനും അനുവാദമുണ്ട്. 14 വയസ്സ് തികയുമ്പോള്‍ പെണ്‍കുട്ടികള്‍ക്ക് അവരുടെ കാമുകന്മാരെ സ്വതന്ത്രമായി കാണാന്‍ അനുവദിക്കുന്നു. ഒരു പെണ്‍കുട്ടിയും അവളുടെ കാമുകനും വിവാഹം കഴിക്കാന്‍ തീരുമാനിച്ചാല്‍ അവള്‍ക്ക് മുന്‍ വിവാഹനിശ്ചയം റദ്ദാക്കാം.
സ്ത്രീകള്‍ക്ക് അവരുടെ ജീവിതത്തിലുടനീളം ഒന്നിലധികം തവണ വിവാഹം കഴിക്കാം, ‘യിച്ചെ’ സ്ത്രീ കൂടുതല്‍ തവണ വിവാഹം കഴിച്ച് സമ്പന്നരാകാറുണ്ട്. വിവാഹത്തിന് ശേഷമായാലും കുട്ടികളുണ്ടാകുന്നതിന് മുമ്പ്, യിചെ സ്ത്രീകള്‍ക്ക് തുറന്ന ബന്ധത്തില്‍ ഏര്‍പ്പെടാന്‍ അനുവാദമുണ്ട്. കാമുകന്മാരെ വീട്ടിലേക്ക് കൊണ്ടുവരാനും കഴിയും.
എന്നാല്‍ കുട്ടികളുണ്ടായാല്‍, അത്തരം പെരുമാറ്റം കര്‍ശനമായി നിരോധിച്ചിരിക്കുന്നു, നിയമങ്ങള്‍ ലംഘിക്കുന്നവരെ കുടുംബത്തില്‍ നിന്ന് പുറത്താക്കും. സ്ത്രീകള്‍ പരമ്പരാഗതമായി ഒരിക്കലും പാദരക്ഷ ധരിക്കാറില്ല. മരണശേഷം, അവര്‍ മനോഹരമായി എംബ്രോയ്ഡറി ചെയ്ത പാദരക്ഷകളാല്‍ അലങ്കരിക്കപ്പെടും, ഇത് സ്ത്രീയുടെ ആത്മാവിനെ പര്‍വതങ്ങള്‍ക്കും നദികള്‍ക്കും മുകളിലൂടെ അവളുടെ ജന്മനാട്ടിലേക്ക് കൊണ്ടുപോകുന്നതിനെ പ്രതീകപ്പെടുത്തുന്നു. ഗുനിയാങ് ഫെസ്റ്റിവല്‍ അല്ലെങ്കില്‍ ‘ഗേള്‍സ് ഡേ’ യില്‍ യുവതികള്‍ പര്‍വതങ്ങളില്‍ ചെന്ന് പാടുകയും നൃത്തം ചെയ്യുകയും ചെയ്ത് പങ്കാളികളെ ആകര്‍ഷിക്കുകയും ചെയ്യുന്നു.
ഈ ആഘോഷവേളയില്‍, സ്ത്രീകള്‍ സമ്മതിച്ചാല്‍ അവരുടെ മാറിടത്ത് സ്പര്‍ശിക്കാന്‍ പുരുഷന്മാരെ അനുവദിക്കും. അവര്‍ മലമുകളിലേക്ക് നടക്കുമ്പോള്‍ ഈ രീതി സാധാരണമാണ്, ഇത് അഭിവാദനത്തിന്റെ ഒരു രൂപമായി കണക്കാക്കപ്പെടുന്നു. അവിവാഹിതരായ സ്ത്രീകളുടെ ഇരു മാറിടങ്ങളിലും പുരുഷന്മാര്‍ക്ക് സ്വതന്ത്രമായി സ്പര്‍ശിക്കാം. വിവാഹിതരായ സ്ത്രീകളില്‍ പോലും മാറിടത്ത് സ്പര്‍ശിക്കാന്‍ അനുവാദമുണ്ട്. പ്രസിദ്ധമായ ഒരു പ്രാദേശിക ചൊല്ലുണ്ട്: ‘ഇടത്തെ സ്തനം ഭര്‍ത്താവിന്റേതാണ്, വലത് സ്തനം മുഴുവന്‍ ലോകത്തിന്റേതാണ്.”
