ഐസിസി അഴിമതി വിരുദ്ധ നിയമലംഘനത്തിന് ബംഗ്ലാദേശ് ഓള്‍റൗണ്ടര്‍ നാസിര്‍ ഹൊസൈനെ എല്ലാത്തരം ക്രിക്കറ്റില്‍ നിന്നും രണ്ടു വര്‍ഷത്തേക്ക് വിലക്കി. 2023 സെപ്റ്റംബറില്‍ ഐസിസി കുറ്റം ചുമത്തിയ ഹുസൈന് ആറ് മാസത്തെ സസ്‌പെന്‍ഷന് പുറമേയാണ് രണ്ട് വര്‍ഷത്തെ വിലക്കും കിട്ടിയത്.
2021ലെ അബുദാബി ടി10 ലീഗിനിടെ കളിക്കാര്‍, ഉദ്യോഗസ്ഥര്‍, ടീം ഉടമകള്‍ എന്നിവരുള്‍പ്പെടെ ഏഴ് വ്യക്തികള്‍ക്കൊപ്പം അഴിമതിയുമായി ബന്ധപ്പെട്ട പ്രവര്‍ത്തനങ്ങളില്‍ ഏര്‍പ്പെട്ട സംഭവങ്ങളില്‍ നിന്നാണ് അദ്ദേഹത്തിനെതിരെയുള്ള കുറ്റങ്ങള്‍.
750 ഡോളറിലധികം വിലമതിക്കുന്ന ഒരു സമ്മാനത്തിന്റെ രസീത് വെളിപ്പെടുത്തുന്നതില്‍ പരാജയപ്പെട്ടു, അഴിമതി നടത്തുന്നതിന് സ്വീകരിച്ച സമീപനങ്ങളുടെയോ ക്ഷണങ്ങളുടെയോ മുഴുവന്‍ വിശദാംശങ്ങളും റിപ്പോര്‍ട്ട് ചെയ്തില്ല, നിയുക്ത അഴിമതി വിരുദ്ധ ഉദ്യോഗസ്ഥന്‍ നടത്തുന്ന അന്വേഷണവുമായി സഹകരിക്കാന്‍ വിസമ്മതിച്ചു തുടങ്ങിയ കുറ്റങ്ങളാണ് ചുമത്തിയത്.
2011 നും 2018 നും ഇടയില്‍ ബംഗ്ലാദേശിനായി 115 മത്സരങ്ങള്‍ കളിച്ച ഹുസൈന് 2695 റണ്‍സും 39 വിക്കറ്റും നേടിയിട്ടുണ്ട്. അതിനുശേഷം അദ്ദേഹം പ്രധാനമായും ആഭ്യന്തര സര്‍ക്യൂട്ടില്‍ ഇടംനേടി, അടുത്തിടെ പ്രൈം ബാങ്ക് ക്രിക്കറ്റ് ക്ലബിനായി ധാക്ക പ്രീമിയര്‍ ഡിവിഷന്‍ ക്രിക്കറ്റ് ലീഗില്‍ പങ്കെടുത്തു. 2025 ഏപ്രില്‍ 7-ന് അന്താരാഷ്ട്ര ക്രിക്കറ്റ് പുനരാരംഭിക്കാന്‍ ഹൊസൈന് സ്വാതന്ത്ര്യമുണ്ടാകും.
