ന്യൂഡല്‍ഹി: കരിയറില്‍ ആദ്യമായി അഞ്ചുവിക്കറ്റ് നേട്ടം സമ്പാദിച്ച് സ്വപ്നനേട്ടവുമായി ഇതിഹാസതാരം സച്ചിന് തെന്‍ഡുല്‍ക്കറുടെ മകന്‍ അര്‍ജുന്‍ തെന്‍ഡുല്‍ക്കര്‍. പോര്‍വോറിമിലെ ഗോവ ക്രിക്കറ്റ് അസോസിയേഷന്‍ ഗ്രൗണ്ടില്‍ അരുണാചല്‍ പ്രദേശിനെതിരായ രഞ്ജി ട്രോഫി പ്ലേറ്റ് ഡിവിഷന്‍ മത്സരത്തില്‍ ഫസ്റ്റ് ക്ലാസ് ക്രിക്കറ്റിലെ തന്റെ കന്നി അഞ്ച് വിക്കറ്റ് നേട്ടം സ്വന്തമാക്കി.
ഇടങ്കയ്യന്‍ സീമര്‍ മൂന്ന് മെയ്ഡന്‍ ഓവറുകള്‍ ഉള്‍പ്പെടെ 9 ഓവറില്‍ 25-ന് 5 എന്ന മികച്ച പ്രകടനത്തോടെയാണ് ഫിനിഷ് ചെയ്തത്. അരുണാചല്‍ പ്രദേശ് ബാറ്റിംഗ് നിരയുടെ തകര്‍ച്ചയ്ക്ക് അര്‍ജുന്‍ നേതൃത്വം നല്‍കിയതോടെ തന്റെ പതിനേഴാം ഫസ്റ്റ് ക്ലാസ് മത്സരത്തില്‍ ആയിരുന്നു ഈ നേട്ടം. മത്സരത്തിന്റെ രണ്ടാം ഓവറില്‍ ഓപ്പണര്‍ നബാം ഹചാങ്ങിനെ പുറത്താക്കിയാണ് അര്‍ജുന്‍ തുടങ്ങിയത്.
നീലം ഒബി (22), ചിന്മയ് പാട്ടീല്‍ (3) എന്നിവരുടെ ചെറുത്തുനില്‍പ്പ് അവഗണിച്ച് ഇന്നിംഗ്സ് സുസ്ഥിരമാക്കാന്‍ ശ്രമിച്ചെങ്കിലും, 12-ാം ഓവറില്‍ അര്‍ജുന്‍ രണ്ട് തവണ പ്രഹരിച്ചു, ഇത് സന്ദര്‍ശകരുടെ സ്ഥിതി കൂടുതല്‍ വഷളാക്കി. അര്‍ജുന്‍ അഞ്ച് വിക്കറ്റ് നേട്ടം പൂര്‍ത്തിയാക്കിയപ്പോഴേക്കും അരുണാചല്‍ 17.1 ഓവറില്‍ 36/5 എന്ന നിലയിലായിരുന്നു. 25 പന്തില്‍ അഞ്ച് ബൗണ്ടറികള്‍ ഉള്‍പ്പെടെ പുറത്താകാതെ 25 റണ്‍സ് നേടിയ അരുണാചല്‍ നായകന്‍ നബാം അബോ ആയിരുന്നു ടോപ് സ്‌കോറര്‍.
ഈ മത്സരത്തിന് മുമ്പ്, 16 ഫസ്റ്റ് ക്ലാസ് മത്സരങ്ങളില്‍ നിന്ന് 32 വിക്കറ്റുകള്‍ അര്‍ജുന്‍ നേടിയിരുന്നു, 4/49 ആയിരുന്നു അദ്ദേഹത്തിന്റെ മുമ്പത്തെ മികച്ച പ്രകടനം. തന്റെ ബൗളിംഗിന് പുറമേ, ഒരു സെഞ്ചുറിയും രണ്ട് അര്‍ധസെഞ്ചുറികളും സഹിതം 23.13 ശരാശരിയില്‍ 532 റണ്‍സ് നേടിയ അര്‍ജുന്‍ കഴിവുള്ള ബാറ്റ്സ്മാനും ആണെന്ന് തെളിയിച്ചിട്ടുണ്ട്.
