മതവികാരം വ്രണപ്പെടുത്തിയെന്നാരോപിച്ച് ചിത്രത്തിന്റെ നിര്‍മ്മാതാക്കള്‍ക്കെതിരെ എഫ്ഐആര്‍ ഫയല്‍ ചെയ്തതിന് പിന്നാലെ നയന്‍താര അഭിനയിച്ച ‘അന്നപൂരണി: ദ ഗോഡ്സ് ഓഫ് ഫുഡ്’ ഒടിടി പ്ലാറ്റ്ഫോമായ നെറ്റ്ഫ്ലിക്സില് നിന്ന് നീക്കം ചെയ്തു. നിലേഷ് കൃഷ്ണ സംവിധാനം ചെയ്ത അന്നപൂരണി ഡിസംബര്‍ 1 ന് തിയറ്ററുകളില്‍ റിലീസ് ചെയ്യുകയും ഡിസംബര്‍ 29 ന് നെറ്റ്ഫ്‌ളിക്‌സില്‍ സ്ട്രീം ചെയ്യാന്‍ തുടങ്ങുകയും ചെയ്തിരുന്നു. എന്നാല്‍ സിനിമയിലെ ചില രംഗങ്ങളുമായി ബന്ധപ്പെട്ട വിവാദം ഇന്റര്‍നെറ്റില്‍ വന്‍ തിരിച്ചടി നേരിട്ടതിനാല്‍, ചിത്രം നെറ്റ്ഫ്‌ളിക്‌സില്‍ നിന്ന് നീക്കം ചെയ്തു.
രമേഷ് സോളങ്കി എന്ന ഒരു എക്സ് ഉപയോക്താവ് ജനുവരി 6 ന് സിനിമയ്ക്കെതിരെ കേസെടുത്തതായി എഴുതിയിരുന്നു. ”ലോകം മുഴുവന്‍ ഭഗവാന്‍ ശ്രീരാമ മന്ദിറിന്റെ പ്രാണ്‍ പ്രതിഷ്ഠക്കായി ആഹ്ലാദിക്കുമ്പോള്‍, സീ സ്റ്റുഡിയോസും നാദ് സ്റ്റുഡിയോസും ചേര്‍ന്ന് നിര്‍മ്മിച്ച ഈ ഹിന്ദു വിരുദ്ധ ചിത്രം അന്നപൂരണി നെറ്റ്ഫ്‌ളിക്‌സില്‍ റിലീസ് ചെയ്തു.” മതവികാരം വ്രണപ്പെടുത്തിയതിന് എഫ്ഐആര്‍ രജിസ്റ്റര്‍ ചെയ്യണമെന്ന് അദ്ദേഹം മുംബൈ പോലീസിനോട് ആവശ്യപ്പെട്ടു. ”ഹിന്ദു പൂജാരിയുടെ മകള്‍ ബിരിയാണി പാചകം ചെയ്യാന്‍ നമസ്‌കരിക്കുന്നു. ലൗ ജിഹാദിനെ ഈ സിനിമ പ്രോത്സാഹിപ്പിക്കുന്നു. ഭഗവാന്‍ ശ്രീരാമനും മാംസാഹാരിയാണെന്ന് പറഞ്ഞ് ഫര്‍ഹാന്‍ (നടന്‍) നടിയെ മാംസം കഴിക്കാന്‍ പ്രേരിപ്പിക്കുന്നു.
നയന്‍താര, ജയ്, നിലേഷ് കൃഷ്ണ, നിര്‍മ്മാതാക്കളായ ജതിന്‍ സേത്തി, ആര്‍ രവീന്ദ്രന്‍, നിര്‍മ്മാതാക്കളായ സീ സ്റ്റുഡിയോസ്, നെറ്റ്ഫ്‌ലിക്‌സ് ഇന്ത്യയുടെ മേധാവി എന്നിവര്‍ക്കെതിരെയാണ് പരാതി. പരാതി ഉയര്‍ന്നതിന് തൊട്ടു പിന്നാലെ ചിത്രം നീക്കം ചെയ്യാന്‍ ഒടിടി പ്ലാറ്റ്ഫോമിനോട് ആവശ്യപ്പെട്ട് നിര്‍മ്മാതാക്കള്‍ ക്ഷമാപണം നടത്തി. അതേസമയം രാമായണത്തെ ഉദ്ധരിക്കുന്ന ഒരു പ്രത്യേക ഡയലോഗിന്റെ പേരില്‍ സിനിമ നെറ്റ്ഫ്ലിക്സില് നിന്ന് അത് നീക്കം ചെയ്തതിനെയും പലരും വിമര്‍ശിക്കുകയും ചെയ്തിട്ടുണ്ട്.
ഒരു യാഥാസ്ഥിതിക കുടുംബത്തില്‍ നിന്നും പട്ടണത്തിലെത്തി ഷെഫാകാന്‍ കൊതിക്കുന്ന ഒരു സ്ത്രീയുടെ കഥയാണ് അന്നപൂരണി പറയുന്നത്. അവളുടെ അഭിനിവേശം പിന്തുടരുന്നതിനും കുട്ടിക്കാലം മുതല്‍ അവള്‍ പഠിപ്പിച്ച യാഥാസ്ഥിതിക ആശയങ്ങളില്‍ വിശ്വസിക്കുന്നതിനും ഇടയിലുള്ള അവളുടെ ജീവിതമാണ് സിനിമ പറയുന്നത്. നയന്‍താരയുടെ അന്നപൂര്‍ണിയും ജയ്യുടെ ഫര്‍ഹാനും സിനിമയില്‍ സൗഹൃദബന്ധം പങ്കിടുന്നു. സത്യരാജ, അച്യുത് കുമാര്‍, കെ.എസ് രവികുമാര്‍, കാര്‍ത്തിക് കുമാര്‍, രേണുക എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. സിനിമ ലവ് ജിഹാദ് പ്രചരിപ്പിക്കുന്നതായും ഹിന്ദു മതവിദ്വേഷം പ്രചരിപ്പിക്കുന്നതായും ആരോപണം ഉയര്‍ന്നിരുന്നു.
