സൗദി അറേബ്യയിലെ അല്‍ഖോബാറിലെ ഡോ സുലൈമാന്‍ അല്‍ ഹബീബ് ആശുപത്രിയില്‍ 230 കിലോ ഭാരമുള്ള ഒരു 20 കാരനില്‍ സ്വീവ് ഗ്യാസ്ട്രെക്ടറി ശസ്ത്രക്രിയ വളരെ വിജയകരമായി പൂര്‍ത്തികരിച്ചു.
അമിതവണ്ണം ടൈപ്പ് 2 പ്രമേഹം, നടക്കാന്‍ ബുദ്ധിമുട്ട് എന്നീ ആരോഗ്യ പ്രശ്നങ്ങളോടെയാണ് യുവാവ് ചികിത്സ തേടിയെത്തിയത്. പരിശോധനകള്‍ക്ക് ശേഷമായിരുന്നു ശസ്ത്രക്രിയ നടത്താനായി തീരുമാനിച്ചത്. ശസ്ത്രക്രിയ്ക്ക് ഒരു മാസം മുന്‍പ് തന്നെ ചികിത്സയുടെ ഭാഗമായി പ്രത്യേക ഒരു ഡയറ്റില്‍ യുവാവിനെ ഉള്‍പ്പെടുത്തിയിരുന്നു. ഇതിലൂടെ 8 കിലോ ഭാരം കുറയ്ക്കാനും സാധിച്ചു.
ലാപ്രോസ്‌കോപ്പിക് ടെക്നോളജിയുടെ സഹായത്തോടെയാണ് ശസ്ത്രക്രിയ നടത്തിയത്. ഇതിന് ശേഷം മൂന്നാം ദിനം യുവാവ് ആശുപത്രി വിട്ടു. ഡോ സുലൈമാന്‍ അല്‍ ഹബീബ് ഹോസ്പിറ്റലിലെ പൊണ്ണത്തടി ചികിത്സാ കേന്ദ്രം അമേരിക്കന്‍ സൊസൈറ്റി ഫോര്‍ സര്‍ജിക്കല്‍ ക്രെഡര്‍ഷ്യലിങ്ങിന്റെ അംഗീകാരമുള്ളതാണെന്നും അധികൃതര്‍ വ്യക്തമാക്കി.
