ഓണ്‍ലൈന്‍ ഡേറ്റിംഗ് ആപ്പ് വഴി പരിചയപ്പെട്ട കാമുകനെ കാണാന്‍ പുറപ്പെട്ട യുവതിയ്ക്ക കിട്ടിയത് വമ്പന്‍ പണി. യുഎസിലെ ഇന്ത്യാന സ്വദേശിയായ ജാസ്മിന് ട്രിഗ്സിനാണ് 2400 കിലോമീറ്റര്‍ സഞ്ചരിച്ച് കാമുകനെ കാണാന്‍ ഇറങ്ങി പുറപ്പെട്ടത്. ഓണ്‍ലൈന്‍ ഡേറ്റിംഗിലൂടെ പരിചയപ്പെട്ട ജമാല്‍ എന്നയാളെ തപ്പിയാണ് ജാസ്മിന് ഇറങ്ങിയത്. ഡേറ്റിംഗ് ആപ്പിലെ ഒരാഴ്ചത്തെ ചാറ്റിലൂടെയാണ് ഇരുവരും പ്രണയത്തിലായത്.
തുടര്‍ന്ന് ജാസ്മിനെ തന്റെ നഗരത്തിലേക്ക് ജമാല്‍ ക്ഷണിക്കുകയായിരുന്നു. ടെക്സാസിലാണ് താന്‍ എന്നാണ് ഇയാള്‍ ജാസ്മിനോട് പറഞ്ഞിരുന്നത്. അങ്ങനെ 31,643 രൂപ മുടക്കി ഇന്ത്യാനയില്‍ നിന്ന് ടെക്സാസിലേക്ക് ജാസ്മിന് വിമാനം കയറി. ഇന്ത്യാനയില്‍ ഏകദേശം 2400 കിലോമീറ്റര്‍ അകലെയാണ് ടെക്സാസ്. എന്നാല്‍ യാത്ര പുറപ്പെട്ടപ്പോള്‍ തന്നെ ജമാല്‍ ജാസ്മിന്റെ ഫോണ്‍ നമ്പര്‍ ബ്ലോക്ക് ചെയ്തു. ഈ വിവരം ടെക്സാസ് എയര്‍പോര്‍ട്ടിലെത്തിയപ്പോഴാണ് ജാസ്മിന് മനസിലായത്. അവളെ കൂട്ടാന്‍ ജമാല്‍ എയര്‍പോര്‍ട്ടിലെത്തിയില്ല. ഉടനെ അവള്‍ ജമാലിന് ഫോണ്‍ ചെയ്തു. എന്നാല്‍ ജമാലിന്റെ നമ്പരിലേക്ക് കോള്‍ പോയിരുന്നില്ല. മെസേജ് അയയ്ക്കാനും ശ്രമിച്ചു. ആ ശ്രമവും വിഫലമായതോടെയാണ് താന്‍ വഞ്ചിക്കപ്പെട്ട കാര്യം ജാസ്മിന് മനസിലായത്.
തിരിച്ച് പോകാനുള്ള വിമാനടിക്കറ്റിന്റെ പണം താന്‍ നല്‍കാമെന്ന് ജമാല്‍ ജാസ്മിന് വാക്ക് നല്‍കിയിരുന്നു. ”ഞങ്ങള്‍ ഒരുപാട് അടുത്തറിയാന്‍ ശ്രമിച്ചു. ലൈംഗിക താല്‍പ്പര്യങ്ങളെക്കുറിച്ചും സംസാരിച്ചു. എന്നെ കാണാതിരിക്കാന്‍ ആകില്ലെന്ന് അയാള്‍ പറഞ്ഞു. എന്റെ വരവ് പ്രമാണിച്ച് വീടും മുറിയും വൃത്തിയാക്കിയെന്നും പറഞ്ഞു. എന്നാല്‍ അഞ്ച് മണിക്കൂര്‍ യാത്ര ചെയ്ത് ഇവിടെയെത്തിയപ്പോഴേക്കും അയാള്‍ മുങ്ങി. എന്റെ കോളിനും മെസേജിനും യാതൊരു മറുപടിയുമില്ല,” ജാസ്മിന് പറഞ്ഞു. താന്‍ ഒരു റോബോട്ടിക്സ് കമ്പനി നടത്തുകയാണെന്നാണ് ജമാല്‍ ജാസ്മിനോട് പറഞ്ഞിരുന്നത്.
