സ്വര്‍ണമഴ എന്ന് കേട്ടിട്ടില്ലേ? എന്നാല്‍ ലോകത്തിലെ ഏറ്റവും സജീവമായ അഗ്നിപര്‍വതങ്ങളിലൊന്നായ മൗണ്ട് എറെബസില്‍ നിന്നും സ്വര്‍ണം പെയ്യുകയാണ്. പ്രതിദിനം ലക്ഷങ്ങള്‍ വിലമതിപ്പുള്ള സ്വര്‍ണത്തരികള്‍ പുറന്തള്ളപ്പെടുന്നുണ്ടെന്നാണ് കണ്ടെത്തിയിരിക്കുന്നത് . നാസയുടെ എര്‍ത്ത് ഒബ്‌സര്‍വേറ്ററി തന്നെയാണ് ഇക്കാര്യംസ്ഥിരീകരിച്ചത്. അന്റാര്‍ട്ടിക്കയിലെ തണുത്ത വായുവിലേക്ക് മൗണ്ട് എറെബസില്‍ നിന്നും ഒരോ ദിവസവും 80 ഗ്രാം സ്വര്‍ണ്ണമെങ്കിലും പുറന്തള്ളപ്പെടുന്നുണ്ടെന്നാണ് ശാസ്ത്രജ്ഞര്‍ കണ്ടെത്തിയത്. പഠനം അനുസരിച്ച് 138 അഗ്നിപര്‍വതങ്ങളാണ് അന്റാര്‍ട്ടിക്കയില്‍ ഏറ്റവും പ്രശ്‌സ്തമാണ് മൗണ്ട് എറെബസ്. 12, 448 ഉയരമുണ്ട് ഇതിന്.
പര്‍വതത്തിനുള്ളില്‍ നിന്നും പ്രവഹിക്കുന്ന വാതക പോക്കറ്റുകള്‍ക്കുള്ളിലാണ് സ്വര്‍ണത്തരികള്‍ അടങ്ങിയിരിക്കുന്നത്.മൈലുകള്‍ അകലെയുള്ള പ്രദേശത്തിലേക്ക് വരെ ഈ തരികള്‍ വന്ന് പതിക്കാറുണ്ടത്രേ.
പ്രതിഭാസം കണ്ടെത്തിയതിനെ തുടര്‍ന്ന് നടത്തിയ പരിശോധനയില്‍ വായു പ്രവാഹത്തിന്റെ ശക്തിയില്‍ നൂറുകണക്കിന് കിലോമീറ്ററുകൾ അകലെ വരെ ഇവവന്ന് പതിക്കുന്നുണ്ടെന്നും ശാസ്ത്രജ്ഞര്‍ തിരിച്ചറിഞ്ഞു.
കൊടുമുടിയിലെ ഗര്‍ത്തത്തിനുള്ളില്‍ കണ്ടെത്തിയ ലാവാ തടാകമാണത്. സാറ്റലൈറ്റ് ചിത്രങ്ങളില്‍ ലാവാ തടാകം ചുവപ്പു കലര്‍ന്ന നിറത്തിലാണ് കാണപ്പെടുന്നത്.സ്വര്‍ണം പുറംതള്ളുന്ന അഗ്നിപര്‍വതം; ഒരോ ദിവസവുംപുറത്തുവരുന്നത് ലക്ഷങ്ങള്‍ വിലയുള്ള സ്വര്‍ണം.
