സംവിധായകന്‍ മഗിഷ് തിരുമേനി അജിത്തുമായി കൈകോര്‍ക്കുന്ന ‘വിടാമുയര്‍ച്ചി’ ഏതാനും മാസങ്ങള്‍ക്ക് മുമ്പ് ചിത്രീകരണം ആരംഭിച്ചെങ്കിലും ചിത്രവുമായി ബന്ധപ്പെട്ട കൂടുതല്‍ വിവരങ്ങള്‍ പുറത്തുവിട്ടിട്ടില്ല. എന്നാല്‍ ഇപ്പോള്‍ വരുന്ന വിവരം അനുസരിച്ച് സിനിമ തീയറ്ററില്‍ എത്തുന്നതിന് മുമ്പ് തന്നെ ലാഭകരമായ ബിസിനസ് നടത്തുന്നു എന്നതാണ്. ചിത്രത്തിന്റെ ഒടിടി റൈറ്റ് നെറ്റ്ഫ്‌ളിക്‌സ് 100 കോടിക്ക് സ്വന്തമാക്കി.
ചിത്രത്തിന്റെ തമിഴ്, തെലുങ്ക്, മലയാളം, കന്നഡ പതിപ്പുകള്‍ നെറ്റ്ഫ്‌ലിക്‌സില്‍ സ്ട്രീം ചെയ്യും. 100 കോടിയിലധികം രൂപയ്ക്കാണ് ‘വിടാമുയാര്‍ച്ചി’യുടെ ഡിജിറ്റല്‍ അവകാശം സീല്‍ ചെയ്തിരിക്കുന്നതെന്നും അജിത്തിന്റെ ചിത്രത്തിന് കരിയറിലെ ഏറ്റവും ഉയര്‍ന്ന വിലയാണെന്നും റിപ്പോര്‍ട്ടുകളുണ്ട്. പ്രീ-റിലീസ് ബിസിനസില്‍ റെക്കോര്‍ഡുകള്‍ തകര്‍ക്കാന്‍ ഒരുങ്ങുന്ന ചിത്രം റിലീസിന് മുമ്പ് തന്നെ നിര്‍മ്മാതാക്കള്‍ക്ക് ലാഭകരമായ ഒന്നായി മാറിയിരിക്കുകയാണ്.
നിലവില്‍ ചിത്രത്തിന്റെ ഷൂട്ടിംഗിനായി ടീം അസര്‍ബൈജാനില്‍ ക്യാമ്പ് ചെയ്തിട്ടുണ്ട്. മഗിഷ് തിരുമേനി സംവിധാനം ചെയ്യുന്ന ‘വിടാമുയാര്‍ച്ചി’ ഒരു സസ്‌പെന്‍സ് ആക്ഷന്‍ ത്രില്ലര്‍ ആണെന്നും ചിത്രം പൂര്‍ണ്ണമായും വിദേശ ലൊക്കേഷനുകളിലാണ് ചിത്രീകരിക്കാന്‍ ഉദ്ദേശിക്കുന്നതെന്നും റിപ്പോര്‍ട്ടുകളുണ്ട്. അര്‍ജുന്‍ സര്‍ജ, റെജീന കസാന്‍ഡ്ര, ആരവ് എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
അനിരുദ്ധ് രവിചന്ദര്‍ സംഗീത സംവിധാനം നിര്‍വഹിക്കുമ്പോള്‍ ചിത്രത്തിന്റെ സംഗീത സംവിധായകനെ നിര്‍മ്മാതാക്കള്‍ ഔദ്യോഗികമായി പ്രഖ്യാപിച്ചിട്ടില്ല.
