ക്രിക്കറ്റ് ചരിത്രത്തില്‍ ആദ്യമായി ടൈംഔട്ട് വിളിച്ച് പുറത്തായ ആദ്യ ബാറ്റ്‌സ്മാനായി ശ്രീലങ്കയുടെ എയ്ഞ്ചല്‍ മാത്യൂസ് മാറിയതിന് പിന്നാലെ വിവാദം പൊട്ടിപ്പുറപ്പെടുന്നു. ശ്രീലങ്കയും ബംഗ്ലാദേശും തമ്മിലുള്ള ഐസിസി ലോകകപ്പ് 2023 ലെ മുപ്പത്തൊമ്പതാം മത്സരത്തിലാണ് വെറ്ററന്‍ ബാറ്റ്‌സ്മാന്‍ ഏഞ്ചലോ മാത്യൂസ് ഒരു പന്ത് പോലും നേരിടാതെ പുറത്തായത്. രാജ്യാന്തര ക്രിക്കറ്റിന്റെ 146 വര്‍ഷത്തെ ചരിത്രത്തില്‍ ആദ്യമായാണ് ഇത്തരം ഒരു പുറത്താകല്‍.
ബംഗ്ലാദേശ് ടൈം ഔട്ട് ആവശ്യപ്പെട്ടതിനെ തുടര്‍ന്ന് മാച്ച് അംപയര്‍ മറൈസ് ഇറാസ്മസ് മാത്യൂസിനെ പുറത്താക്കിയതായി പ്രഖ്യാപിക്കുകയായിരുന്നു. പ്രകോപിതനായാണ് മാത്യൂസ് ഗ്രൗണ്ടില്‍നിന്ന് കയറുന്നതിനിടയില്‍ ഹെല്‍മറ്റ് വലിച്ചെറിയുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായി.. ഏകദിന ലോകകപ്പില്‍ പുറത്താകുന്ന ആദ്യ ബാറ്റ്‌സ്മാനെന്ന റെക്കോര്‍ഡാണ് ഇതിലൂടെ ശ്രീലങ്കന്‍ ഓള്‍റൗണ്ടര്‍ സ്വന്തമാക്കിയത്. കളിയുടെ ഇരുപത്തിനാലാമത്തെ ഓവറിലായിരുന്നു നാടകീയ സംഭവം.
ലങ്കന്‍ ബാറ്റ്‌സ്മാന്‍ സദീറ സമരവിക്രമ പുറത്തായതോടെ ബംഗ്ലാദേശ് ക്യാപ്റ്റന് ഷാക്കിബ് അല്‍ ഹസനെ നേരിടാന്‍ എത്തിയതായിരുന്നു മാത്യൂസ്. തെറ്റായ ഹെല്‍മറ്റുമായിട്ടാണ് മാത്യൂസ് ക്രീസിലെത്തിയത്. പിന്നീട് ഇത് മാറ്റിയെടുക്കാന്‍ ഏറെ സമയം എടുത്തതോടെ ഷാക്കിബും സംഘവും ടൈം ഔട്ട് അഭ്യര്‍ത്ഥിച്ചു.
നിയമപ്രകാരം, ക്രീസില്‍ എത്തി മൂന്ന് മിനിറ്റിനുള്ളില്‍ പന്ത് നേരിടാന്‍ ബാറ്റ്‌സ്മാന്‍ തയ്യാറാകണം. ഹെല്‍മെറ്റിന്റെ സ്ട്രാപ്പ് പൊട്ടിയതിനാല്‍ ആദ്യ പന്തിനെ നേരിടാന്‍ വൈകിയതിനെക്കുറിച്ച് ശ്രീലങ്കന്‍ ബാറ്റ്‌സ്മാന്‍ തര്‍ക്കിച്ചതിനാല്‍ മാത്യൂസ് തന്റെ കേസ് ഷാക്കിബിനോട് വിശദീകരിക്കാന്‍ ശ്രമിച്ചു. എന്നിരുന്നാലും, അപ്പീല്‍ പിന്‍വലിക്കാന്‍ ഷാക്കിബ് വിസമ്മതിച്ചതോടെ മാത്യൂസിന് മാര്‍ച്ചിംഗ് ഓര്‍ഡറുകള്‍ ലഭിക്കുകയും ചെയ്തു.
അന്താരാഷ്ട്ര ക്രിക്കറ്റില്‍ ആദ്യമായാണ് ഈ രീതിയിലുള്ള പുറത്താകല്‍. ടീം മാനേജറുമായി തുറന്ന ചാറ്റില്‍ ഏര്‍പ്പെട്ടിരുന്ന ഹെമുലാല്‍ യാദവിന് ക്രീസില്‍ കൃത്യസമയത്ത് എത്താന്‍ കഴിയാത്തതിനാല്‍ അദ്ദേഹത്തെ പുറത്താക്കി. 1997-98 സീസണില് ഒഡീഷയ്‌ക്കെതിരായ ത്രിപുരയുടെ മത്സരത്തിനിടെയായിരുന്നു സംഭവം.
