തന്റെ മകൾക്ക് എന്തുകൊണ്ടാണ് ഒരു “മുസ്ലിം പേര്” നൽകിയതെന്ന് വ്യക്തമാക്കി ഒരു അമ്മ പങ്കുവെച്ച ഹൃദയസ്പർശിയായ കുറിപ്പ് സോഷ്യൽ മീഡിയയിൽ വൈറലാകുന്നു. കുട്ടിയുടെ പേരിനെച്ചൊല്ലി ചോദ്യങ്ങൾ ഉന്നയിച്ചവർക്കുള്ള വൈകാരികവും അർത്ഥവത്തുമായ ഒരു മറുപടിയാണ് ഈ കുറിപ്പ്.
മതപരമായ അതിർവരമ്പുകൾക്ക് അപ്പുറത്തുള്ള സ്നേഹത്തിന്റെ വലിയൊരു സന്ദേശം നൽകുന്നതാണ് ഈ സന്ദേശം. ഗൈനക്കോളജിസ്റ്റായ ഡോ. ബബിത തന്റെ ഇൻസ്റ്റാഗ്രാം പേജിലാണ് മകൾക്കും ഭർത്താവിനുമൊപ്പമുള്ള ചിത്രം പങ്കുവെച്ചുകൊണ്ട് ഈ കുറിപ്പ് എഴുതിയത്. “എന്തുകൊണ്ടാണ് നിങ്ങളുടെ മകൾക്ക് ഒരു മുസ്ലിം പേരിട്ടത്?” എന്ന് പലരും തന്നോട് ചോദിക്കാറുള്ള കാര്യത്തെക്കുറിച്ച് അവർ കുറിപ്പിൽ വ്യക്തമാക്കുന്നു.
സമൃദ്ധി, അനുഗ്രഹം, കൃപ എന്നൊക്കെ അർത്ഥം വരുന്ന “ബർക്കത്ത്” (Barkat) എന്നാണ് അവർ മകൾക്ക് പേരിട്ടിരിക്കുന്നത്. ഈ പേര് ഒരു വലിയ അനുഗ്രഹമാണെന്ന് അവർ വിശേഷിപ്പിക്കുന്നു. മകൾക്ക് ഈ പേര് നൽകിയതിന് പിന്നിലെ കാരണവും ചോദ്യങ്ങൾ ചോദിച്ചവർക്കുള്ള മറുപടിയും അവർ കുറിപ്പിലൂടെ പങ്കുവെച്ചു. മതാതീതമായ സ്നേഹത്തെക്കുറിച്ചുള്ള ഈ അമ്മയുടെ മനോഹരമായ സന്ദേശത്തിന് സോഷ്യൽ മീഡിയയിൽ വലിയ രീതിയിലുള്ള പ്രശംസയാണ് ലഭിച്ചുകൊണ്ടിരിക്കുന്നത്.
