ഒരു വിവാഹ ചടങ്ങിന്റെ ഡാൻസ് ഫ്ലോറിൽ ശ്രദ്ധാകേന്ദ്രമായി 75 വയസ്സുള്ള മുത്തശ്ശിയുടെ ഊർജ്ജസ്വലമായ നൃത്തവും ഹെഡ്ഫ്ലിപ്പും (തലകുത്തി മറിയല്). വീഡിയോ സോഷ്യൽ മീഡിയയിൽ തരംഗമാവുകയാണ്. ഇന്റർനെറ്റ് സ്നേഹത്തോടെ അവരെ “ അവരുടെ കാലഘട്ടത്തിലെ നോറ ഫത്തേഹി’’ എന്ന് വിശേഷിപ്പിച്ചു, ആത്മവിശ്വാസം, മനോഹാരിത, ഉന്മേഷം പകരുന്ന ചുവടുകൾ എന്നിവയിലൂടെ അവർ ആ വിശേഷണത്തിന് അക്ഷരാർത്ഥത്തിൽ അർഹയാണ്.
വൈറൽ ക്ലിപ്പിൽ, പരമ്പരാഗത സാരിയിൽ മനോഹരമായി അണിഞ്ഞ ഈ മുത്തശ്ശി പ്രൊഫഷണൽ നർത്തകർക്ക് പോലും വെല്ലുവിളിയാകുന്ന കുറ്റമറ്റ നൃത്തച്ചുവടുകൾ വയ്ക്കുന്നത് കാണാം. പ്രായമായവര് സാധാരണ ഉച്ചത്തിലുള്ള സംഗീതത്തിൽ നിന്നും വിവാഹത്തിരക്കിൽ നിന്നും ഒഴിഞ്ഞുമാറുമ്പോൾ, ഊർജ്ജസ്വലയായ ഈ മുത്തശ്ശി ആത്മവിശ്വാസത്തോടെ വേദിയിൽ എത്തുകയും, തന്റെ ഭാവപൂർണ്ണമായ ചലനങ്ങൾ കൊണ്ട് താളത്തിനൊത്ത് നിഷ്പ്രയാസം നൃത്തം ചെയ്യുകയുമായിരുന്നു.
കാണികളെ അമ്പരപ്പിച്ച നിമിഷം ഇതൊന്നുമായിരുന്നില്ല, ഊർജ്ജസ്വലമായ നൃത്തങ്ങളിൽ സാധാരണയായി കാണാറുള്ള അവരുടെ അപ്രതീക്ഷിത ‘ഹെഡ്ഫ്ലിപ്പ്’ ആയിരുന്നു അത്. ഈ പ്രായത്തിലും, അവർ അത് അവിശ്വസനീയമായ ലാഘവത്തോടെയാണ് ചെയ്യുന്നത്. ഇത് കണ്ട് കാണികൾ ആർത്തുല്ലസിക്കുകയും ആ നിമിഷം പകർത്താനായി ഫോണുകൾ എടുക്കുകയും ചെയ്യുന്നുണ്ട്. അതിഥികൾ കൈയടിക്കുകയും, ആവേശത്തോടെ അവരുടെ പ്രകടനം റെക്കോർഡ് ചെയ്യുകയും ചെയ്യുന്നത് വീഡിയോയിൽ കാണാം.
സോഷ്യൽ മീഡിയ ഉപയോക്താക്കൾ ഈ വീഡിയോയ്ക്ക് സ്നേഹം വാരിക്കോരി നൽകുകയും, അവരെ ഒരു “ഹാക്കർ” എന്ന് വിളിക്കുകയും ചെയ്യുന്നു. ഒരു ഉപയോക്താവ് എഴുതി: “അവരുടെ മികച്ച കാലഘട്ടത്തിൽ അവരെ ഒന്ന് സങ്കൽപ്പിച്ചു നോക്കൂ.” മറ്റൊരാൾ എഴുതിയത്: “ഈ മുത്തശ്ശിയുടെ നൃത്തം കണ്ടപ്പോൾ എന്റെ നടുവിന് വേദനയെടുത്തു.” മറ്റൊരു ഉപയോക്താവ് ഇങ്ങനെ അഭിപ്രായപ്പെട്ടു: “ഞാൻ എൻ്റെ മുത്തശ്ശിയെ കാണിച്ചു, അവർ ഇത് എ.ഐ. ആണെന്നാണ് പറയുന്നത്.”
ഈ വീഡിയോ ഇൻസ്റ്റാഗ്രാമിലും X-ലും വ്യാപകമായി പ്രചരിക്കുന്നത് തുടരുമ്പോൾ, അപ്രതീക്ഷിത താരങ്ങൾ ശ്രദ്ധാകേന്ദ്രമാകുന്ന വിവാഹ നിമിഷങ്ങൾക്ക് ഇതൊരു ഉത്തമ ഉദാഹരണമായി മാറുകയാണ്, ഈ മുത്തശ്ശി തീർച്ചയായും അവരിൽ ഒരാളാണ്.
