ഒരേ പെണ്ണിനെ പ്രണയിച്ച് പരസ്പരം പോരടിച്ച യുവാക്കളില് ഒരാള് മറ്റൊരാളെ വെടിവെച്ചു കൊന്നു. ഉത്തര്പ്രദേശിലെ അലിഗഡിലെ ആദര്ശ് നഗര് പ്രദേശത്ത് നടന്ന സംഭവത്തില് ആര്യന് എന്ന യുവാവാണ് വെടിയേറ്റ് മരിച്ചത്. ബബ്ളൂ എന്നയാളെ പോലീസ് അറസ്റ്റ് ചെയ്തു.
ത്രികോണ പ്രണയത്തില് പ്രതിയായ ബബ്ലുവും സുഹൃത്ത് ആര്യന് പണ്ഡിറ്റും ഒരേ സ്ത്രീയുമായി പ്രണയത്തിലായിരുന്നു. നേരത്തെയും യുവതിയെ ചൊല്ലി ഇരുവരും വഴക്കിട്ടിരുന്നു. കൊല്ലപ്പെട്ട ആര്യന് ഉള്പ്പെടെ മൂന്ന് പേര് ബുള്ളറ്റ് മോട്ടോര് സൈക്കിളിന് സമീപം സംസാരിച്ചുകൊണ്ടിരുന്നപ്പോള് രണ്ട് പേര് പെട്ടെന്ന് മറ്റൊരു ബൈക്കില് എത്തിയതായി ദൃക്സാക്ഷി പറഞ്ഞു.
ബബ്ലു ആദ്യം ആര്യനെ തല്ലുകയും പിന്നീട് വെടിയുതിര്ക്കുകയും ചെയ്തു. പോലീസ് ഉടന് തന്നെ സ്ഥലത്തെത്തി. പരിക്കേറ്റയാളെ ചികിത്സയ്ക്കായി ജെഎന് മെഡിക്കല് കോളേജില് പ്രവേശിപ്പിച്ചു. എന്നാല് ആശുപത്രിയില് വെച്ച് ചികിത്സയ്ക്കിടെ ആര്യന് മരണമടയുകയായിരുന്നു. ഫോറന്സിക് സംഘം സംഭവസ്ഥലത്ത് തെളിവെടുപ്പ് നടത്തി തുടര്നടപടികള് ആരംഭിച്ചു. പരാതിയുടെ അടിസ്ഥാനത്തില് പോലീസ് ഉചിതമായ നടപടി സ്വീകരിക്കുമെന്ന് മുതിര്ന്ന പോലീസ് ഉദ്യോഗസ്ഥന് പറഞ്ഞു.