രജനി, വിജയ്, അജിത്, സൂര്യ, ആര്യ തുടങ്ങി മുന്‍നിര താരങ്ങള്‍ക്കെല്ലാം ഒപ്പം അഭിനയിച്ച അനുഷ്‌ക്കയുടെ പേരില്‍ ബാഹുബലി എന്ന ബ്രഹ്മാണ്ഡ ചിത്രവും കുറിക്കപ്പെട്ടിട്ടുണ്ട്. തമിഴിലും തെലുങ്കിലുമായി ഓടിനടന്ന് അഭിനയിച്ചിരുന്ന നടി അനുഷ്‌ക്കാ ഷെട്ടി എന്നാല്‍ ഒരു വര്‍ഷമായി സിനിമയില്‍ നിന്നും ബ്രേക്കിലായിരുന്നു.
ഇത്രയും സുദീര്‍ഘമായ ബ്രേക്കിന്റെ കാര്യം ഒടുവില്‍ നടി തന്നെ വെളിപ്പെടുത്തി. യോഗയും വര്‍ക്കൗട്ടും ഒക്കെയായി ശരീരസൗന്ദര്യം ശരിക്കും സൂക്ഷിക്കുന്ന താരത്തിന് വണ്ണമുള്ള സ്ത്രീയായി അഭിനയിക്കാന്‍ ‘ഇഞ്ചി ഇടുപ്പഴകി’ എന്ന തമിഴ്, തെലുങ്ക് ചിത്രത്തിന് വേണ്ടി 20 കിലോ ഭാരം കൂട്ടേണ്ടി വന്നു. പിന്നാലെ ‘ബാഹുബലി’യില്‍ ദേവസേനയുടെ വേഷവും തേടിവന്നു. ഇതോടെ താരത്തിന് തടിയങ്ങു കൂടി.
എന്നാല്‍ അതിന് ശേഷം ഭാരം കുറച്ചെടുക്കാന്‍ താരം പെടാപ്പാടു പെടുകയായിരുന്നു. ഇതിന് വേണ്ടി ഒരു വര്‍ഷം ഒരു സിനിമയും കമ്മിറ്റും ചെയ്തില്ല. നീണ്ട ഇടവേളയ്ക്ക് ശേഷം ‘മിസ് ഷെട്ടി മിസ്റ്റര്‍ പോളിഷെട്ടി’ എന്ന ചിത്രത്തിലൂടെയാണ് നടി വമ്പന്‍ തിരിച്ചുവരവ് നടത്തിയിരിക്കുകയാണ്. നവാഗത സംവിധായകന്‍ മഹേഷ് ബാബുവാണ് ചിത്രം സംവിധാനം ചെയ്യുന്നത്. നവീന്‍ പോളിഷെട്ടിയാണ് നായകന്‍.
തെലുങ്ക്, തമിഴ്, കന്നഡ, മലയാളം, മറ്റ് ഭാഷകളില്‍ ചിത്രം പുറത്തിറങ്ങി. ഇടവേളയില്‍ ഒരു സിനിമ പോലും ചെയ്യാന്‍ താന്‍ സമ്മതിച്ചില്ലെന്നും എന്നാല്‍ ഇപ്പോള്‍ താന്‍ കഥകള്‍ കേള്‍ക്കുന്ന തിരക്കിലാണെന്നും പറഞ്ഞു. കഥകള്‍ നല്ലതാണെങ്കില്‍ ഏത് ഭാഷയിലും ഞാന്‍ അഭിനയിക്കാനും നടി തയ്യാറുമാണ്.
