നടി സാമന്ത റൂത്ത് പ്രഭു തെന്നിന്ത്യയില്‍ നിന്നും ബോളിവുഡിലേക്ക് വളര്‍ന്ന മികച്ച നടിമാരില്‍ ഒരാളാണ്. നാഗചൈതന്യയുമായുള്ള വിവാഹത്തിനും വേര്‍പിരിയലിനും ശേഷം ശക്തമായി സിനിമയിലേക്ക് തിരിച്ചുവന്ന അവര്‍ ഇന്ത്യയില്‍ ഏറെ ആരാധകരുള്ള എണ്ണപ്പെട്ട നടിമാരില്‍ ഒരാളാണ്. എന്നാല്‍ തന്നെ നടിയുടെ ഇഷ്ടനായികമാരുടെ പട്ടികയില്‍ രണ്ടു മലയാളി നടിമാരുണ്ട്.
നടന്‍ സാമന്ത റൂത്ത് പ്രഭു ഞായറാഴ്ച തന്റെ ഇന്‍സ്റ്റാഗ്രാം ഹാന്‍ഡില്‍ ‘ആസ്‌ക് എനിതിംഗ്’ സെഷന്‍ നടത്തി. ‘സിനിമാ മേഖലയിലെ മികച്ച നായിക’ മുതല്‍ തന്നെ സന്തോഷിപ്പിക്കുന്നത് എന്താണെന്നത് വരെ നിരവധി ആരാധകരുടെ ചോദ്യങ്ങള്‍ക്ക് സാമന്ത ഉത്തരം നല്‍കി. ഇന്ത്യ – പാകിസ്ഥാന്‍ മത്സരം കാണുന്നുണ്ടോ എന്ന് ഒരു ആരാധകന്റെ ചോദ്യത്തോടെയായിരുന്നു സാമന്ത തന്റെ സെഷന്‍ ആരംഭിച്ചത്. ‘യാസ്സ്’ എന്നായിരുന്നു ഇതിന് താരം പറഞ്ഞ മറുപടി. എന്താണ് സന്തോഷിപ്പിക്കുന്നതെന്ന് നടിയോട് ചോദിച്ചു.
”നിങ്ങളുടെ ചര്‍മ്മം തിളങ്ങുന്നു, നിങ്ങള്‍ വീണ്ടും പുഞ്ചിരിക്കുന്നു, നിങ്ങളോട് ഒരുപാട് സ്‌നേഹമുണ്ട്. ഇത്യാദി വാചകങ്ങള്‍ തനിക്ക് ഇഷ്ടപ്പെട്ടുവെന്ന് സാമന്ത പറഞ്ഞു. അതെ.. ഞാന്‍ വളരെ സന്തോഷവാനും ആരോഗ്യവതിയുമാണ്. ഈ വര്‍ഷം വളരെ വലുതാണ്. ഒരുപാട് രസകരമായ കാര്യങ്ങള്‍ ചെയ്യാന്‍ കാത്തിരിക്കുകയാണ്. എല്ലാ മാസവും പുതിയ എന്തെങ്കിലും ഉണ്ട്. ഒപ്പം നിങ്ങളെ അഭിമാനിപ്പിക്കുമെന്ന് ഞാന്‍ പ്രതീക്ഷിക്കുന്നു.” നടി പറഞ്ഞു.
സാമന്ത റൂത്ത് പ്രഭുവിനോടും ‘സിനിമാ വ്യവസായത്തിലെ മികച്ച നായികയെ കുറിച്ച് ചോദിച്ചപ്പോള്‍ അതിന് പ്രത്യേക ക്രമമൊന്നുമില്ല എന്നായിരുന്നു നടിയുടെ മറുപടി. ചില മികച്ച പ്രകടനങ്ങളുടെ അടിസ്ഥാനത്തിലാണ് ആ തെരഞ്ഞെടുപ്പ്. എനിക്ക് ഈ നടികളെ ഇഷ്ടമാണ്, അവര്‍ ചെയ്യുന്ന ജോലി ഇഷ്ടമാണ്, അവര്‍ റിസ്‌ക് എടുക്കുന്നു, ഇത് എളുപ്പമല്ല. ഉള്ളൊഴുക്കില്‍ പാര്‍വതിയെ വലിയ ബഹുമാനമാണ്. സൂക്ഷ്മദര്‍ശനിയിലെ നസ്രിയ, ജിഗ്രയിലെ ആലിയഭട്ടും, കണ്‍ട്രോളിലെ അനന്യ പാണ്ഡേയും റോക്ക് സ്റ്റാറുകളാണ്.
‘ കനി, ദിവ്യപ്രഭ എന്നിവര്‍ ഈ വര്‍ഷം അതിശയിപ്പിക്കുന്ന പ്രകടനങ്ങള്‍ നടത്തി. ഈ വര്‍ഷം അവര്‍ ചെയ്യുന്ന എല്ലാ സിനിമകള്‍ക്കുമായി കാത്തിരിക്കുകയാണ്. തന്റെ സെഷന്‍ അവസാനിപ്പിച്ചുകൊണ്ട്, നടി എഴുതി, ‘നിങ്ങള്‍ എത്രത്തോളം വളര്‍ന്നിരിക്കുന്നു എന്നതില്‍ അഭിമാനിക്കുക, നിങ്ങള്‍ക്ക് കഴിയുന്നിടത്തോളം. എന്നാല്‍ ഏറ്റവും മികച്ചവരാകാന്‍ ഒരിക്കലും ശ്രമിക്കരുത്.’ നടി പറഞ്ഞു.
