കൊളസ്‌ട്രോള്‍ നമ്മുടെ കോശങ്ങളില്‍ കാണപ്പെടുന്ന കൊഴുപ്പുള്ള ഒരു വസ്തുവാണ്. വൈറ്റമിന്‍ ഡി യെ പ്രോസസ് ചെയ്യാനും ഭക്ഷണം വിഘടിപ്പിക്കാനും ഹോര്‍മോണുകളുടെ ഉല്‍പാദനത്തിനുമെല്ലാം ഇത് സഹായകമാകുന്നു. രണ്ട് തരത്തിലുള്ള കൊളസ്‌ട്രോളാണുള്ളത്. എല്‍ഡിഎല്‍ അല്ലെങ്കില്‍ ചീത്ത കൊളസ്‌ട്രോളും എച്ച്ഡിഎല്‍ അല്ലെങ്കില്‍ നല്ല കൊളസ്‌ട്രോളും. തെറ്റായ ഭക്ഷണരീതിയും ജീവിതശൈലിയും പിന്തുടരുമ്പോഴാണ് പലരെയും ഈ രോഗം വലയിലാക്കുന്നത്.
കൊളസ്‌ട്രോള്‍ കൂടുന്നത് വഴി ഉയര്‍ന്ന രക്തസമ്മര്‍ദം ഉണ്ടാകാം. ഹൃദയാഘാതവും പക്ഷാഘാതത്തിനും കാരണമാകാം. ഇത് ഒഴിവാക്കാനായി കൊളസ്‌ട്രോളിന്റെ അളവും കുറയ്ക്കണം. സമീകൃതമായ ഭക്ഷണത്തിലൂടെയും കൃത്യമായ വ്യായാമത്തിലൂടെയും കൊളസ്‌ട്രോള്‍ കുറയ്ക്കാം.
ചില മത്സ്യങ്ങള്‍ എല്ലാദിവസവും ഭക്ഷണത്തില്‍ ഉള്‍കൊള്ളിക്കുന്നതും കൊളസ്‌ട്രോള്‍ കുറയ്ക്കുന്നതിന് സഹായിക്കും.
ഒമേഗ 3 ഫാറ്റി ആസിഡ് അധികമായി അടങ്ങിയിരിക്കുന്ന മത്സ്യമാണ് ചൂര. ഇത് കൊളസ്‌ട്രോള്‍ കുറയ്ക്കുന്നു. പുഴമീന്‍ അല്ലെങ്കില്‍ ആറ്റു മീനുകളിലും ഒമേഗ 3 ഫാറ്റി ആസിഡുകള്‍ ധാരളമുണ്ട്. നല്ല കൊളസ്‌ട്രോളിന്റെ അളവ് നിലനിര്‍ത്താനായി സഹായിക്കും. അയലയിലും ഒമേഗ 3 ഫാറ്റിആസിഡുണ്ട്.
കാഴ്ചയില്‍ മത്തിയെ പോലെ തോന്നുന്ന മത്സ്യമാണ് ഹെറിങ്ങ് ഫിഷ് . ഇതില്‍ 2 തരത്തിലുള്ള പ്രധാന ഫാറ്റി ആസിഡും ഇ പി എയും , ഡിഎച്ച്എയും അടങ്ങിയിരിക്കുന്നു. ഇത് ഇന്‍ഫ്‌ളമേഷന്‍ കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും. വിറ്റാമിന്‍ ഡിയുടെയും ഉറവിടമാണിത്.
മത്തിയില്‍ ധാരാളം ഒമേഗ 3 ഫാറ്റി ആസിഡുണ്ട്. ഫോസ്ഫറസ്, കാല്‍സ്യം പൊട്ടാസ്യം തുടങ്ങിയ പ്രധാനപ്പെട്ട ധാതുക്കളും അയണ്‍ സെലെനിയം എന്നിവയും മത്തിയില്‍ അടങ്ങിയിരിക്കുന്നു. ചെറിയ രീതിയില്‍ രക്തത്തിലെ പഞ്ചസാരയുടെ അളവ് കുറയ്ക്കാനും സഹായിക്കും. കൊമ്പന്‍ സ്രാവില്‍ ഒമേഗ 3 ഫാറ്റി ആസിഡുണ്ട്. ഇത് രക്തസമ്മര്‍ദവും കൊളസ്‌ട്രോളും കുറയ്ക്കും.
