20നും 30നും ഇടയിലുള്ള കാലയളവാണ് അമ്മയാകാൻ പറ്റിയ ഏറ്റവും നല്ല പ്രായമെന്നാണ് വിദഗ്ദർ അഭിപ്രായപ്പെടുന്നു . ഡോക്ടർമാരുടെ അഭിപ്രായത്തിൽ, സ്ത്രീകൾക്ക് 30 വയസ്സിന് മുമ്പ് ആദ്യത്തെ കുട്ടി ഉണ്ടാകണം.
രണ്ടാമത്തെ കുട്ടി 35 വയസ്സിന് ഉള്ളിലും . ഇതിനുശേഷം, ഗർഭധാരണത്തിനുള്ള സാധ്യത കുറഞ്ഞുവരും . പ്രായം കൂടുന്തോറും സ്ത്രീകളുടെയും പുരുഷന്മാരുടെയും പ്രത്യുത്പാദന ശേഷി കുറയാൻ തുടങ്ങുന്നു. പുരുഷന്മാരെ അപേക്ഷിച്ച്, ഒരു നിശ്ചിത പ്രായത്തിന് ശേഷം സ്ത്രീകളുടെ പ്രത്യുൽപാദനശേഷി അതിവേഗം കുറയുന്നു. ഇതാണ് ഗർഭധാരണ കാലയളവ് നിശ്ചയിക്കപ്പെടാനുള്ള കാരണം. ഗർഭാവസ്ഥയിൽ ഒരു പ്രശ്‌നവും ഉണ്ടാകാതിരിക്കാൻ ശരിയായ പ്രായത്തിൽ തന്നെ കുട്ടികളുണ്ടാകണമെന്ന് ആരോഗ്യ വിദഗ്ധർ പറയുന്നു .
ഇന്നത്തെ കാലഘട്ടത്തിൽ സ്ത്രീകൾ പഠനത്തിലും ജോലിയിലും ശ്രദ്ധ കേന്ദ്രീകരിക്കുന്നതിനാൽ തന്നെ അവർ വളരെ വൈകിയാണ് വിവാഹം കഴിക്കുന്നത്. ഇക്കാരണത്താൽ, അവരുടെ കുട്ടികളും 30 വയസ്സിന് ശേഷമാണ് ജനിക്കുന്നത്. അത്തരമൊരു സാഹചര്യത്തിൽ, പല സ്ത്രീകളുടെയും മനസ്സിൽ ഉയർന്നു വരുന്ന ചോദ്യമാണ് ഏത് പ്രായമാണ് അമ്മയാകാൻ ഏറ്റവും അനുയോജ്യമെന്നത്.
ഗ്രേറ്റർ നോയിഡയിലെ ഫോർട്ടിസ് ഹോസ്പിറ്റലിലെ ഗൈനക്കോളജിസ്റ്റും ഐവിഎഫ് സ്പെഷ്യലിസ്റ്റുമായ ഡോ. സൊണാലി ഗുപ്ത പറയുന്നത് സ്ത്രീകളുടെ പ്രത്യുൽപാദനശേഷി 20-നും 30-നും ഇടയിലാണ് എന്നാണ് . ഈ പ്രായത്തിൽ, സ്ത്രീകൾക്ക് സ്വാഭാവികമായി ഗർഭം ധരിക്കാൻ കഴിയും. ആദ്യത്തേ കുട്ടി 30 വയസ്സിന് മുമ്പാകണം.
20 നും 30 നും ഇടയിൽ പ്രായമുള്ള സ്ത്രീകളുടെ ശരീരമാണ് ഏറ്റവും ആരോഗ്യമുള്ളത് . ഇതുകൂടാതെ,ഈ കാലയളവിൽ പ്രത്യുൽപാദനക്ഷമതയും പ്രത്യുൽപാദന ആരോഗ്യവും ഏറ്റവും ഉയർന്ന നിലയിലാണ് ഉണ്ടാകുക . ഈ സമയത്ത്, സ്ത്രീകൾക്ക് ഗർഭധാരണത്തിനുള്ള സാധ്യത വർദ്ധിക്കുന്നു .
35 വയസ്സിന് മുമ്പ് സ്ത്രീകൾക്ക് രണ്ടാമത്തെ കുഞ്ഞ് ഉണ്ടാകണമെന്ന് ഡോക്ടർ പറയുന്നു . 35 വയസ്സിനു ശേഷം, സ്ത്രീകളുടെ പ്രത്യുൽപാദനശേഷി അതിവേഗം കുറയാൻ തുടങ്ങുന്നു. ഇത് ഗർഭധാരണ സാധ്യത കുറയ്ക്കുന്നു . 35 വർഷത്തിനുശേഷം, ഉയർന്ന അപകടസാധ്യതയുള്ള ഗർഭധാരണം സംഭവിക്കുന്നു, ഗർഭച്ഛിദ്രത്തിനുള്ള സാധ്യതയും വർദ്ധിക്കും.
ഈ പ്രായത്തിന് ശേഷം ഗർഭിണിയാകാൻ ഇൻ വിട്രോ ഫെർട്ടിലൈസേഷനും (IVF) മറ്റ് ചികിത്സകളും ആവശ്യമായി വന്നേക്കാം. എന്നിരുന്നാലും, അതിന്റെ വിജയ നിരക്ക് സ്ത്രീകളുടെ ആരോഗ്യത്തെ ആശ്രയിച്ചിരിക്കുന്നു.
40 വയസ്സിനു ശേഷം സ്ത്രീകളിൽ മാത്രമല്ല, പുരുഷന്മാരുടെയും പ്രത്യുൽപാദന ശേഷി കുറയുമെന്ന് ഐവിഎഫ് വിദഗ്ധൻ വ്യക്തമാക്കുന്നു . ഇക്കാലത്ത്, പുരുഷന്മാരുടെ ബീജത്തിന്റെ ഗുണനിലവാരം മോശമായതിനാൽ സ്ത്രീകൾക്ക് ഗർഭം ധരിക്കാൻ കഴിയാത്ത അവസ്ഥയും ഉണ്ടാകുന്നു .
