ആനുകാലിക ആക്ഷന്‍ ഡ്രാമ ആരാധകരെ അവിസ്മരണീയമായ സിനിമാറ്റിക് അനുഭവത്തിലേക്ക് നയിച്ച കങ്കുവ വന്‍ ഹിറ്റായി മുന്നേറുമ്പോള്‍ ഫാന്റസി ആക്ഷന്‍ സിനിമയില്‍ അഭിനയിച്ച നടീനടന്മാരുടെ പ്രതിഫലക്കാര്യവും വന്‍ ചര്‍ച്ചയായി മാറുകയാണ്. സൂര്യയും ബോബി ഡിയോളും ദിഷാപഠാനിയും അഭിനയിച്ച സിനിമയുമായി ബന്ധപ്പെട്ട കണക്കുകളും പുറത്തുവന്നു.
തമിഴ് സിനിമയില്‍ ഇതുവരെ നിര്‍മ്മിച്ചതില്‍ വച്ച് ഏറ്റവും ചെലവേറിയ ചിത്രങ്ങളിലൊന്നായ ഈ ഫാന്റസി ആക്ഷന്‍ ചിത്രത്തിലെ തന്റെ വേഷത്തിന് 39 കോടി രൂപ സമ്പാദിച്ചതായി റിപ്പോര്‍ട്ടുണ്ട്. 2-3 വര്‍ഷത്തെ ഇടവേളയ്ക്ക് ശേഷം സൂര്യ തിരികെ വന്ന സിനിമയില്‍ വില്ലന്‍ കഥാപാത്രമായ ഉദിരനെ അവതരിപ്പിച്ച ബോബിഡിയോളിന് അഞ്ചുകോടി രൂപ പ്രതിഫലം കിട്ടി.
ചിത്രത്തില്‍ സൂര്യയുടെ പ്രണയിനിയായി അഭിനയിച്ച ദിഷാ പഠാനിക്ക് മൂന്ന് കോടിയും പ്രതിഫലം നേടി. ബോബി ഡിയോളിന്റെയും ദിഷാ പഠാനിയുടേയും ആദ്യ തമിഴ്‌സിനിമ കൂടിയായിരുന്നു. ശ്രദ്ധേയമായ പ്രതിഫലം അണിയറപ്രവര്‍ത്തകര്‍ക്കും കിട്ടി. തന്റെ സ്വപ്ന പദ്ധതി യാഥാര്‍ത്ഥ്യമാക്കാന്‍ സംവിധായകന്‍ സിരുത്തൈ ശിവ രണ്ട് വര്‍ഷത്തെ കഠിനാധ്വാനം ചെയ്തു. ‘കങ്കുവ’യുടെ സംവിധാന സംഭാവനയ്ക്ക് ശിവ അഞ്ച് കോടി രൂപ പ്രതിഫലം വാങ്ങിയതായിട്ടാണ് റിപ്പോര്‍ട്ട്.
ദേവി ശ്രീ പ്രസാദിന്റെ സംഗീതവും വെട്രി ഛായാഗ്രഹണവും നിര്‍വ്വഹിച്ചിരിക്കുന്ന ഈ ആനുകാലിക ആക്ഷന്‍ ഡ്രാമ ഒരു ഇതിഹാസ ചിത്രമായി മാറും. കൂടാതെ ഇത് ത്രീഡിയിലും റിലീസ് ചെയ്യുന്നു. ലൊക്കേഷനുകളിലുടനീളം ചിത്രത്തിന് പ്രേക്ഷകരില്‍ നിന്ന് മികച്ച പ്രതികരണം ലഭിക്കുന്നതിനാല്‍ സൂര്യ നായകനാകുന്ന ചിത്രത്തിന് ഇത് ആഡംബരപൂര്‍ണ്ണമായ തുടക്കമാണ്.
