Uncategorized

‘ ബോളിവുഡില്‍ എന്നെ അറിയാൻ കാരണം അദ്ദേഹം’ ; അമീര്‍ ഖാന്റെ നല്ല മനസ്സിനെക്കുറിച്ച് സൂര്യ

തമിഴ്‌സൂപ്പര്‍താരം സൂര്യ തന്റെ വരാനിരിക്കുന്ന കങ്കുവ എന്ന ചിത്രം രാജ്യവ്യാപകമായി പ്രമോട്ട് ചെയ്യുന്ന തിരക്കിലാണ്. സൂര്യയുടെ സിനിമ വരുന്നത് മുന്‍നിര്‍ത്തി ബോളിവുഡിലെ ചില വമ്പന്‍ പ്രൊജക്ടുകളൊക്കെ റിലീസിംഗ് മാറ്റി വെച്ചിരിക്കുകയാണ്. അതിനിടയില്‍ തനിക്ക് ബോളിവുഡില്‍ മാന്യമായ ശ്രദ്ധ നേടുന്നതിന് കാരണക്കാരന്‍ ബോളിവുഡ് സൂപ്പര്‍താരം ആമിറിന്റെ വിശാല മനസ്സിനെക്കുറിച്ച് സംസാരിക്കുകയാണ് സൂര്യ. തന്ന ഉത്തരേന്ത്യയ്ക്ക പരിചയപ്പെടുത്തിയത് ആമിര്‍ ആണെന്ന് സൂര്യ പറഞ്ഞു.

തന്റെ സഹനടി ദിഷാ പഠാനിയോട് സംസാരിക്കുമ്പോള്‍, തന്റെ ചിത്രങ്ങളുടെ ഹിന്ദി റീമേക്കില്‍ ഏതാണ് ഏറ്റവും ഇഷ്ടമെന്ന് ചോദ്യത്തിന് ഗജിനി എന്നായിരുന്നു താരത്തിന്റെ മറുപടി. ”ആ റീമേക്കുകളെക്കുറിച്ച് അറിയാത്ത ആളുകള്‍ക്ക്, ഞാന്‍ വീണ്ടും പറയാന്‍ ആഗ്രഹിക്കുന്നു. കാക്ക കാഖ ഇവിടെ ഫോഴ്സ് ആയിരുന്നു. ഗജിനി തീര്‍ച്ചയായും ഹിന്ദിയില്‍ ഗജിനി ആയിരുന്നു. തീര്‍ച്ചയായും സിങ്കം സിങ്കമെന്ന പേരില്‍ ആയിരുന്നു. പക്ഷേ ഒരുപാട് മാറ്റങ്ങളോടെയാണ് സിനിമ വന്നത്. ഇപ്പോള്‍ സൂരറൈ പോട്രുവിന്റെ റീമേക്കാണ് സര്‍ഫിറ.”

ഈ ചിത്രങ്ങളെല്ലാം ഹിന്ദിയിലേക്ക് റീമേക്ക് ചെയ്യുമ്പോള്‍ തന്നെയോ മറ്റ് അഭിനേതാക്കളെയോ സംവിധായകരെയോ അംഗീകരിച്ചത് ആമിര്‍ മാത്രമാണെന്നും അദ്ദേഹം കൂട്ടിച്ചേര്‍ത്തു. അദ്ദേഹം പറഞ്ഞു, ”സാധാരണയായി ഒരു സിനിമ റീമേക്ക് ചെയ്യുമ്പോള്‍, യഥാര്‍ത്ഥ നടനെയോ അഭിനേതാക്കളെയോ സംവിധായകരെയോ കുറിച്ച് ആരും തന്നെ ചര്‍ച്ച ചെയ്യാറില്ല. എന്നാല്‍ ആദ്യമായി, ആമിര്‍ സാര്‍ സിനിമയെ കുറിച്ച് സംസാരിക്കുകയും എല്ലാ അഭിനേതാക്കളെയും സംവിധായകനെയും കുറിച്ച് സംസാരിക്കുകയും ചെയ്തുവെന്ന് ഞാന്‍ കരുതുന്നു. ആരെങ്കിലും എന്നെക്കുറിച്ച് സംസാരിക്കുന്നതിന് മുമ്പുതന്നെ, വടക്കുള്ള ആളുകള്‍, തമിഴ് സംസാരിക്കാത്ത ആളുകള്‍, എന്നെക്കുറിച്ച് അറിയാന്‍ അദ്ദേഹം മാത്രമാണ് ഉത്തരവാദിയെന്ന് ഞാന്‍ കരുതുന്നു.

ആമിര്‍ എന്റെ പേര് ആവര്‍ത്തിച്ച് ആവര്‍ത്തിച്ച പറഞ്ഞുകൊണ്ടിരുന്നു. മറ്റ് റീമേക്കുകളും ‘ഹൃദയത്തോട് ചേര്‍ന്നതാണെങ്കിലും വടക്കന്‍ പ്രേക്ഷകര്‍ക്ക് തന്നെ ആമിര്‍ഖാന്‍ പരിചയപ്പെടുത്തിയ ‘ഗജിനി’ തന്നെ ഏറ്റവും പ്രിയപ്പെട്ടതായി തിരഞ്ഞെടുക്കേണ്ടതുണ്ടെന്നും സൂര്യ പറഞ്ഞു. സിനിമ ഭാഷാ അതിര്‍വരമ്പുകള്‍ മായ്ച്ചു കളഞ്ഞെന്നും ആമിര്‍ റീമേക്ക് ചെയ്തത് തനിക്ക് ഇഷ്ടമാണെന്നും അദ്ദേഹം പറഞ്ഞു.

2005ല്‍ എആര്‍ മുരുകദോസിന്റെ ഗജിനിയില്‍ അഭിനയിച്ചതോടെയാണ് സൂര്യയുടെ കരിയര്‍ കുതിച്ചുയര്‍ന്നത്്. റിട്രോഗ്രേഡ് ഓര്‍മ്മക്കുറവ് വികസിപ്പിക്കുകയും കാമുകിയുടെ മരണത്തിന് പ്രതികാരം ചെയ്യുകയും ചെയ്യുന്ന ഒരു ബിസിനസുകാരന്റെ വേഷമാണ് സിനിമയില്‍ കണ്ടത്. 2008ല്‍ ചിത്രത്തിന്റെ ഹിന്ദി റീമേക്കില്‍ ആമിര്‍ അഭിനയിച്ചു. യോദ്ധാവായും സമകാലികനായും ഇരട്ടവേഷങ്ങളില്‍ താരമെത്തുന്ന കങ്കുവ നവംബര്‍ 14 ന് തിയേറ്ററുകളില്‍ എത്തും. കാര്‍ത്തിക് സുബ്ബരാജിനൊപ്പം പേരിടാത്ത ചിത്രത്തിലാണ് താരമിപ്പോള്‍.