ഇത് റീ റിലീസിംഗിന്റെ കാലമാണ്. വിജയ് യുടെ ഗില്ലി മുതല് തുടങ്ങിയ പ്രവണതയില് മലയാളത്തില് നിന്നും സ്ഫടികവും ദേവദൂതനും മണിച്ചിത്രത്താഴുമെല്ലാം വമ്പന് നേട്ടമുണ്ടാക്കി. എന്നാല് മമ്മൂട്ടി നായകനായി മൂന്ന് വേഷങ്ങളില് എത്തിയ പലേരി മാണിക്യത്തിന് രണ്ടാം വരവിലും ഉണര്വ്വുണ്ടാക്കാനായില്ല.
ആദ്യ തവണ വന്നപ്പോഴും ബോക്സോഫീസില് മൂക്ക് കൂത്തിയ സിനിമ റി റിലീസിംഗിലും ശ്രദ്ധ നേടാനായില്ല. ഒക്ടോബര് നാലിന് വീണ്ടും റിലീസ് ചെയ്ത സിനിമയ്ക്ക് ഒരാഴ്ച കൊണ്ടു നേടാനായത് ഒരു ലക്ഷം രൂപ പോലുമില്ല. കേരള ബോക്സ് ഓഫീസ് എന്ന ട്വിറ്റര് പേജ് പ്രകാരം ‘പാലേരി മാണിക്യം’ ഒരു ലക്ഷം രൂപയില് താഴെയാണ് നേടിയത്. ഈ മോശം കളക്ഷനുകള്ക്കൊപ്പം, നെറ്റിസണ്സ് ട്വിറ്ററിലേക്ക് പോകുകയും വീണ്ടും റിലീസ് ചെയ്യാനുള്ള നിര്മ്മാതാവിന്റെ തീരുമാനത്തെക്കുറിച്ചുള്ള പ്രതികരണങ്ങള് പങ്കിടുകയും ചെയ്തു.
ഒരു നെറ്റിസണ് ട്വീറ്റ് ചെയ്തു, ‘പാലേരിമാണിക്യം ആവശ്യമില്ലാത്ത റീ റിലീസ്’ എന്നായിരുന്നു ഒരു കമന്റ്. ”തിരുവനന്തപുരം ജില്ലയില് പാലേരി മാണിക്യത്തിന് ആകെ 10 ഷോകള് ചാര്ട്ട് ചെയ്തിട്ടുണ്ട്. അതില് നിന്ന് 2 ടിക്കറ്റുകള് മാത്രമാണ് ഇതുവരെ വിറ്റഴിഞ്ഞത്.” മറ്റൊരാള് ട്വീറ്റ് ചെയ്തു.
ഒരു പാതിരാകൊലപാതകത്തിന്റെ കഥ’ 2009 ഡിസംബര് 4 ന് ബിഗ് സ്ക്രീനുകളില് എത്തി, ടിപി രാജീവന് എഴുതിയ അതേ പേരിലുള്ള നോവലിനെ അടിസ്ഥാനമാക്കിയുള്ള ഈ മിസ്റ്ററി ഡ്രാമ സിനിമയില് മമ്മൂട്ടി ട്രിപ്പിള് റോളില് അഭിനയിച്ചു.
കേരളത്തില് രേഖപ്പെടുത്തിയ ആദ്യത്തെ കുറ്റകൃത്യം എന്ന് പറയപ്പെടുന്ന ഒരു യഥാര്ത്ഥ ക്രൈം സ്റ്റോറിയെ അടിസ്ഥാനമാക്കിയാണ് ‘പാലേരി മാണിക്യം’ ഒരുക്കിയത്. ബലാത്സംഗത്തിനിരയായി കൊല്ലപ്പെട്ട മാണിക്യത്തിന്റെ കഥയാണ് ചിത്രം പറയുന്നത്.