പാമ്പിനെ എല്ലാവര്‍ക്കും പേടിയാണ്. എന്നാല്‍ ഈ കാക്ക ആ കൂട്ടത്തില്‍ പെടുന്നവനല്ല. തന്റെ മുന്നിലുള്ള പാമ്പ് ഒരു മൂര്‍ഖന്‍ ആയിരുന്നിട്ടു കൂടി അതിനെ യാതൊരു കൂസലുമില്ലാതെ ഒരു കാക്ക കൊത്തിപ്പറിക്കാന്‍ ശ്രമിക്കുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ വൈറല്‍ ആയി മാറിയിരിക്കുകയാണ്.
@TheBrutalNature എന്ന ഇന്‍സ്റ്റാഗ്രാം പേജില്‍ പങ്കിട്ട വീഡിയോയില്‍ കാക്ക പാമ്പിനെ തന്റെ നഖങ്ങള്‍ ഉപയോഗിച്ച് നിഷ്‌കരുണം ആക്രമിക്കുന്നതായി കാണാം. പാമ്പ് ഒഴിഞ്ഞുമാറാന്‍ ശ്രമിക്കുന്നുണ്ടെങ്കിലും കാക്ക അതിനനുവദിക്കാതെ പാമ്പിന്റെ വായില്‍തന്നെ കൊത്തിവലിക്കുന്നതായും കാണാം. നാടകീയമായ ഈ രംഗങ്ങള്‍ സോഷ്യല്‍ മീഡിയയില്‍ ദശലക്ഷകണക്കിനാളുകളെയാണ് അമ്പരപ്പിച്ചിരിക്കുന്നത്.
വീഡിയോ നിരവധി പ്രതികരണങ്ങളുണ്ടാക്കുന്നുണ്ട്, ചിലര്‍ കാക്കയുടെ ധീരതയെ പുകഴ്ത്തിയപ്പോള്‍ മറ്റുള്ളവര്‍ മൂര്‍ഖന്റെ പ്രതിരോധശേഷിയില്‍ അത്ഭുതം പ്രകടിപ്പിച്ചു.
